ਟਰੇਨ ਦੀ ਟਿਕਟ ਲੈਣ ਤੋਂ ਬਾਅਦ ਪਲੇਟਫਾਰਮ 'ਤੇ ਵੀ ਦੇਣਾ ਪਵੇਗਾ ਜੁਰਮਾਨਾ, ਜਾਣੋ ਕਿਵੇ...
Railway: ਭਾਰਤੀ ਰੇਲਵੇ ਕੋਲ ਦੁਨੀਆ ਦਾ ਚੌਥਾ ਸਭ ਤੋਂ ਵੱਡਾ ਨੈੱਟਵਰਕ ਹੈ। ਅੱਜ ਵੀ ਲੰਬੀ ਦੂਰੀ ਲਈ ਰੇਲਵੇ ਲੋਕਾਂ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਇਹ ਸੁਵਿਧਾਜਨਕ ਅਤੇ ਸਸਤਾ ਹੈ, ਪਰ ਰੇਲ ਯਾਤਰਾ ਦੌਰਾਨ ਤੁਹਾਨੂੰ ਕਈ ਨਿਯਮਾਂ ਦਾ ਵੀ ਧਿਆਨ ਰੱਖਣਾ ਪੈਂਦਾ ਹੈ। ਇਸੇ ਤਰ੍ਹਾਂ ਪਲੇਟਫਾਰਮ 'ਤੇ ਟਰੇਨ ਦਾ ਇੰਤਜ਼ਾਰ ਕਰਨ ਦਾ ਵੀ ਨਿਯਮ ਹੈ, ਹਰ ਕੋਈ ਇਸ ਬਾਰੇ ਜਾਣੂ ਨਹੀਂ ਹੈ। ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਨਾ ਕਰਨ 'ਤੇ ਤੁਹਾਨੂੰ ਜੁਰਮਾਨਾ ਵੀ ਭਰਨਾ ਪੈ ਸਕਦਾ ਹੈ। ਅੱਜ ਅਸੀਂ ਤੁਹਾਨੂੰ ਰੇਲਵੇ ਦੇ ਅਜਿਹੇ ਨਿਯਮ ਬਾਰੇ ਦੱਸਾਂਗੇ ਜਿਸ ਕਾਰਨ ਤੁਹਾਨੂੰ ਜੁਰਮਾਨਾ ਭਰਨਾ ਪਵੇਗਾ।
ਪਲੇਟਫਾਰਮ 'ਤੇ ਇੰਤਜ਼ਾਰ ਕਰਨ ਦਾ ਸਮਾਂ
ਅਕਸਰ ਤੁਸੀਂ ਦੇਖਿਆ ਹੋਵੇਗਾ ਕਿ ਲੋਕ ਰੇਲਗੱਡੀ ਰਾਹੀਂ ਸਫ਼ਰ ਕਰਨ ਲਈ ਸਮੇਂ ਤੋਂ ਪਹਿਲਾਂ ਰੇਲਵੇ ਸਟੇਸ਼ਨ ਅਤੇ ਪਲੇਟਫਾਰਮ 'ਤੇ ਪਹੁੰਚ ਜਾਂਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਟਿਕਟ ਲੈਣ ਤੋਂ ਬਾਅਦ ਵੀ ਪਲੇਟਫਾਰਮ 'ਤੇ ਇੱਕ ਨਿਸ਼ਚਿਤ ਉਡੀਕ ਸਮਾਂ ਹੁੰਦਾ ਹੈ। ਜੇਕਰ ਤੁਸੀਂ ਇਸ ਦੀ ਪਾਲਣਾ ਨਹੀਂ ਕਰਦੇ ਤਾਂ ਤੁਹਾਨੂੰ ਭਾਰੀ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਆਓ ਤੁਹਾਨੂੰ ਰੇਲਵੇ ਦੇ ਇਸ ਨਿਯਮ ਬਾਰੇ ਦੱਸਦੇ ਹਾਂ। ਜੀ ਹਾਂ, ਟ੍ਰੇਨ ਦੀ ਟਿਕਟ ਲੈਣ ਤੋਂ ਬਾਅਦ ਜਦੋਂ ਤੁਸੀਂ ਪਲੇਟਫਾਰਮ 'ਤੇ ਪਹੁੰਚਦੇ ਹੋ ਤਾਂ ਉੱਥੇ ਰੁਕਣ ਦੇ ਖਾਸ ਨਿਯਮ ਹਨ।
ਦਿਨ ਅਤੇ ਰਾਤ ਲਈ ਵੱਖ-ਵੱਖ ਨਿਯਮ
ਇਹ ਨਿਯਮ ਦਿਨ ਅਤੇ ਰਾਤ 'ਤੇ ਆਧਾਰਿਤ ਹੈ। ਜੇਕਰ ਤੁਹਾਡੀ ਟ੍ਰੇਨ ਦਿਨ ਦੀ ਹੈ, ਤਾਂ ਤੁਸੀਂ ਟ੍ਰੇਨ ਦੇ ਸਮੇਂ ਤੋਂ ਦੋ ਘੰਟੇ ਪਹਿਲਾਂ ਸਟੇਸ਼ਨ 'ਤੇ ਪਹੁੰਚ ਸਕਦੇ ਹੋ। ਇਸ ਤੋਂ ਇਲਾਵਾ, ਜੇਕਰ ਤੁਹਾਡੀ ਰੇਲਗੱਡੀ ਰਾਤ ਨੂੰ ਹੈ, ਤਾਂ ਤੁਸੀਂ ਰੇਲਗੱਡੀ ਦੇ ਆਉਣ ਤੋਂ 6 ਘੰਟੇ ਪਹਿਲਾਂ ਸਟੇਸ਼ਨ 'ਤੇ ਪਹੁੰਚ ਸਕਦੇ ਹੋ। ਇਸ ਦੌਰਾਨ ਪਹੁੰਚਣ 'ਤੇ ਤੁਹਾਨੂੰ ਕਿਸੇ ਤਰ੍ਹਾਂ ਦਾ ਜੁਰਮਾਨਾ ਨਹੀਂ ਦੇਣਾ ਪਵੇਗਾ। ਅਜਿਹਾ ਹੀ ਨਿਯਮ ਰੇਲਗੱਡੀ ਰਾਹੀਂ ਮੰਜ਼ਿਲ 'ਤੇ ਪਹੁੰਚਣ 'ਤੇ ਵੀ ਲਾਗੂ ਹੁੰਦਾ ਹੈ। ਤੁਸੀਂ ਰੇਲਗੱਡੀ ਦੇ ਆਉਣ ਤੋਂ ਬਾਅਦ ਵੱਧ ਤੋਂ ਵੱਧ 2 ਘੰਟੇ ਸਟੇਸ਼ਨ 'ਤੇ ਰੁਕ ਸਕਦੇ ਹੋ। ਪਰ ਜੇਕਰ ਰਾਤ ਦਾ ਸਮਾਂ ਹੈ ਤਾਂ ਰੇਲਵੇ ਤੁਹਾਨੂੰ 6 ਘੰਟੇ ਰੁਕਣ ਦੀ ਇਜਾਜ਼ਤ ਦਿੰਦਾ ਹੈ।
ਇਸ ਨਿਯਮ ਦਾ ਫਾਇਦਾ ਲੈਣ ਲਈ ਟੀਟੀਈ ਦੀ ਮੰਗ 'ਤੇ ਰੇਲ ਟਿਕਟ ਦਿਖਾਉਣੀ ਜ਼ਰੂਰੀ ਹੋਵੇਗੀ। ਜੇਕਰ ਤੁਸੀਂ ਨਿਰਧਾਰਤ ਸਮੇਂ ਤੋਂ ਬਾਅਦ ਰੇਲਵੇ ਸਟੇਸ਼ਨ 'ਤੇ ਰੁਕਦੇ ਹੋ, ਤਾਂ ਤੁਹਾਨੂੰ ਪਲੇਟਫਾਰਮ ਟਿਕਟ ਲੈਣੀ ਪਵੇਗੀ। ਯਾਨੀ ਜੇਕਰ ਤੁਸੀਂ ਦਿਨ 'ਚ ਟਰੇਨ ਦੇ ਸਮੇਂ ਤੋਂ 2 ਘੰਟੇ ਤੋਂ ਜ਼ਿਆਦਾ ਅਤੇ ਰਾਤ ਨੂੰ ਟ੍ਰੇਨ ਦੇ ਸਮੇਂ ਤੋਂ 6 ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਕਿਸੇ ਸਟੇਸ਼ਨ 'ਤੇ ਰੁਕਦੇ ਹੋ, ਤਾਂ ਤੁਹਾਨੂੰ ਪਲੇਟਫਾਰਮ ਟਿਕਟ ਲੈਣੀ ਪਵੇਗੀ। ਜੇਕਰ ਤੁਸੀਂ ਅਜਿਹਾ ਨਹੀਂ ਕਰਦੇ, ਤਾਂ TTE ਤੁਹਾਡੇ ਤੋਂ ਜੁਰਮਾਨਾ ਵਸੂਲ ਸਕਦਾ ਹੈ।
- PTC NEWS
