ਬਿਹਾਰ: ਬੱਚੇ ਨੂੰ ਬਣਾਇਆ ਸ਼ਿਕਾਰ ਤਾਂ ਲੋਕਾਂ ਨੇ ਮਗਰਮੱਛ ਨੂੰ ਹੀ ਕੁੱਟ-ਕੁੱਟ ਉਤਾਰਿਆ ਮੌਤ ਦੇ ਘਾਟ
ਹਾਜੀਪੁਰ: ਬਿਹਾਰ ਦੇ ਹਾਜੀਪੁਰ 'ਚ ਇਕ ਖੌਫਨਾਕ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਨਦੀ 'ਚ ਨਹਾਉਣ ਗਏ ਬੱਚੇ 'ਤੇ ਮਗਰਮੱਛ ਨੇ ਹਮਲਾ ਕਰ ਦਿੱਤਾ। ਇਸ ਘਟਨਾ ਵਿੱਚ ਬੱਚੇ ਦੀ ਮੌਤ ਹੋ ਗਈ।
ਇਸ ਤੋਂ ਬਾਅਦ ਗੁੱਸੇ 'ਚ ਆਏ ਬੱਚੇ ਦੇ ਰਿਸ਼ਤੇਦਾਰਾਂ ਅਤੇ ਮੌਕੇ 'ਤੇ ਇਕੱਠੇ ਹੋਏ ਪਿੰਡ ਵਾਸੀਆਂ ਨੇ ਮਗਰਮੱਛ ਨੂੰ ਨਦੀ 'ਚੋਂ ਬਾਹਰ ਕੱਢ ਕੇ ਕੁੱਟ-ਕੁੱਟ ਕੇ ਮਾਰ ਦਿੱਤਾ। ਮਗਰਮੱਛ ਨੇ 14 ਸਾਲਾ ਅੰਕਿਤ ਨੂੰ ਉਸ ਸਮੇਂ ਆਪਣਾ ਸ਼ਿਕਾਰ ਬਣਾਇਆ ਜਦੋਂ ਉਹ ਗੰਗਾ ਨਦੀ 'ਚ ਨਹਾਉਣ ਅਤੇ ਪਾਣੀ ਲੈਣ ਗਿਆ ਸੀ।
ਮ੍ਰਿਤਕ ਅੰਕਿਤ
ਇਹ ਮਾਮਲਾ ਹਾਜੀਪੁਰ ਦੇ ਰਾਘੋਪੁਰ ਡਾਇਰਾ ਦਾ ਹੈ। ਮ੍ਰਿਤਕ ਅੰਕਿਤ ਦੇ ਦਾਦਾ ਸਕਲਦੀਪ ਦਾਸ ਨੇ ਦੱਸਿਆ ਕਿ ਘਰ ਨਵਾਂ ਮੋਟਰਸਾਈਕਲ ਲੈ ਕੇ ਆਇਆ ਸੀ। ਇਸ ਖੁਸ਼ੀ 'ਚ ਅੰਕਿਤ ਪਰਿਵਾਰ ਨਾਲ ਪੂਜਾ ਕਰਨ ਗਿਆ ਸੀ। ਉਸ ਨੇ ਦੱਸਿਆ ਕਿ ਜਦੋਂ ਉਹ ਨਦੀ 'ਚ ਨਹਾ ਕੇ ਪੂਜਾ ਕਰਨ ਲਈ ਪਾਣੀ ਲੈਣ ਗਿਆ ਤਾਂ ਅਚਾਨਕ ਮਗਰਮੱਛ ਨੇ ਉਸ 'ਤੇ ਹਮਲਾ ਕਰ ਦਿੱਤਾ।
ਮਗਰਮੱਛ ਨੇ ਅੰਕਿਤ ਨੂੰ ਪਾਣੀ ਦੇ ਹੇਠਾਂ ਖਿੱਚ ਲਿਆ ਅਤੇ ਉਸ ਨੂੰ ਰਗੜਨਾ ਸ਼ੁਰੂ ਕਰ ਦਿੱਤਾ। ਇਸ ਕਾਰਨ ਅੰਕਿਤ ਦੀ ਮੌਤ ਹੋ ਗਈ। ਸਕਲਦੀਪ ਦਾਸ ਨੇ ਦੱਸਿਆ ਕਿ ਅੰਕਿਤ ਦੀ ਲਾਸ਼ ਨੂੰ ਕਰੀਬ ਇਕ ਘੰਟੇ ਬਾਅਦ ਗੰਗਾ ਨਦੀ 'ਚੋਂ ਬਾਹਰ ਕੱਢਿਆ ਗਿਆ।
ਅੰਕਿਤ ਦੀ ਮੌਤ ਤੋਂ ਬਾਅਦ ਵੱਡੀ ਗਿਣਤੀ 'ਚ ਪਿੰਡ ਵਾਸੀ ਨਦੀ ਦੇ ਕਿਨਾਰੇ ਪਹੁੰਚ ਗਏ। ਇਸ ਘਟਨਾ ਨੂੰ ਲੈ ਕੇ ਪਿੰਡ ਵਾਸੀਆਂ ਅਤੇ ਰਿਸ਼ਤੇਦਾਰਾਂ 'ਚ ਕਾਫੀ ਗੁੱਸਾ ਸੀ, ਜਿਸ ਤੋਂ ਬਾਅਦ ਗੁੱਸੇ 'ਚ ਆਏ ਰਿਸ਼ਤੇਦਾਰਾਂ ਅਤੇ ਪਿੰਡ ਵਾਸੀਆਂ ਨੇ ਮਗਰਮੱਛ ਨੂੰ ਨਦੀ 'ਚੋਂ ਬਾਹਰ ਕੱਢ ਲਿਆ ਅਤੇ ਡੰਡਿਆਂ ਨਾਲ ਕੁੱਟ-ਕੁੱਟ ਕੇ ਮਾਰ ਦਿੱਤਾ।
ਅੰਕਿਤ ਦੇ ਦਾਦਾ ਨੇ ਦੱਸਿਆ ਕਿ ਅੰਕਿਤ ਪੰਜਵੀਂ ਜਮਾਤ ਵਿੱਚ ਪੜ੍ਹਦਾ ਸੀ।
ਹੋਰ ਖ਼ਬਰਾਂ ਪੜ੍ਹੋ:
- PTC NEWS
