'ਮੋਦੀ ਚਾਹ' ਚਲਾਉਣ ਵਾਲੇ ਬਜ਼ੁਰਗ ਦਾ ਕਤਲ, ਪ੍ਰਧਾਨ ਮੰਤਰੀ ਤੋਂ ਪ੍ਰੇਰਿਤ ਹੋ ਕੇ ਖੋਲੀ ਸੀ ਦੁਕਾਨ
ਨਵੀਂ ਦਿੱਲੀ: ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (PM Narendra Modi) ਤੋਂ ਪ੍ਰੇਰਿਤ ਹੋ ਕੇ ਚਾਹ ਦੀ ਦੁਕਾਨ (Tea Stall) ਖੋਲ੍ਹਣ ਵਾਲੇ ਬਜ਼ੁਰਗ ਦਾ ਕਤਲ (shopkeeper murder ) ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਾਨਪੁਰ ਦੇ ਘਾਟਮਪੁਰ ਵਿੱਚ ਬੁਜੁਰਗ ਮੋਦੀ ਚਾਹ ਦੀ ਦੁਕਾਨ ਚਲਾਉਂਦਾ ਸੀ।ਫਿਲਹਾਲ ਅਜੇ ਤੱਕ ਕਤਲ ਦੀ ਵਜਾ ਪਤਾ ਨਹੀਂ ਚੱਲੀ।
ਕਾਨਪੁਰ ਦੇ ਘਾਟਮਪੁਰ ਕੋਤਵਾਲੀ ਦੇ ਜਹਾਂਬਾਦ ਰੋਡ ਦੇ ਕੋਲ ਦੇਰ ਰਾਤ ਇੱਕ ਬੁਜੁਰਗ ਦੀ ਅਣਪਛਾਤੇ ਹਮਲਾਵਰਾਂ ਨੇ ਕਤਲ ਕਰ ਦਿੱਤਾ ਹੈ। ਮ੍ਰਿਤਕ ਬੁਜੁਰਗ ਬਲਰਾਮ ਸਚਾਨ ਚਾਹ ਦੀ ਦੁਕਾਨ ਚਲਾਉਂਦਾ ਸੀ।
ਹੋਰ ਪੜ੍ਹੋ: ਹੁਣ ਤੁਸੀਂ ਵੀ ਖਰੀਦ ਸਕਦੇ ਹੋ ਜੰਮੂ-ਕਸ਼ਮੀਰ ‘ਚ ਰਹਿਣ ਲਈ ਥਾਂ
ਦੱਸਿਆ ਇਹ ਵੀ ਜਾ ਰਿਹਾ ਹੈ ਕਿ ਬਲਰਾਮ ਭਾਰਤੀ ਜਨਤਾ ਪਾਰਟੀ ਦੇ ਪ੍ਰੋਗਰਾਮਾਂ ਵਿੱਚ ਗੀਤ ਗਾਉਂਦਾ ਸੀ। ਉਹ ਜਹਾਨਾਬਾਦ ਰੋਡ ਉੱਤੇ ਏਸੇਂਟ ਪਬਲਿਕ ਸਕੂਲ ਦੇ ਕੋਨੇ ਵਿੱਚ ਸਥਿਤ ਆਪਣੀ ਦੁਕਾਨ ਮੋਦੀ ਚਾਹ ਦੇ ਬਾਹਰ ਹੀ ਸੌਂਦਾ ਸੀ। ਮੰਗਲਵਾਰ ਨੂੰ ਦੁਕਾਨ ਦੇ ਕੋਲ ਇੱਕ ਰਿਸਾਰਟ ਵਿੱਚ ਅਖੰਡ ਰਾਮਾਇਣ ਦਾ ਪ੍ਰੋਗਰਾਮ ਸੀ, ਜਿਸ ਵਿੱਚ ਉਸ ਨੂੰ ਵੀ ਬੁਲਾਇਆ ਗਿਆ ਸੀ।
ਪ੍ਰੋਗਰਾਮ ਖਤਮ ਹੋਣ ਤੋਂ ਬਾਅਦ ਉਹ ਆਪਣੇ ਦੁਕਾਨ ਦੇ ਬਾਹਰ ਚਾਰਪਾਈ ਵਿੱਚ ਸੋ ਗਿਆ, ਪਰ ਸਵੇਰੇ ਉਸ ਦੀ ਲਾਸ਼ ਦੇਖੀ ਗਈ। ਸਥਾਨਕ ਲੋਕਾਂ ਮੁਤਾਬਕ ਬਲਰਾਮ ਦੀਆਂ ਇੱਟਾਂ ਨਾਲ ਕੁਚਲਕੇ ਹੱਤਿਆ ਕੀਤੀ ਗਈ ਹੈ।
ਉਧਰ ਜਦੋਂ ਇਸ ਘਟਨਾ ਬਾਰੇ ਸਥਾਨਕ ਲੋਕਾਂ ਨੇ ਪੋਲਿਸਸ ਨੂੰ ਸੂਚਿਤ ਕੀਤਾ ਤਾਂ ਉਹਨਾਂ ਨੇ ਮੌਕੇ 'ਤੇ ਪਹੁੰਚ ਕੇ ਲਾਸ਼ ਨੂੰ ਬਰਾਮਦ ਕਰ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜਲਦੀ ਹੀ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
-PTC News
