Ranvir Shorey Birthday : 52 ਸਾਲ ਦੇ ਹੋਏ ਬਾਲੀਵੁੱਡ ਅਦਾਕਾਰ ਰਣਵੀਰ ਸ਼ੋਰੀ, ਜਨਮ ਦਿਨ 'ਤੇ ਜਾਣੋ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੇ ਵਿਵਾਦ
Ranvir Shorey Birthday : ਰਣਵੀਰ ਸ਼ੋਰੀ ਬਾਲੀਵੁੱਡ ਦੇ ਮਸ਼ਹੂਰ ਗੀਤਕਾਰਾਂ ਅਤੇ ਅਦਾਕਾਰਾਂ 'ਚੋਂ ਇੱਕ ਹੈ, ਜੋ ਅੱਜ 18 ਅਗਸਤ ਨੂੰ ਆਪਣਾ 52ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ ਪੰਜਾਬ ਦੇ ਜਲੰਧਰ 'ਚ 1972 ਨੂੰ ਹੋਇਆ ਸੀ। ਉਨ੍ਹਾਂ ਨੇ ਫ਼ਿਲਮਾਂ ਦੇ ਨਾਲ-ਨਾਲ ਵੈੱਬ ਸੀਰੀਜ਼ 'ਚ ਵੀ ਯੋਗਦਾਨ ਪਾਇਆ ਹੈ। ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਦੇ ਦਮ 'ਤੇ ਲੋਕਾਂ ਦੇ ਦਿਲਾਂ 'ਚ ਖਾਸ ਜਗ੍ਹਾ ਬਣਾਈ ਹੈ। ਰਣਵੀਰ ਨੇ ਇਕ ਇੰਟਰਵਿਊ 'ਚ ਪੂਜਾ ਭੱਟ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਗੱਲ ਕੀਤੀ ਸੀ ਅਤੇ ਮਹੇਸ਼ ਭੱਟ ਨੂੰ ਲੈ ਕੇ ਵੀ ਵੱਡਾ ਬਿਆਨ ਦਿੱਤਾ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਸੋਖੀ ਨਹੀਂ ਸੀ ਕਿਉਂਕਿ ਉਨ੍ਹਾਂ ਖਿਲਾਫ ਕਈ ਵਿਵਾਦ ਹੋਏ ਸਨ। ਤਾਂ ਆਉ ਜਾਣਦੇ ਹਾਂ ਉਨ੍ਹਾਂ ਦੀ ਜ਼ਿੰਦਗੀ 'ਚ ਹੋਏ ਵਿਵਾਦਾਂ ਬਾਰੇ...
ਰਣਵੀਰ ਸ਼ੋਰੀ ਨੇ ਪੂਜਾ ਭੱਟ ਨਾਲ ਆਪਣੇ ਰਿਸ਼ਤੇ 'ਤੇ ਕੀ ਕਿਹਾ?
ਰਿਐਲਿਟੀ ਸ਼ੋਅ ਬਿੱਗ ਬੌਸ ਦੇ ਇੱਕ ਐਪੀਸੋਡ 'ਚ ਰਣਵੀਰ ਸ਼ੋਰੇ ਨੇ ਅਦਾਕਾਰਾ-ਨਿਰਦੇਸ਼ਕ ਪੂਜਾ ਭੱਟ ਦਾ ਨਾਮ ਲਏ ਬਿਨਾਂ ਆਪਣੇ ਰਿਸ਼ਤੇ ਬਾਰੇ ਗੱਲ ਕੀਤੀ। ਉਨ੍ਹਾਂ ਨੇ ਆਪਣੇ ਪਿਛਲੇ ਰਿਸ਼ਤੇ ਨੂੰ ਆਪਣੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਸਕੈਂਡਲ ਦੱਸਿਆ।
ਰਣਵੀਰ ਸ਼ੋਰੇ ਨੇ ਰਿਸ਼ਤੇ ਨੂੰ ਸਕੈਂਡਲ ਦੱਸਿਆ
ਐਪੀਸੋਡ 'ਚ ਉਨ੍ਹਾਂ ਨੇ ਉਸ ਸਮੇਂ ਬਾਰੇ ਵੀ ਗੱਲ ਕੀਤੀ ਜਦੋਂ ਉਨ੍ਹਾਂ ਦੀ ਮਾਂ ਬਹੁਤ ਬਿਮਾਰ ਹੋ ਗਈ ਸੀ ਅਤੇ ਉਹ ਰਿਤਿਕ ਰੋਸ਼ਨ ਦੀ ਫਿਲਮ 'ਲਕਸ਼ੈ' ਦੀ ਸ਼ੂਟਿੰਗ ਕਰ ਰਹੇ ਸਨ। ਉਨ੍ਹਾਂ ਨੇ ਦੱਸਿਆ ਸੀ ਕਿ ਸਾਲ 2002 'ਚ ਉਹ ਫਿਲਮ ਲਕਸ਼ੈ ਦੀ ਸ਼ੂਟਿੰਗ ਕਰ ਰਹੇ ਸਨ ਤਾਂ ਉਨ੍ਹਾਂ ਨੂੰ ਫੋਨ ਆਇਆ ਕਿ ਉਨ੍ਹਾਂ ਦੀ ਮਾਂ ਬਹੁਤ ਬਿਮਾਰ ਹੈ। ਵੈਸੇ ਤਾਂ ਉਹ ਉਸ ਸਮੇਂ ਸ਼ੂਟਿੰਗ ਛੱਡ ਕੇ ਆਪਣੀ ਮਾਂ ਕੋਲ ਨਹੀਂ ਜਾ ਸਕਦਾ ਸੀ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਸੀ ਕਿ "ਉਸੇ ਸਮੇਂ, ਮੈਂ ਇੱਕ ਅਭਿਨੇਤਰੀ ਦੇ ਨਾਲ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਵੱਡੇ ਸਕੈਂਡਲ 'ਚ ਉਲਝਿਆ ਹੋਇਆ ਸੀ।" ਉਨ੍ਹਾਂ ਨੇ ਕਿਹਾ ਸੀ ਕਿ ਉਸ ਨੂੰ ਉਸ ਸਥਿਤੀ ਦਾ ਸਾਹਮਣਾ ਕਰਨ 'ਚ ਕਾਫੀ ਪ੍ਰੇਸ਼ਾਨੀ ਹੋ ਰਹੀ ਸੀ, ਇਸ ਲਈ ਉਸ ਦੇ ਭਰਾ ਨੇ ਉਸ ਨੂੰ ਅਮਰੀਕਾ ਬੁਲਾਇਆ। ਫਿਰ ਉਸਨੇ ਆਪਣੇ ਭਰਾ ਤੋਂ ਪੈਸੇ ਉਧਾਰ ਲਏ ਅਤੇ ਅਮਰੀਕਾ 'ਚ ਛੇ ਮਹੀਨੇ ਦਾ ਐਕਟਿੰਗ ਕੋਰਸ ਕੀਤਾ। ਫਿਰ ਅਮਰੀਕਾ ਤੋਂ ਵਾਪਸ ਆਉਣ ਤੋਂ ਬਾਅਦ ਉਸਨੇ ਸਾਲ 2005 'ਚ ਦਿ ਗ੍ਰੇਟ ਇੰਡੀਅਨ ਕਾਮੇਡੀ ਸ਼ੋਅ ਦੀ ਸ਼ੂਟਿੰਗ ਸ਼ੁਰੂ ਕੀਤੀ।
ਪੂਜਾ ਭੱਟ ਨੇ ਲਗਾਏ ਸਨ ਗੰਭੀਰ ਦੋਸ਼
2000 ਦੇ ਦਹਾਕੇ ਦੀ ਸ਼ੁਰੂਆਤ 'ਚ ਪੂਜਾ ਨੇ ਦੋਸ਼ ਲਗਾਇਆ ਸੀ ਕਿ ਰਣਵੀਰ ਸ਼ਰਾਬ ਪੀ ਕੇ ਗੁੱਸੇ 'ਚ ਆ ਜਾਂਦਾ ਸੀ ਅਤੇ ਉਸ 'ਤੇ ਸਰੀਰਕ ਤੌਰ 'ਤੇ ਹਮਲਾ ਕਰਦਾ ਸੀ। ਹਾਲਾਂਕਿ ਰਣਵੀਰ ਨੇ ਇਨ੍ਹਾਂ ਦੋਸ਼ਾਂ ਨੂੰ ਖਾਰਜ ਕਰ ਦਿੱਤਾ ਸੀ।
ਰਣਵੀਰ ਸੋਰੀ ਨੇ ਮਹੇਸ਼ ਭੱਟ 'ਤੇ ਵੀ ਚੁੱਕੀ ਉਂਗਲ...
ਰਣਵੀਰ ਸ਼ੋਰੀ ਅਤੇ ਮਹੇਸ਼ ਭੱਟ ਦੀ ਵੱਡੀ ਬੇਟੀ ਪੂਜਾ ਇੱਕ ਸਮੇਂ ਰਿਸ਼ਤੇ 'ਚ ਸਨ ਅਤੇ ਦੋਵਾਂ ਨੇ ਇੱਕ-ਦੂਜੇ ਨੂੰ ਲੰਬੇ ਸਮੇਂ ਤੱਕ ਡੇਟ ਕੀਤਾ ਸੀ। ਵੈਸੇ ਤਾਂ ਜਦੋਂ ਇਹ ਰਿਸ਼ਤਾ ਟੁੱਟਿਆ ਤਾਂ ਦੋਹਾਂ ਨੇ ਇਕ-ਦੂਜੇ 'ਤੇ ਕਈ ਦੋਸ਼ ਲਾਏ। ਫਿਰ ਰਣਵੀਰ ਨੇ ਪੂਜਾ ਦੇ ਨਾਲ-ਨਾਲ ਪਿਤਾ ਮਹੇਸ਼ 'ਤੇ ਵੀ ਕਈ ਦੋਸ਼ ਲਗਾਏ ਹਨ। ਰਣਵੀਰ ਨੇ ਕਿਹਾ, ''ਜਦੋਂ ਮੈਂ ਉਨ੍ਹਾਂ ਦੀ ਬੇਟੀ ਦੇ ਨਾਲ ਸੀ, ਮੈਂ ਮਿਸਤਪ ਭੱਟ ਦੀ ਬਹੁਤ ਇੱਜ਼ਤ ਕਰਦਾ ਸੀ, ਪਰ ਜਦੋਂ ਹਫੜਾ-ਦਫੜੀ ਸ਼ੁਰੂ ਹੋਈ ਤਾਂ ਮੈਂ ਦੇਖਿਆ ਕਿ ਮੇਰੇ ਲਈ ਜੋ ਵੀ ਸਨਮਾਨ ਸੀ, ਉਹ ਮੇਰੇ ਖਿਲਾਫ ਵੱਡੇ ਪੱਧਰ 'ਤੇ ਵਰਤੇ ਜਾ ਰਹੇ ਹਨ। ਮੇਰੇ ਨਾਲ ਬਹੁਤ ਦੋਹਰਾ ਸਲੂਕ ਕੀਤਾ ਜਾ ਰਿਹਾ ਸੀ ਅਤੇ ਇੰਡਸਟਰੀ 'ਚ ਬਹੁਤ ਸਾਰੀਆਂ ਮਾੜੀਆਂ ਗੱਲਾਂ ਕਹੀਆਂ ਗਈਆਂ ਸਨ।''
- PTC NEWS
