ਮੇਰਠ : ਹਰ ਰੋਜ਼ ਕੋਈ ਨਾ ਕੋਈ ਇਨ੍ਹਾਂ ਭਿਆਨਕ ਹਾਦਸਾ ਹੁੰਦਾ ਹੈ ਜਿਸ ਨਾਲ ਹਮੇਸ਼ਾ ਦਿਲ ਕੰਬ ਜਾਂਦਾ ਹੈ ਇਸੇ ਤਰ੍ਹਾਂ ਦਾ ਇਕ ਹਾਦਸਾ ਅੱਜ ਸਵੇਰੇ ਮੇਰਠ ਦੇ ਦੌਰਾਲਾ ਸਟੇਸ਼ਨ ਦੇਖਣ ਨੂੰ ਮਿਲਿਆ ਹੈ। ਦੱਸ ਦੇਈਏ ਕਿ ਸਹਾਰਨਪੁਰ ਤੋਂ ਦਿੱਲੀ ਪੈਸੰਜਰ ਟਰੇਨ ਦੇ ਦੋ ਡੱਬਿਆਂ 'ਚ ਭਿਆਨਕ ਅੱਗ ਲੱਗ ਜਾਣ ਕਾਰਨ ਇਹ ਹਾਦਸਾ ਹੋਇਆ। ਰੇਲ ਗੱਡੀ ਵਿੱਚ ਅਚਾਨਕ ਧਮਾਕੇ ਨਾਲ ਕੋਚ 'ਚੋਂ ਧੂੰਆਂ ਉੱਠਣ ਲੱਗਾ ਤਾਂ ਯਾਤਰੀ ਡਰ ਦੇ ਕਾਰਨ ਕੋਚ 'ਚੋਂ ਬਾਹਰ ਵੱਲ ਨੂੰ ਆਉਣ ਲੱਗੇ। ਰੇਲਵੇ ਅਧਿਕਾਰੀਆਂ ਮੁਤਾਬਕ ਕੋਚ 'ਚ ਸ਼ਾਰਟ ਸਰਕਟ ਹੋਣ ਕਾਰਨ ਅੱਗ ਲੱਗੀ ਹੈ। ਇਹ ਖੁਸ਼ਕਿਸਮਤੀ ਵਾਲੀ ਗੱਲ ਹੈ ਕਿ ਟਰੇਨ ਉਸ ਵੇਲੇ ਦੌਰਾਲਾ ਸਟੇਸ਼ਨ 'ਤੇ ਖੜ੍ਹੀ ਸੀ।
ਸਵੇਰੇ 7.10 ਵਜੇ ਟਰੇਨ ਦੌਰਾਲਾ ਸਟੇਸ਼ਨ 'ਤੇ ਪਹੁੰਚੀ ਸੀ। ਆਮ ਵਾਂਗ ਯਾਤਰੀ ਸਟੇਸ਼ਨ ਤੇ ਖੜ੍ਹੇ ਰੇਲਗੱਡੀ ਦੇ ਆਉਣ ਦੀ ਉਡੀਕ ਕਰ ਰਹੇ ਸਨ। ਇਸ ਰੇਲਗੱਡੀ ਰਾਹੀਂ ਵੱਡੀ ਗਿਣਤੀ ਵਿੱਚ ਦਿੱਲੀ ਦੇ ਰੋਜ਼ਗਾਰ ਵਾਲੇ ਯਾਤਰੀ ਸਫ਼ਰ ਕਰਦੇ ਹਨ। ਕੋਚ 'ਚ ਅੱਗ ਲੱਗਣ ਤੋਂ ਤੁਰੰਤ ਬਾਅਦ ਯਾਤਰੀ ਕੋਚ 'ਚੋਂ ਬਾਹਰ ਨਿਕਲਣ ਲੱਗੇ। ਹਾਲਾਂਕਿ ਕੋਚ 'ਚ ਅੱਗ ਪੂਰੀ ਤਰ੍ਹਾਂ ਫੈਲ ਚੁੱਕੀ ਸੀ। ਸਹਾਰਨਪੁਰ ਦਿੱਲੀ ਪੈਸੰਜਰ ਟਰੇਨ ਦੇ ਦੋ ਡੱਬਿਆਂ ਨੂੰ ਅੱਗ ਲੱਗਣ ਤੋਂ ਬਾਅਦ ਯਾਤਰੀਆਂ ਨੇ ਦੂਜੇ ਡੱਬੇ ਨੂੰ ਬਚਾਉਣ ਲਈ ਟਰੇਨ ਨੂੰ ਅੱਗੇ ਧੱਕ ਦਿੱਤਾ। ਦੱਸਿਆ ਗਿਆ ਹੈ ਕਿ ਯਾਤਰੀ ਖੁਦ ਹੀ ਟਰੇਨ ਦੇ ਦੂਜੇ ਡੱਬਿਆਂ ਨੂੰ ਵੱਖ ਕਰਦੇ ਹੋਏ ਸਟੇਸ਼ਨ ਵੱਲ ਵਧੇ।
ਦੌਰਾਲਾ ਰੇਲਵੇ ਸਟੇਸ਼ਨ 'ਤੇ ਸਹਾਰਨਪੁਰ-ਦਿੱਲੀ ਯਾਤਰੀਆਂ ਨੂੰ ਅੱਗ ਲੱਗਣ ਤੋਂ ਬਾਅਦ ਦਿੱਲੀ-ਮੇਰਠ ਮਾਰਗ ਵੀ ਪ੍ਰਭਾਵਿਤ ਹੋਇਆ ਹੈ। ਸਵੇਰੇ ਕਈ ਮਹੱਤਵਪੂਰਨ ਰੇਲ ਗੱਡੀਆਂ ਮੇਰਠ ਦੇ ਰਸਤੇ ਦੇਹਰਾਦੂਨ ਅਤੇ ਦਿੱਲੀ ਨੂੰ ਜਾਂਦੀਆਂ ਹਨ। ਦਿੱਲੀ ਤੋਂ ਦੇਹਰਾਦੂਨ ਵਿਚਕਾਰ ਚੱਲਣ ਵਾਲੀ ਸਭ ਤੋਂ ਮਹੱਤਵਪੂਰਨ ਰੇਲਗੱਡੀ ਸ਼ਤਾਬਦੀ ਹੈ। ਸ਼ਤਾਬਦੀ ਨੂੰ ਮੇਰਠ ਸਿਟੀ ਸਟੇਸ਼ਨ 'ਤੇ ਰੋਕ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਜੰਮੂ ਤੋਂ ਮੇਰਠ ਦੇ ਰਸਤੇ ਦਿੱਲੀ ਜਾਣ ਵਾਲੀ ਸ਼ਾਲੀਮਾਰ ਐਕਸਪ੍ਰੈਸ ਨੂੰ ਸਕੌਟੀ ਸਟੇਸ਼ਨ 'ਤੇ ਰੋਕ ਦਿੱਤਾ ਗਿਆ ਹੈ। ਦੂਜੇ ਪਾਸੇ ਪ੍ਰਯਾਗਰਾਜ ਤੋਂ ਮੇਰਠ ਅਤੇ ਸਹਾਰਨਪੁਰ ਜਾਣ ਵਾਲੀ ਨੌਚੰਡੀ ਐਕਸਪ੍ਰੈਸ ਨੂੰ ਵੀ ਸਿਟੀ ਸਟੇਸ਼ਨ 'ਤੇ ਰੋਕ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਕਈ ਹੋਰ ਟਰੇਨਾਂ ਨੂੰ ਵੀ ਮੁਜ਼ੱਫਰਨਗਰ ਖਤੌਲੀ ਸਟੇਸ਼ਨ 'ਤੇ ਰੋਕ ਦਿੱਤਾ ਗਿਆ ਹੈ।
ਦਿੱਲੀ-ਮੇਰਠ ਰੇਲ ਆਵਾਜਾਈ ਤਿੰਨ ਘੰਟੇ ਤੋਂ ਵੱਧ ਸਮੇਂ ਤੱਕ ਠੱਪ ਰਹਿਣ ਤੋਂ ਬਾਅਦ ਖੋਲ੍ਹ ਦਿੱਤੀ ਗਈ ਹੈ। ਦਿੱਲੀ ਅਤੇ ਦੇਹਰਾਦੂਨ ਵਿਚਕਾਰ ਚੱਲਣ ਵਾਲੀ ਸ਼ਤਾਬਦੀ ਐਕਸਪ੍ਰੈਸ ਨੂੰ ਸਿਟੀ ਸਟੇਸ਼ਨ 'ਤੇ ਇਕ ਘੰਟਾ 43 ਮਿੰਟ ਤੱਕ ਖੜ੍ਹਨਾ ਪਿਆ। ਇਸ ਤੋਂ ਬਾਅਦ ਹੁਣ ਸ਼ਤਾਬਦੀ ਐਕਸਪ੍ਰੈਸ ਨੂੰ ਦੇਹਰਾਦੂਨ ਵੱਲ ਮੋੜ ਦਿੱਤਾ ਗਿਆ ਹੈ।ਮੇਰਠ ਤੋਂ ਮੁਜ਼ੱਫਰਨਗਰ ਤੱਕ ਰੇਲ ਗੱਡੀਆਂ ਦਾ ਸੰਚਾਲਨ 10:30 ਵਜੇ ਸ਼ੁਰੂ ਹੋਇਆ। ਸ਼ਾਲੀਮਾਰ ਐਕਸਪ੍ਰੈਸ ਵੀ ਦੋ ਤੋਂ ਤਿੰਨ ਘੰਟੇ ਲੇਟ ਹੈ। ਦਿੱਲੀ ਅੰਬਾਲਾ ਇੰਟਰਸਿਟੀ ਵੀ ਅਜੇ ਮੁਜ਼ੱਫਰਨਗਰ ਵਾਲੇ ਪਾਸੇ ਤੋਂ ਨਹੀਂ ਆਈ ਹੈ। ਇਸ ਦੇ ਨਾਲ ਹੀ ਉਤਕਲ ਐਕਸਪ੍ਰੈਸ ਅਤੇ ਸੁਪਰ ਐਕਸਪ੍ਰੈਸ ਵੀ ਕਈ ਘੰਟੇ ਦੇਰੀ ਨਾਲ ਚੱਲ ਰਹੀਆਂ ਹਨ।
-PTC News
