Weather News : ਉੱਤਰੀ ਭਾਰਤ ਪਹੁੰਚਿਆ ਮੌਨਸੂਨ ,ਹੁਣ ਪੰਜਾਬ ਪਹੁੰਚਣ ਦੀ ਸੰਭਾਵਨਾ ,ਅਗਲੇ ਕੁਝ ਦਿਨਾਂ 'ਚ ਪਵੇਗਾ ਮੀਂਹ
Weather News : ਮੌਨਸੂਨ ਨੂੰ ਲੈ ਕੇ ਚੰਗੀ ਖ਼ਬਰ ਹੈ। ਮੌਸਮ ਵਿਭਾਗ ਅਗਲੇ ਕੁਝ ਦਿਨਾਂ ਵਿੱਚ ਚੰਗੀ ਬਾਰਿਸ਼ ਦੀ ਉਮੀਦ ਕਰ ਰਿਹਾ ਹੈ। ਮੌਨਸੂਨ ਨੇ ਲਗਭਗ ਪੂਰੇ ਉੱਤਰੀ ਭਾਰਤ ਨੂੰ ਕਵਰ ਕਰ ਲਿਆ ਹੈ। ਉੱਤਰ ਅਰਬ ਸਾਗਰ ਵਿੱਚ ਹਾਲਾਤ ਅਜੇ ਵੀ ਇਸਦੇ ਅਨੁਕੂਲ ਹਨ। ਹੁਣ ਮੌਨਸੂਨ ਰਾਜਸਥਾਨ ਦੇ ਹੋਰ ਹਿੱਸਿਆਂ, ਹਰਿਆਣਾ ਦੇ ਕੁਝ ਹਿੱਸਿਆਂ, ਚੰਡੀਗੜ੍ਹ ਅਤੇ ਦਿੱਲੀ ਤੱਕ ਪਹੁੰਚਣ ਵਾਲਾ ਹੈ। ਭਾਰਤੀ ਮੌਸਮ ਵਿਭਾਗ ਦੇ ਅਨੁਸਾਰ ਅਗਲੇ ਦੋ ਦਿਨਾਂ ਵਿੱਚ ਮੌਨਸੂਨ ਪੱਛਮੀ ਉੱਤਰ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼ ਅਤੇ ਜੰਮੂ ਦੇ ਬਾਕੀ ਹਿੱਸਿਆਂ ਵਿੱਚ ਵੀ ਪਹੁੰਚ ਜਾਵੇਗਾ। ਐਤਵਾਰ ਤੱਕ ਮੌਨਸੂਨ ਹਿਮਾਚਲ ਪ੍ਰਦੇਸ਼ ਅਤੇ ਜੰਮੂ ਦੇ ਜ਼ਿਆਦਾਤਰ ਹਿੱਸਿਆਂ ਪੂਰੇ ਲੱਦਾਖ ਅਤੇ ਕਸ਼ਮੀਰ ਅਤੇ ਪੰਜਾਬ ਦੇ ਕੁਝ ਹਿੱਸਿਆਂ ਵਿੱਚ ਅੱਗੇ ਵਧਿਆ, ਜਦੋਂ ਕਿ ਉੱਤਰ-ਪੱਛਮੀ ਰਾਜਾਂ ਹਰਿਆਣਾ ਅਤੇ ਦਿੱਲੀ ਨੂੰ ਛੱਡ ਦਿੱਤਾ। ਮੌਨਸੂਨ ਦੀ ਉੱਤਰੀ ਸੀਮਾ ਹੁਣ ਜੈਪੁਰ, ਆਗਰਾ, ਰਾਮਪੁਰ, ਦੇਹਰਾਦੂਨ, ਸ਼ਿਮਲਾ, ਪਠਾਨਕੋਟ ਅਤੇ ਜੰਮੂ ਵਿੱਚੋਂ ਗੁਜਰ ਰਹੀ ਹੈ।
ਇਹ ਇੱਕ ਚੰਗਾ ਸੰਕੇਤ
IMD ਦੇ ਡਾਇਰੈਕਟਰ ਜਨਰਲ ਐਮ. ਮੋਹਪਾਤਰਾ ਨੇ ਕਿਹਾ ਕਿ ਮੌਨਸੂਨ ਨੇ ਉੱਤਰੀ ਭਾਰਤ ਦੇ ਜ਼ਿਆਦਾਤਰ ਹਿੱਸੇ ਨੂੰ ਥੋੜ੍ਹਾ ਜਲਦੀ ਕਵਰ ਕਰ ਲਿਆ ਹੈ ਪਰ ਅਸੀਂ ਅਜੇ ਤੱਕ ਪੂਰੇ ਦੇਸ਼ ਦੀ ਕਵਰੇਜ ਲਈ ਭਵਿੱਖਬਾਣੀ ਨਹੀਂ ਕੀਤੀ ਹੈ। ਪੰਜਾਬ, ਹਰਿਆਣਾ, ਦਿੱਲੀ ਅਤੇ ਰਾਜਸਥਾਨ ਦੇ ਕੁਝ ਹਿੱਸੇ ਵੀ ਅਜੇ ਕਵਰ ਨਹੀਂ ਹੋਏ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਅਗਲੇ ਕੁਝ ਦਿਨਾਂ ਵਿੱਚ ਮਾਨਸੂਨ ਇਨ੍ਹਾਂ ਰਾਜਾਂ ਵਿੱਚ ਪਹੁੰਚ ਜਾਵੇਗਾ। ਸਾਨੂੰ ਅਗਲੇ ਕੁਝ ਦਿਨਾਂ ਵਿੱਚ ਚੰਗੀ ਬਾਰਿਸ਼ ਦੀ ਉਮੀਦ ਹੈ। ਅਜਿਹੇ ਹਾਲਾਤ ਖਾਸ ਕਰਕੇ ਦੱਖਣੀ ਉੱਤਰ ਪ੍ਰਦੇਸ਼ ਅਤੇ ਗੰਗਾ ਪੱਛਮੀ ਬੰਗਾਲ ਉੱਤੇ ਘੱਟ ਦਬਾਅ ਵਾਲੇ ਖੇਤਰ ਕਾਰਨ ਬਣ ਰਹੇ ਹਨ। ਇਹ ਵਿਸ਼ੇਸ਼ਤਾਵਾਂ ਮੌਨਸੂਨ ਲਈ ਚੰਗੀਆਂ ਹਨ।
ਅਜਿਹੀ ਸੀ ਮੌਨਸੂਨ ਦੀ ਯਾਤਰਾ
ਆਮ ਤੌਰ 'ਤੇ 15 ਜੂਨ ਤੱਕ ਮੁੰਬਈ ਬਾਕੀ ਤੇਲੰਗਾਨਾ, ਦੱਖਣੀ ਛੱਤੀਸਗੜ੍ਹ, ਬਾਕੀ ਮੱਧ ਭਾਰਤ, ਓਡੀਸ਼ਾ ਦੇ ਜ਼ਿਆਦਾਤਰ ਹਿੱਸੇ, ਪੱਛਮੀ ਬੰਗਾਲ ਦੇ ਜ਼ਿਆਦਾਤਰ ਹਿੱਸੇ, ਸਿੱਕਮ ਅਤੇ ਬਿਹਾਰ ਅਤੇ ਝਾਰਖੰਡ ਦੇ ਕੁਝ ਪੂਰਬੀ ਖੇਤਰਾਂ ਸਮੇਤ ਮਹਾਰਾਸ਼ਟਰ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਮੌਨਸੂਨ ਰਹਿੰਦਾ ਹੈ। ਇਸ ਤੋਂ ਬਾਅਦ ਇਹ ਗੁਜਰਾਤ ਅਤੇ ਕੱਛ ਦੇ ਦੱਖਣੀ ਹਿੱਸਿਆਂ, ਬਾਕੀ ਮਹਾਰਾਸ਼ਟਰ, ਦੱਖਣੀ ਮੱਧ ਪ੍ਰਦੇਸ਼, ਬਾਕੀ ਓਡੀਸ਼ਾ, ਅਤੇ 20 ਜੂਨ ਤੱਕ, ਉੱਤਰੀ ਛੱਤੀਸਗੜ੍ਹ, ਝਾਰਖੰਡ ਅਤੇ ਬਿਹਾਰ ਦੇ ਜ਼ਿਆਦਾਤਰ ਹਿੱਸਿਆਂ ਵੱਲ ਵਧਦਾ ਹੈ। ਇਸ ਤੋਂ ਬਾਅਦ ਮੌਨਸੂਨ ਉੱਤਰ ਅਤੇ ਪੱਛਮ ਵੱਲ ਵਧਦਾ ਹੈ। ਇਸ ਤੋਂ ਬਾਅਦ ਇਹ 30 ਜੂਨ ਤੱਕ ਗੁਜਰਾਤ ਅਤੇ ਕੱਛ ਦੇ ਜ਼ਿਆਦਾਤਰ ਹਿੱਸਿਆਂ, ਮੱਧ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਉਤਰਾਖੰਡ, ਲੱਦਾਖ, ਜੰਮੂ ਅਤੇ ਕਸ਼ਮੀਰ, ਪੰਜਾਬ ਅਤੇ ਹਰਿਆਣਾ, ਦਿੱਲੀ ਅਤੇ ਪੂਰਬੀ ਰਾਜਸਥਾਨ ਨੂੰ ਕਵਰ ਕਰਦਾ ਹੈ। ਇਹ 8 ਜੁਲਾਈ ਤੱਕ ਉੱਤਰ-ਪੱਛਮੀ ਭਾਰਤ ਦੇ ਬਾਕੀ ਖੇਤਰਾਂ ਵਿੱਚ ਪਹੁੰਚ ਜਾਂਦਾ ਹੈ।
ਸਮੇਂ ਤੋਂ ਪਹਿਲਾਂ ਪਹੁੰਚਿਆ ਮਾਨਸੂਨ
ਇਸ ਸਾਲ ਮਾਨਸੂਨ ਉਮੀਦਾਂ ਤੋਂ ਪਹਿਲਾਂ ਵੱਖ-ਵੱਖ ਖੇਤਰਾਂ ਵਿੱਚ ਪਹੁੰਚ ਗਿਆ ਹੈ। ਇਸਦਾ ਹੁਣ ਤੱਕ ਦਾ ਰਸਤਾ ਬਹੁਤ ਅਸਾਧਾਰਨ ਰਿਹਾ ਹੈ। ਮਾਨਸੂਨ ਅੱਠ ਦਿਨ ਪਹਿਲਾਂ 24 ਮਈ ਨੂੰ ਕੇਰਲ ਵਿੱਚ ਪਹੁੰਚਿਆ ਸੀ। ਫਿਰ ਇਸਨੇ ਪੱਛਮੀ ਤੱਟ 'ਤੇ ਮੁੰਬਈ ਸਮੇਤ ਦੇਸ਼ ਦੇ ਵੱਡੇ ਹਿੱਸਿਆਂ ਨੂੰ ਕਵਰ ਕੀਤਾ ਪਰ 29 ਮਈ ਅਤੇ 15 ਜੂਨ ਦੇ ਵਿਚਕਾਰ, ਮਾਨਸੂਨ ਪੂਰੀ ਤਰ੍ਹਾਂ ਰੁਕ ਗਿਆ। 15 ਜੂਨ ਤੋਂ ਬਾਅਦ ਇਹ ਦੁਬਾਰਾ ਵਾਪਸ ਆਇਆ ਅਤੇ ਆਪਣਾ ਪੂਰਬੀ ਰਸਤਾ ਅਪਣਾ ਲਿਆ।
- PTC NEWS
