MP Kangana Speaks On Periods : ਕੰਗਨਾ ਰਣੌਤ ਨੇ ਮਾਹਵਾਰੀ ਦੌਰਾਨ ਮੰਦਿਰ-ਰਸੋਈ ਜਾਣ ਦੇ ਮਾਮਲੇ 'ਤੇ ਦਿੱਤਾ ਬਿਆਨ, ਕਿਹਾ- ਮੈਨੂੰ ਜਾਣਾ ਪੈਂਦਾ ਹੈ...
Kangana Speaks On Periods : ਬਾਲੀਵੁੱਡ ਅਦਾਕਾਰਾ ਅਤੇ ਸਿਆਸਤਦਾਨ ਕੰਗਨਾ ਰਣੌਤ ਹਰ ਮੁੱਦੇ 'ਤੇ ਖੁੱਲ੍ਹ ਕੇ ਆਪਣੀ ਰਾਏ ਪ੍ਰਗਟ ਕਰਨ ਲਈ ਜਾਣੀ ਜਾਂਦੀ ਹੈ। ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ, ਉਸਨੇ ਮਾਹਵਾਰੀ ਦੌਰਾਨ ਸਫਾਈ ਬਣਾਈ ਰੱਖਣ ਦੇ ਮੁੱਦੇ 'ਤੇ ਖੁੱਲ੍ਹ ਕੇ ਗੱਲ ਕੀਤੀ। ਉਸਨੇ ਕਿਹਾ ਕਿ ਇੱਕ ਅਦਾਕਾਰਾ ਹੋਣ ਦੇ ਨਾਤੇ, ਉਸਨੂੰ ਸ਼ੂਟਿੰਗ ਦੌਰਾਨ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਅਤੇ ਸੁੱਖ ਸਹੂਲਤਾਂ ਮਿਲਦੀਆਂ ਹਨ, ਪਰ ਜ਼ਿੰਦਗੀ ਹਰ ਕਿਸੇ ਲਈ ਅਜਿਹੀ ਨਹੀਂ ਹੁੰਦੀ।
ਕੰਗਨਾ ਰਣੌਤ ਨੇ ਮਾਹਵਾਰੀ ਦੌਰਾਨ ਔਰਤਾਂ ਨੂੰ ਮੰਦਰਾਂ ਵਿੱਚ ਦਾਖਲ ਨਾ ਹੋਣ ਦੇ ਮੁੱਦੇ 'ਤੇ ਵੀ ਆਪਣੇ ਵਿਚਾਰ ਪ੍ਰਗਟ ਕੀਤੇ ਅਤੇ ਦੱਸਿਆ ਕਿ ਜਦੋਂ ਉਹ ਛੋਟੀ ਸੀ ਤਾਂ ਉਸਨੂੰ ਵੀ ਇਹ ਗੱਲ੍ਹਾ ਦੱਸੀਆਂ ਤੇ ਸਮਝਾਈਆਂ ਜਾਂਦੀਆਂ ਸੀ।
ਕੰਗਨਾ ਰਣੌਤ ਨੇ ਕਿਹਾ ਕਿ ਜਦੋਂ ਉਹ ਛੋਟੀ ਸੀ, ਤਾਂ ਉਸਨੂੰ ਮਾਹਵਾਰੀ ਦੌਰਾਨ ਮੰਦਰ ਨਾ ਜਾਣ ਲਈ ਵੀ ਕਿਹਾ ਜਾਂਦਾ ਸੀ। ਅਦਾਕਾਰਾ ਨੇ ਹੱਸਦੇ ਹੋਏ ਕਿਹਾ ਕਿ ਅਜਿਹਾ ਕੋਈ ਜ਼ੁਲਮ ਨਹੀਂ ਸੀ, ਸਾਨੂੰ ਸਿਰਫ਼ ਆਰਾਮ ਕਰਨ ਲਈ ਕਿਹਾ ਜਾਂਦਾ ਸੀ।" ਉਸਨੇ ਕਿਹਾ ਕਿ ਮੈਂ ਉਸ ਸਮੇਂ ਕਦੇ ਵੀ ਮੰਦਰ ਜਾਣ 'ਤੇ ਬਹਿਸ ਨਹੀਂ ਕੀਤੀ, ਕਿਉਂਕਿ ਮੈਨੂੰ ਬਹੁਤ ਗੰਦਾ ਮਹਿਸੂਸ ਹੁੰਦਾ ਸੀ। ਮੈਨੂੰ ਉਸ ਸਮੇਂ ਸਾਰਿਆਂ ਨੂੰ ਥੱਪੜ ਮਾਰਨ ਦਾ ਮਨ ਕਰਦਾ ਸੀ। ਦਿਲ ਵੀ ਨਹੀਂ ਲੱਗਦਾ ਸੀ। ਮੰਮੀ ਉਸ ਸਮੇਂ ਸਾਡੇ ਪ੍ਰਤੀ ਇੰਨੀ ਸੰਵੇਦਨਸ਼ੀਲ ਹੋ ਜਾਂਦੀ ਸੀ।
ਕੰਗਨਾ ਰਣੌਤ ਨੇ ਦੱਸਿਆ ਕਿ ਲੋਕ ਉਸ ਚੀਜ਼ਾ ਦਾ ਵਿਰੋਧ ਕਰਦੇ ਹਨ ਕਿ ਅਸੀਂ ਤਾਂ ਮੰਦਿਰ ’ਚ ਜਾਣਾ ਹੈ ਜਾਂ ਰਸੋਈ ’ਚ ਜਾਣਾ ਹੈ। ਮੈਨੂੰ ਲਗਦਾ ਹੈ ਕਿ ਜੇਕਰ ਤੁਹਾਡੇ ਕੋਲ ਕੋਈ ਹੋਰ ਵਿਕਲਪ ਨਹੀਂ ਹੈ ਤਾਂ ਤੁਸੀਂ ਜਾਓ। ਮੈ ਆਪਣੇ ਘਰ ’ਚ ਇੱਕਲੀ ਰਹਿੰਦੀ ਹਾਂ ਇਸ ਲਈ ਮੈਨੂੰ ਜਾਣਾ ਪੈਂਦਾ ਹੈ। ਤਾਂ ਉਹ ਲੋਕ ਜਿਨ੍ਹਾਂ ਦੇ ਕੋਲ ਦੂਜਾ ਰਸਤਾ ਨਹੀਂ ਹੈ ਤਾਂ ਉਨ੍ਹਾਂ ਨੂੰ ਰਸੋਈ ’ਚ ਜਾਣਾ ਪਵੇਗਾ। ਕੰਗਣਾ ਰਣੌਤ ਨੇ ਇਸ ਨੂੰ ਨੈਗੇਟਿਵ ਅਤੇ ਪਾਜੀਟਿਵ ਐਨਰਜੀ ਦੇ ਨਾਲ ਜੋੜਕੇ ਦੱਸਿਆ।
ਅਦਾਕਾਰਾ ਨੇ ਕਿਹਾ ਕਿ ਜਦੋਂ ਕੋਈ ਔਰਤ ਸੋਗ ਦੀ ਸਥਿਤੀ ਵਿੱਚ ਹੁੰਦੀ ਹੈ, ਤਾਂ ਉਸ ਵਿੱਚੋਂ ਨਕਾਰਾਤਮਕ ਊਰਜਾ ਨਿਕਲਦੀ ਹੈ। ਇਸੇ ਕਰਕੇ ਬਹੁਤ ਸਾਰੀਆਂ ਔਰਤਾਂ ਉਨ੍ਹਾਂ ਦੇ ਸਾਹਮਣੇ ਖੜ੍ਹੀਆਂ ਵੀ ਨਹੀਂ ਹੋਣਾ ਚਾਹੁੰਦੀਆਂ। ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਸੀਂ ਕਿਸੇ ਲਈ ਖਾਣਾ ਨਹੀਂ ਬਣਾਉਂਦੇ ਹੋ ਤਾਂ ਇਹ ਸਿਰਫ ਉਨ੍ਹਾਂ ਦੀ ਭਲਾਈ ਲਈ ਹੁੰਦਾ ਹੈ। ਦਰਅਸਲ, ਇਹ ਅਸਲ ਵਿੱਚ ਤੁਹਾਡੇ ਲਈ ਆਰਾਮ ਕਰਨ ਦਾ ਸਮਾਂ ਹੈ। ਉੱਥੇ ਹੀ ਜੇਕਰ ਕੰਗਨਾ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ 'ਐਮਰਜੈਂਸੀ' ਤੋਂ ਬਾਅਦ ਕੰਗਨਾ ਰਣੌਤ ਦੀ ਕਿਸੇ ਵੀ ਨਵੀਂ ਫਿਲਮ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ।
- PTC NEWS
