ਪੋਲੀਓ ਬੂੰਦ ਨੰਨ੍ਹੇ ਬੱਚੇ ਲਈ ਬਣੀ ਮੌਤ ਦਾ ਕਾਰਣ
ਜਿੱਥੇ ਵੀਰਵਾਰ ਨੂੰ ਇਲਾਕੇ ‘ਚ ਆਸ਼ਾ ਵਰਕਰ ਬੱਚਿਆਂ ਨੂੰ ਪੋਲੀਓ ਰੋਕੂ ਬੂੰਦਾਂ ਪਿਲਾ ਰਹੀਆਂ ਸਨ। ਇਸੇ ਦੌਰਾਨ ਆਦਿੱਤਿਆ ਦੇ ਪਰਵਾਰ ਵਾਲਿਆਂ ਨੇ ਉਸ ਨੂੰ ਵੀ ਪੋਲੀਓ ਬੂੰਦਾਂ (Polio Drops) ਪਿਲਾ ਦਿੱਤੀ । ਕੁਝ ਸਮੇਂ ਬਾਅਦ ਹੀ ਉਸ ਨੰਨ੍ਹੇ ਬੱਚੇ ਦੀ ਸਿਹਤ ਖ਼ਰਾਬ ਹੋ ਗਈ। ਉਸ ਨੰਨ੍ਹੇ ਬੱਚੇ ਦੇ ਮੂੰਹ ‘ਚੋਂ ਝੱਗ ਨਿੱਕਲਦੀ ਦੇਖ ਕੇ ਉਸ ਦੇ ਪਰਿਵਾਰ ਵਾਲੇ ਉਸ ਨੂੰ ਇਲਾਜ ਲਈ ਨੇੜਲੇ ਨਿੱਜੀ ਹਸਪਤਾਲ ਲੈ ਗਏ ਜਿੱਥੇ ਕੁਝ ਸਮੇਂ ਬਾਅਦ ਉਸ ਦੀ ਮੌਤ ਹੋ ਗਈ।
ਪਰਿਵਾਰ ਮੁਤਾਬਿਕ ਆਦਿੱਤਿਆ ਨਾਂਮ ਦੇ ਨੰਨ੍ਹੇ ਬੱਚੇ ਦੀ ਉਮਰ ਡੇਢ ਸਾਲ ਦੱਸੀ ਜਾ ਰਹੀ ਹੈ ਉੱਤਰ ਪ੍ਰਦੇਸ਼ ਦੇ ਆਗਰਾ ‘ਚ ਰਹਿਣ ਵਾਲਾ ਆਦਿੱਤਿਆ ਆਪਣੇ ਪਰਿਵਾਰ ਵਾਲਿਆਂ ਨਾਲ ਅੰਬੇਦਕਰ ਨਗਰ ਦੇ ਫੌਜੀ ਮੁਹੱਲਾ ‘ਚ ਆਪਣੇ ਨਾਨਕੇ ਘਰ ਰਹਿਣ ਲਈ ਆਇਆ ਸੀ। ਉਹ ਦੋ ਦਿਨ ਪਹਿਲਾਂ ਹੀ ਲੁਧਿਆਣਾ ਪੁਜਿਆ ਹੈ।
ਪਰਵਾਰ ਵਾਲਿਆਂ ਨੇ ਦੋਸ਼ ਲਾਇਆ ਕਿ ਪੋਲੀਓ ਰੋਕੂ ਬੂੰਦਾਂ ਪੀਣ ਤੋਂ ਬਾਅਦ ਹੀ ਆਦਿੱਤਿਆ ਦੀ ਸਿਹਤ ਖਰਾਬ ਹੋਈ ਹੈਜਦੋਂ ਇਸ ਸਬੰਧੀ ਥਾਣਾ ਮਾਡਲ ਟਾਊਨ ਦੇ ਐੱਸ.ਐੱਚ.ਓ ਸੁਰਿੰਦਰ ਕੁਮਾਰ ਨਾਲ ਗੱਲ ਕੀਤੀ
ਤਾਂ ਉਨ੍ਹਾਂ ਨੇ ਕਿਹਾ ਕਿ ਆਸ਼ਾ ਵਰਕਰਾਂ ਨੇ ਇਲਾਕੇ ‘ਚ ਕਰੀਬ 28ਬੱਚਿਆਂ ਨੂੰ ਪੋਲੀਓ ਰੋਕੂ ਬੂੰਦਾਂ ਪਿਲਾਈਆਂ ਹਨ ਬਾਕੀ ਸਾਰਿਆਂ ਸਿਹਤ ਬਿਲਕੁੱਲ ਠੀਕ ਹੈ। ਉਨ੍ਹਾਂ ਕਿਹਾ ਕਿ ਬੱਚੇ ਦਾ ਡਾਕਟਰਾਂ ਦੇ ਬੋਰਡ ਤੋਂ ਪੋਸਟਮਾਰਟਮ ਕਰਵਾਇਆ ਜਾਵੇਗਾ ਤਾਂ ਕਿ ਉਸ ਦੀ ਮੌਤ ਦਾ ਕਾਰਣ ਪਤਾ ਲੱਗ ਸਕੇ।
