LGBTQ Fashion Creator Param Sahib ’ਤੇ ਹੋਏ ਦਿਨ ਦਿਹਾੜੇ ਹਮਲੇ ਸਬੰਧੀ ਦੱਸੀ ਸਾਰੀ ਸੱਚਾਈ, ਕਿਹਾ- ਮੇਰਾ ਕੰਮ ਧਰਮ....'
LGBTQ Fashion Creator Param Sahib : ਕੁਝ ਲੋਕਾਂ ਨੂੰ ਅਣਕਿਆਸੀਆਂ ਘਟਨਾਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਜੋ ਸੁਣਨ ਵਾਲਿਆਂ ਨੂੰ ਹੈਰਾਨ ਕਰ ਦਿੰਦੀਆਂ ਹਨ। ਪਰਮ ਸਾਹਿਬ ਨੇ ਵੀ ਇਸੇ ਤਰ੍ਹਾਂ ਦੀ ਕਹਾਣੀ ਸਾਂਝੀ ਕੀਤੀ। ਉਹ ਖਰੀਦਦਾਰੀ ਕਰ ਰਿਹਾ ਸੀ, ਪਰ ਉਸਦੇ ਕੰਮ ਮਹਿੰਗੇ ਸਾਬਤ ਹੋਏ। ਪਰਮ ਇੱਕ ਐਲਡੀਬੀਟੀਕਿਊ ( LGBTQ) ਫੈਸ਼ਨ ਸਿਰਜਣਹਾਰ ਹੈ ਜੋ ਅਕਸਰ ਆਪਣੇ ਵੀਡੀਓਜ਼ ਲਈ ਇੰਸਟਾਗ੍ਰਾਮ 'ਤੇ ਦਿਖਾਈ ਦਿੰਦਾ ਹੈ। ਉਹ ਦਿੱਲੀ ਦੇ ਕਨਾਟ ਪਲੇਸ ਵਿੱਚ ਇੱਕ ਵੀਡੀਓ ਬਣਾਉਣ ਗਿਆ ਸੀ। ਕੁਝ ਆਦਮੀਆਂ ਨੇ ਉਸਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਮੌਕਾ ਮਿਲਦੇ ਹੀ ਉਸ 'ਤੇ ਹਮਲਾ ਕਰ ਦਿੱਤਾ।
ਦੱਸ ਦਈਏ ਕਿ ਇਸ ਹਮਲੇ ਵਿੱਚ ਪਰਮ ਜ਼ਖਮੀ ਹੋ ਗਿਆ ਸੀ। ਬਹੁਤ ਸਾਰੇ ਲੋਕਾਂ ਨੇ ਉਸਨੂੰ ਇੰਸਟਾਗ੍ਰਾਮ 'ਤੇ ਹਮਲੇ ਬਾਰੇ ਵੇਰਵੇ ਸਾਂਝੇ ਕਰਨ ਤੋਂ ਮਨਾ ਕੀਤਾ। ਹਾਲਾਂਕਿ, ਉਸਨੇ ਸੱਚ ਦੱਸਣ ਦਾ ਫੈਸਲਾ ਕੀਤਾ। ਉਸਨੇ ਇੱਕ ਵੀਡੀਓ ਸਾਂਝਾ ਕੀਤਾ ਜਿਸ ਵਿੱਚ ਪਰਮ ਨੇ ਉਹ ਸਭ ਕੁਝ ਦੱਸਿਆ ਜੋ ਉਸ ਦੇ ਨਾਲ ਵਾਪਰਿਆ।
ਪਰਮ ਨੇ ਇਹ ਵੀ ਦੱਸਿਆ ਕਿ ਪਿਛਲੇ ਛੇ ਮਹੀਨਿਆਂ ਵਿੱਚ ਉਸ ’ਤੇ ਇਹ ਦੂਜਾ ਹਮਲਾ ਹੈ। ਐਤਵਾਰ ਸ਼ਾਮ ਨੂੰ ਉਹ ਸਰਦੀਆਂ ਦੀ ਖਰੀਦਦਾਰੀ ਦੀ ਵੀਡੀਓ ਬਣਾਉਣ ਲਈ ਕਨਾਟ ਪਲੇਸ ਗਿਆ ਸੀ। ਟੀਮ ਦੇ ਦੋ ਹੋਰ ਮੈਂਬਰ ਉਸਦੇ ਨਾਲ ਸੀ। ਉਹ ਕਨਾਟ ਪਲੇਸ ਵਿੱਚ ਘੁੰਮ ਰਿਹਾ ਸੀ। ਪਰ ਉਸ ਨੂੰ ਇਹ ਅਹਿਸਾਸ ਨਹੀਂ ਹੋਇਆ ਕਿ ਕੁਝ ਲੋਕ ਉਸ ਦਾ ਪਿੱਛਾ ਕਰ ਰਹੇ ਹਨ। ਉਹ ਉਸ ਨੂੰ ਉਸਦੇ ਇੰਸਟਾਗ੍ਰਾਮ ਵੀਡੀਓ ਜਰੀਏ ਜਾਣਦੇ ਹਨ ਅਤੇ ਜਿਨ੍ਹਾਂ ਲੋਕਾਂ ਨੇ ਉਸ ’ਤੇ ਹਮਲਾ ਕੀਤਾ ਸੀ ਉਹ ਉਸ ਨੂੰ ਪਸੰਦ ਨਹੀਂ ਕਰਦੇ ਹਨ।
ਪਰਮ ਨੇ ਕਿਹਾ ਕਿ ਸ਼ੂਟ ਮਗਰੋਂ ਅਸੀਂ ਵਾਪਸ ਕੈਬ ਵੱਲ ਤੁਰਨ ਲੱਗੇ। ਇਸ ਦੌਰਾਨ ਕੁਝ ਲੋਕਾਂ ਨੇ ਮੌਕਾ ਸੰਭਾਲਦਿਆਂ ਮੇਰੇ 'ਤੇ ਪਿੱਛੇ ਤੋਂ ਹਮਲਾ ਕਰ ਦਿੱਤਾ। ਉਨ੍ਹਾਂ ਨੇ ਮੇਰਾ ਮੂੰਹ ਕੱਪੜੇ ਨਾਲ ਢੱਕ ਲਿਆ ਅਤੇ ਮੈਨੂੰ ਹੇਠਾਂ ਸੁੱਟ ਦਿੱਤਾ। ਫਿਰ ਉਨ੍ਹਾਂ ਨੇ ਮੇਰੇ ਚਿਹਰੇ, ਨੱਕ ਅਤੇ ਪੂਰੇ ਸਰੀਰ 'ਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੱਤਾ। ਮੈਂ ਉਨ੍ਹਾਂ ਨੂੰ ਇਹ ਕਹਿੰਦੇ ਸੁਣਿਆ ਕਿ ਕਿਵੇਂ ਮੈਂ ਸਿੱਖ ਧਰਮ 'ਤੇ ਦਾਗ ਹਾਂ।
ਇਹ ਵੀ ਪੜ੍ਹੋ : Punjab Government ਵੱਲੋਂ ਖਾਲੀ ਖਜ਼ਾਨਾ ਭਰਨ ਦੀਆਂ ਕੋਸ਼ਿਸ਼ਾਂ ਜਾਰੀ; ਹੁਣ ਪਟਿਆਲਾ ’ਚ ਸਰਕਾਰੀ ਜ਼ਮੀਨ ਵੇਚਣ ਦੀ ਤਿਆਰੀ ’ਚ ਮਾਨ ਸਰਕਾਰ
- PTC NEWS
