Gangster Deepak Boxer: ਮੈਕਸੀਕੋ ਤੋਂ ਦਿੱਲੀ ਲਿਆਂਦਾ ਗਿਆ ਗੈਂਗਸਟਰ ਦੀਪਕ ਬਾਕਸਰ, MHA ਨੇ ਦਿੱਤਾ ਸੀ ਗ੍ਰਿਫ਼ਤਾਰੀ ਦਾ ਆਦੇਸ਼
Gangster Deepak Boxer: ਗੈਂਗਸਟਰ ਦੀਪਕ ਬਾਕਸਰ ਨੂੰ ਦਿੱਲੀ ਪੁਲਿਸ ਅੱਜ ਸਵੇਰੇ ਭਾਰਤ ਲੈ ਕੇ ਆਈ ਹੈ। ਦੀਪਕ ਬਾਕਸਰ ਨੂੰ ਪੁਲਿਸ ਨੇ ਮੈਕਸੀਕੋ ਤੋਂ ਗ੍ਰਿਫ਼ਤਾਰ ਕੀਤਾ ਸੀ। ਇਹ ਪਹਿਲਾ ਮੌਕਾ ਹੈ ਜਦੋਂ ਗ੍ਰਹਿ ਮੰਤਰਾਲੇ ਦੇ ਨਿਰਦੇਸ਼ 'ਤੇ ਦਿੱਲੀ ਪੁਲਿਸ ਨੇ ਦੇਸ਼ ਤੋਂ ਬਾਹਰ ਜਾ ਕੇ ਕਿਸੇ ਵੱਡੇ ਗੈਂਗਸਟਰ ਨੂੰ ਗ੍ਰਿਫ਼ਤਾਰ ਕੀਤਾ ਹੋਵੇ। ਦੀਪਕ ਬਾਕਸਰ ਗੈਂਗਸਟਰ ਜਤਿੰਦਰ ਗੋਗੀ ਦੀ ਹੱਤਿਆ ਤੋਂ ਬਾਅਦ ਉਸਦੀ ਗੈਂਗ ਦੀ ਕਮਾਨ ਸੰਭਾਲ ਰਿਹਾ ਸੀ।
ਉਹ ਇਸ ਸਾਲ ਜਨਵਰੀ 'ਚ ਬਰੇਲੀ ਤੋਂ ਰਵੀ ਅੰਤਿਲ ਦੇ ਨਾਮ ਦਾ ਫਰਜੀ ਪਾਸਪੋਰਟ ਬਣਵਾ ਕੇ ਮੈਕਸੀਕੋ ਭੱਜ ਗਿਆ ਸੀ। ਉਸ 'ਤੇ ਦਿੱਲੀ ਪੁਲਿਸ ਨੇ 3 ਲੱਖ ਦਾ ਇਨਾਮ ਰੱਖਿਆ ਹੋਇਆ ਸੀ। ਕੇਂਦਰ ਸਰਕਾਰ ਨੇ ਅਜਿਹੇ 28 ਹੋਰ ਗੈਂਗਸਟਰਾਂ ਦੀ ਪਹਿਚਾਣ ਕੀਤੀ ਹੈ ਜੋ ਵਿਦੇਸ਼ 'ਚ ਹਨ।
ਕੱਲ੍ਹ ਮੈਕਸੀਕੋ 'ਚ ਕੀਤਾ ਸੀ ਗ੍ਰਿਫ਼ਤਾਰ
ਦਿੱਲੀ ਪੁਲਿਸ ਦੀ ਵਿਸ਼ੇਸ਼ ਸ਼ਾਖਾ ਨੇ ਸੰਘੀ ਜਾਂਚ ਬਿਊਰੋ ਦੀ ਮਦਦ ਨਾਲ ਰਾਸ਼ਟਰੀ ਰਾਜਧਾਨੀ ਦੇ ਬਦਮਾਸ਼ਾਂ ਵਿੱਚੋਂ ਇੱਕ ਦੀਪਕ ਨੂੰ ਮੈਕਸੀਕੋ 'ਚ ਗ੍ਰਿਫ਼ਤਾਰ ਕੀਤਾ ਸੀ। ਪੁਲਿਸ ਦੇ ਵਿਸ਼ੇਸ਼ ਕਮਿਸ਼ਨਰ ਐਚਜੀਐਸ ਧਾਲੀਵਾਲ ਦੇ ਅਨੁਸਾਰ ਗੈਂਗਸਟਰ ਨੇ ਅਮਰੀਕਾ ਦੇ ਰਸਤੇ ਮੈਕਸੀਕੋ ਪੁੱਜਣ ਲਈ ਕਈ ਰਸਤੇ ਅਪਣਾਏ ਪਰ ਉਹ ਪੁਲਿਸ ਦੇ ਜਾਲ 'ਚ ਫਸ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਅਜਿਹਾ ਪਹਿਲੀ ਵਾਰ ਸੀ ਜਦੋਂ ਦਿੱਲੀ ਪੁਲਿਸ ਨੇ ਕਿਸੇ ਗੈਂਗਸਟਰ ਨੂੰ ਦੇਸ਼ ਦੇ ਬਾਹਰ ਕਿਸੇ ਮੁਹਿੰਮ 'ਚ ਗ੍ਰਿਫ਼ਤਾਰ ਕੀਤਾ ਹੋਵੇ।
ਦਿੱਲੀ 'ਚ ਰੋਹੀਣੀ ਅਦਾਲਤ ਦੀ ਇਮਾਰਤ 'ਚ ਬਦਮਾਸ਼ ਜਤਿੰਦਰ ਮਾਨ ਉਰਫ ਗੋਗੀ ਦੀ ਹੱਤਿਆ ਤੋਂ ਬਾਅਦ ਦੀਪਕ, 'ਗੋਗੀ ਗਿਰੋਹ ਚਲਾ ਰਿਹਾ ਸੀ। ਦੋ ਹਮਲਾਵਰਾਂ ਨੇ 24 ਸਤੰਬਰ 2021 ਨੂੰ ਗੋਗੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ। ਪੁਲਿਸ ਦੀ ਜਵਾਬੀ ਕਾਰਵਾਈ 'ਚ ਹਮਲਾਵਰ ਵੀ ਮਾਰੇ ਗਏ ਸਨ।
ਦੀਪਕ ਬਿਲਡਰ ਅਮਿਤ ਗੁਪਤਾ ਦੀ ਹੱਤਿਆ ਦੇ ਸਿਲਸਿਲੇ 'ਚ ਇੱਛਤ ਸੀ, ਜਿਸਦੀ ਪਿਛਲੇ ਸਾਲ 23 ਅਗਸਤ ਨੂੰ ਉੱਤਰੀ ਦਿੱਲੀ ਦੇ ਬੁਰਾੜੀ ਇਲਾਕੇ 'ਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਗੋਗੀ - ਦੀਵਾ 'ਬਾਕਸਰ' ਗਿਰੋਹ ਦੇ 'ਸ਼ਾਰਪਸ਼ੂਟਰ ਅੰਕਿਤ ਗੁਲਿਆ ਨੇ ਕਥਿਤ ਤੌਰ 'ਤੇ ਗੁਪਤਾ ਦੀ ਹੱਤਿਆ ਕੀਤੀ ਸੀ। ਪੁਲਿਸ ਨੇ ਦੱਸਿਆ ਕਿ ਉਸਦੀ ਗ੍ਰਿਫ਼ਤਾਰੀ ਅਪਰਾਧ ਸ਼ਾਖਾ ਅਤੇ ਵਿਸ਼ੇਸ਼ ਸੈੱਲ ਦੇ ਕ੍ਰਮਬੱਧ ਕੋਸ਼ਿਸ਼ਾਂ ਦਾ ਨਤੀਜਾ ਹੈ। ਗੈਂਗਸਟਰ ਪਿਛਲੇ ਪੰਜ ਸਾਲਾਂ 'ਚ ਹੱਤਿਆ ਅਤੇ ਜ਼ਬਰਨ ਵਸੂਲੀ ਸਮੇਤ 10 ਸਨਸਨੀਖੇਜ ਮਾਮਲਿਆਂ 'ਚ ਭਾਰਤ 'ਚ ਇੱਛਤ ਹਨ।
ਇਹ ਵੀ ਪੜ੍ਹੋ: ਵਕੀਲਾਂ ਦੀ ਟੀਮ ਡਿਬਰੂਗੜ੍ਹ ਭੇਜੇਗੀ ਸ਼੍ਰੋਮਣੀ ਕਮੇਟੀ; NSA ਤਹਿਤ ਕੇਸ ਦਰਜ ਸਿੱਖਾਂ ਨੂੰ ਪ੍ਰਦਾਨ ਕਰੇਗੀ ਕਾਨੂੰਨੀ ਸਹਾਇਤਾ
- PTC NEWS
