ਇੰਦੌਰ : ਬੀਐਮ ਕਾਲਜ ਆਫ਼ ਇੰਜਨੀਅਰਿੰਗ ਐਂਡ ਫਾਰਮੇਸੀ ਇੰਦੌਰ ਦੀ ਪ੍ਰਿੰਸੀਪਲ ਵਿਮੁਕਤ ਸ਼ਰਮਾ ਆਖ਼ਰਕਾਰ ਜ਼ਿੰਦਗੀ ਦੀ ਲੜਾਈ ਹਾਰ ਗਈ। ਇੰਦੌਰ 'ਚ ਪੈਟਰੋਲ ਪਾ ਕੇ ਸਾੜੀ ਗਈ ਬੀਐੱਮ ਫਾਰਮੇਸੀ ਕਾਲਜ ਦੀ ਪ੍ਰਿੰਸੀਪਲ ਵਿਮੁਕਤਾ ਸ਼ਰਮਾ (55) ਦੀ ਸ਼ਨਿੱਚਰਾਵਾਰ ਸਵੇਰੇ 4 ਵਜੇ ਮੌਤ ਹੋ ਗਈ।
ਪ੍ਰਿੰਸੀਪਲ ਸ਼ਰਮਾ ਪਿਛਲੇ ਪੰਜ ਦਿਨਾਂ ਤੋਂ ਹਸਪਤਾਲ ਵਿਚ ਜ਼ੇਰੇ ਇਲਾਜ ਸਨ। ਉਸ 'ਤੇ ਕਾਲਜ ਕੈਂਪਸ 'ਚ ਸਾਬਕਾ ਵਿਦਿਆਰਥੀ ਆਸ਼ੂਤੋਸ਼ ਸ਼੍ਰੀਵਾਸਤਵ ਨੇ ਪੈਟਰੋਲ ਪਾ ਕੇ ਸਾੜ ਦਿੱਤਾ ਸੀ। ਉਹ ਮਾਰਕ ਸ਼ੀਟ ਨਾ ਮਿਲਣ ਅਤੇ ਪ੍ਰੋਫੈਸਰ ਵੱਲੋਂ ਚਾਕੂਬਾਜੀ ਦਾ ਮਾਮਲਾ ਦਰਜ ਕਰਵਾਏ ਜਾਣ ਕਾਰਨ ਕਾਲਜ ਮੈਨੇਜਮੈਂਟ ਤੋਂ ਨਾਰਾਜ਼ ਸੀ। ਕੁਲੈਕਟਰ ਨੇ ਦੋਸ਼ੀ ਵਿਦਿਆਰਥੀ ਖਿਲਾਫ ਰਸੁਕਾ ਵੀ ਲਗਾਇਆ ਹੈ।
ਪੁਲਿਸ ਨੇ ਅਪਰਾਧਿਕ ਮਾਮਲਿਆਂ ਦੀ ਜਾਣਕਾਰੀ ਦੇ ਨਾਲ ਰਸੁਕਾ ਦੀ ਤਜਵੀਜ਼ ਭੇਜੀ ਸੀ। ਵਧੀਕ ਐਸਪੀ (ਦਿਹਾਤੀ) ਸ਼ਸ਼ੀਕਾਂਤ ਕਨਕਨੇ ਅਨੁਸਾਰ ਆਸ਼ੂਤੋਸ਼ ਪੁੱਤਰ ਸੰਤੋਸ਼ ਸ਼੍ਰੀਵਾਸਤਵ, ਵਾਸੀ ਵਿਜੇਸ਼੍ਰੀ ਨਗਰ ਕਾਲਨੀ ਨਗਰ ਨੂੰ ਸ਼ੁੱਕਰਵਾਰ ਦੁਪਹਿਰ ਜ਼ਿਲ੍ਹਾ ਅਦਾਲਤ (ਮਹੂ) ਵਿਚ ਪੇਸ਼ ਕੀਤਾ ਗਿਆ ਸੀ ਤੇ ਸ਼ਨਿੱਚਰਵਾਰ ਤੱਕ ਰਿਮਾਂਡ 'ਤੇ ਲਿਆ ਗਿਆ। ਅਧਿਕਾਰੀਆਂ ਨੇ ਦੋਸ਼ੀ ਤੋਂ ਪੁੱਛਗਿੱਛ ਕੀਤੀ ਅਤੇ ਦੁਪਹਿਰ ਸਮੇਂ ਉਸ ਨੂੰ ਮੌਕੇ 'ਤੇ ਲੈ ਗਏ। ਘਟਨਾ ਨੂੰ ਨਾਟਕੀ ਰੂਪ ਦਿੱਤਾ ਅਤੇ ਲਾਈਟਰ, ਬਾਈਕ ਅਤੇ ਬਾਲਟੀ ਜਿਸ ਨਾਲ ਆਸ਼ੂਤੋਸ਼ ਨੇ ਵਿਮੁਕਤ 'ਤੇ ਪੈਟਰੋਲ ਪਾਇਆ ਸੀ, ਨੂੰ ਆਪਣੇ ਕਬਜ਼ੇ 'ਚ ਲੈ ਲਿਆ।
ਟੀ.ਆਈ.ਆਰ.ਐਨ.ਐਸ.ਭਦੌਰੀਆ ਵੀ ਦੁਪਹਿਰ ਸਮੇਂ ਮੁਲਜ਼ਮਾਂ ਨੂੰ ਖੰਡਵਾ ਰੋਡ ’ਤੇ ਸਥਿਤ ਪੈਟਰੋਲ ਪੰਪ ’ਤੇ ਲੈ ਗਏ, ਜਿੱਥੋਂ ਬਾਈਕ ਉਤੇ ਪੈਟਰੋਲ ਭਰਿਆ ਗਿਆ। ਸਟਾਫ ਨੇ ਉਸ ਦੇ ਆਉਣ ਦੀ ਪੁਸ਼ਟੀ ਕੀਤੀ ਅਤੇ ਮੁਲਜ਼ਮ ਦੀ ਸੀਸੀਟੀਵੀ ਫੁਟੇਜ ਵੀ ਹਾਸਲ ਕੀਤੀ। ਇਸ ਤੋਂ ਬਾਅਦ ਉਹ ਦੁਕਾਨ ਉਤੇ ਪਹੁੰਚਿਆ ਜਿੱਥੋਂ ਉਸ ਨੇ 1000 ਰੁਪਏ ਦੀ ਬਾਲਟੀ ਖਰੀਦੀ ਸੀ। ਪੁਲਿਸ ਨੇ ਗਵਾਹਾਂ ਦੇ ਅਦਾਲਤ ਵਿਚ ਧਾਰਾ 164 ਤਹਿਤ ਬਿਆਨ ਲਏ ਹਨ। ਸ਼ਨਿੱਚਰਵਾਰ ਨੂੰ ਪੁਲਿਸ ਦੋਸ਼ੀ ਨੂੰ ਦੁਬਾਰਾ ਅਦਾਲਤ 'ਚ ਪੇਸ਼ ਕਰੇਗੀ।
ਇਹ ਵੀ ਪੜ੍ਹੋ : CM Bhagwant Mann in Fazilka: ਸੀਐੱਮ ਭਗਵੰਤ ਮਾਨ ਅੱਜ ਜਾਣਗੇ ਫਾਜ਼ਿਲਕਾ , ਇਸ ਯੋਜਨਾ ਦਾ ਰੱਖਣਗੇ ਨੀਂਹ ਪੱਥਰ
ਦੂਜੇ ਪਾਸੇ ਵਿਧਾਇਕ ਰਮੇਸ਼ ਮੰਡੋਲਾ, ਸਰਵ ਬ੍ਰਾਹਮਣ ਯੁਵਾ ਸੰਗਠਨ ਦੇ ਪ੍ਰਧਾਨ ਸੰਦੀਪ ਜੋਸ਼ੀ, ਕੌਂਸਲਰ ਮਨੋਜ ਮਿਸ਼ਰਾ ਨੇ ਦੁਪਹਿਰ ਬਾਅਦ ਚੋਥਰਾਮ ਹਸਪਤਾਲ ਵਿੱਚ ਦਾਖ਼ਲ ਪ੍ਰਿੰਸੀਪਲ ਵਿਮੁਕਤ ਦੇ ਰਿਸ਼ਤੇਦਾਰਾਂ ਨਾਲ ਮੁਲਾਕਾਤ ਕੀਤੀ। ਆਈਜੀ ਰਾਕੇਸ਼ ਗੁਪਤਾ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਸ਼ਨਾਖਤ ਕੀਤੇ ਗਏ ਅਪਰਾਧਾਂ ਵਿੱਚ ਕੇਸ ਸ਼ਾਮਲ ਕਰਕੇ ਦੋਸ਼ੀਆਂ ਨੂੰ ਜਲਦੀ ਤੋਂ ਜਲਦੀ ਸਜ਼ਾ ਦਿਵਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇ।