Paras Hospital Murder CCTV : ਹਸਪਤਾਲ 'ਚ ਦਿਨ-ਦਿਹਾੜੇ ਗੋਲੀਬਾਰੀ, ਇਲਾਜ ਲਈ ਆਏ ਵਿਅਕਤੀ ਨੂੰ ਮਾਰੀ ਗੋਲੀ , CCTV ਫੁਟੇਜ
Paras Hospital Murder CCTV : ਬਿਹਾਰ ਦੇ ਪਟਨਾ ਵਿੱਚ ਪਾਰਸ ਹਸਪਤਾਲ ਦੇ ਆਈਸੀਯੂ ਵਿੱਚ ਦਾਖਲ ਹੋਣ ਤੋਂ ਬਾਅਦ ਇੱਕ ਗੈਂਗਸਟਰ ਚੰਦਨ ਮਿਸ਼ਰਾ ਨੂੰ ਗੋਲੀ ਮਾਰ ਕੇ ਮਾਰਨ ਦੀ ਇੱਕ ਵੀਡੀਓ ਸਾਹਮਣੇ ਆਈ ਹੈ। ਇਸ ਵੀਡੀਓ ਵਿੱਚ ਇਹ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਚਾਰ ਬਦਮਾਸ਼ ਹਥਿਆਰ ਲੈ ਕੇ ਆਈਸੀਯੂ ਵਿੱਚ ਦਾਖਲ ਹੋ ਰਹੇ ਹਨ। ਅਪਰਾਧੀਆਂ ਨੇ ਹਸਪਤਾਲ ਦੇ ਕਮਰਾ ਨੰਬਰ 209 ਵਿੱਚ ਇਸ ਘਟਨਾ ਨੂੰ ਅੰਜਾਮ ਦਿੱਤਾ। ਅਪਰਾਧੀਆਂ ਨੇ ਸਿਰਫ 25 ਸਕਿੰਟਾਂ ਵਿੱਚ ਇਸ ਘਟਨਾ ਨੂੰ ਅੰਜਾਮ ਦਿੱਤਾ।
ਦਰਅਸਲ 'ਚ ਚੰਦਨ ਮਿਸ਼ਰਾ ਨੂੰ ਬੇਉਰ ਜੇਲ੍ਹ ਤੋਂ ਪੈਰੋਲ 'ਤੇ ਇਲਾਜ ਲਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਚੰਦਨ ਮਿਸ਼ਰਾ ਬਕਸਰ ਦਾ ਰਹਿਣ ਵਾਲਾ ਸੀ ਅਤੇ ਕੇਸਰੀ ਨਾਮਕ ਵਿਅਕਤੀ ਦੇ ਕਤਲ ਕੇਸ ਵਿੱਚ ਆਰੋਪੀ ਸੀ।ਪੁਲਿਸ ਨੇ ਚੰਦਨ ਮਿਸ਼ਰਾ ਦੇ ਕਮਰੇ ਵਿੱਚੋਂ 12 ਖੋਲ ਬਰਾਮਦ ਕੀਤੇ ਹਨ। ਪੁਲਿਸ ਨੇ ਹਸਪਤਾਲ ਦੇ ਗਾਰਡਾਂ ਸਮੇਤ 12 ਲੋਕਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਮਾਮਲੇ ਵਿੱਚ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
ਐਸਐਸਪੀ ਕਾਰਤਿਕ ਕੇ ਸ਼ਰਮਾ ਨੇ ਕਿਹਾ ਕਿ ਚੰਦਨ ਮਿਸ਼ਰਾ ਇੱਕ ਬਦਨਾਮ ਅਪਰਾਧੀ ਸੀ ਅਤੇ ਉਸਦੇ ਵਿਰੋਧੀ ਗਰੁੱਪ ਨੇ ਹਸਪਤਾਲ ਵਿੱਚ ਦਾਖਲ ਹੋ ਕੇ ਉਸਨੂੰ ਮਾਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਪੁਲਿਸ ਨੂੰ ਅਪਰਾਧੀਆਂ ਦੀਆਂ ਤਸਵੀਰਾਂ ਮਿਲ ਗਈਆਂ ਹਨ ਅਤੇ ਉਨ੍ਹਾਂ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ। ਪੁਲਿਸ ਦੇ ਅਨੁਸਾਰ ਚੰਦਨ ਮਿਸ਼ਰਾ ਵਿਰੁੱਧ ਕਤਲ ਅਤੇ ਗੈਂਗਵਾਰ ਨਾਲ ਸਬੰਧਤ ਦਰਜਨਾਂ ਮਾਮਲੇ ਦਰਜ ਹਨ। ਬਕਸਰ ਵਿੱਚ ਚੰਦਨ-ਸ਼ੇਰੂ ਗੈਂਗ ਦੀ ਦਹਿਸ਼ਤ ਸੀ ਅਤੇ ਬਾਅਦ ਵਿੱਚ ਸ਼ੇਰੂ ਅਤੇ ਚੰਦਨ ਵਿਚਕਾਰ ਦੁਸ਼ਮਣੀ ਸੀ। ਪੁਲਿਸ ਨੂੰ ਸ਼ੇਰੂ ਖੇਮੇ 'ਤੇ ਕਤਲ ਦਾ ਸ਼ੱਕ ਹੈ।
ਇਸ ਸਨਸਨੀਖੇਜ਼ ਘਟਨਾ 'ਤੇ ਬਿਆਨ ਦਿੰਦੇ ਹੋਏ ਪਟਨਾ ਦੇ ਐਸਐਸਪੀ ਕਾਰਤਿਕ ਕੇ ਸ਼ਰਮਾ ਨੇ ਕਿਹਾ ਕਿ ਚੰਦਨ ਮਿਸ਼ਰਾ ਇੱਕ ਬਦਨਾਮ ਅਪਰਾਧੀ ਸੀ, ਉਸਦਾ ਕਤਲ ਉਸਦੇ ਵਿਰੋਧੀ ਗੈਂਗ ਨੇ ਹਸਪਤਾਲ ਦੇ ਅੰਦਰ ਕੀਤਾ ਸੀ। ਇਹ ਪੂਰੀ ਤਰ੍ਹਾਂ ਗੈਂਗਵਾਰ ਦਾ ਮਾਮਲਾ ਹੈ। ਅਪਰਾਧੀਆਂ ਦੀ ਪਛਾਣ ਕਰ ਲਈ ਗਈ ਹੈ, ਸਾਡੇ ਕੋਲ ਤਸਵੀਰਾਂ ਹਨ। ਜਲਦੀ ਹੀ ਗ੍ਰਿਫ਼ਤਾਰੀਆਂ ਕੀਤੀਆਂ ਜਾਣਗੀਆਂ।
ਸਨਸਨੀਖੇਜ਼ ਸੀਸੀਟੀਵੀ ਫੁਟੇਜ ਸਾਹਮਣੇ ਆਇਆ
ਇਸ ਕਤਲ ਦੀ ਸੀਸੀਟੀਵੀ ਫੁਟੇਜ ਕਿਸੇ ਫਿਲਮ ਵਰਗੀ ਲੱਗ ਰਹੀ ਹੈ। ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ 5 ਅਪਰਾਧੀ ਉਸੇ ਰਸਤੇ ਤੋਂ ਅੰਦਰ ਜਾ ਰਹੇ ਹਨ ,ਜਿਸ ਵਿੱਚ ਚੰਦਨ ਨੂੰ ਦਾਖਲ ਕੀਤਾ ਗਿਆ ਸੀ। 5 ਵਿੱਚੋਂ 4 ਬਦਮਾਸ਼ਾਂ ਨੇ ਟੋਪੀਆਂ ਪਹਿਨੀਆਂ ਹੋਈਆਂ ਹਨ ਅਤੇ ਇੱਕ ਬਦਮਾਸ਼ ਜੋ ਅੱਗੇ ਚੱਲ ਰਿਹਾ ਹੈ, ਉਸ ਨੇ ਟੋਪੀ ਨਹੀਂ ਪਹਿਨੀ ਹੈ। ਅੰਦਰ ਜਾਣ ਤੋਂ ਪਹਿਲਾਂ ਬਦਮਾਸ਼ ਆਪਣੀ ਬੰਦੂਕ ਕੱਢ ਲੈਂਦੇ ਹਨ ਅਤੇ ਇਸਨੂੰ ਲੋਡ ਕਰਦੇ ਹਨ।
- PTC NEWS
