ਚੀਨ ਦੀ ਸੈਟੇਲਾਈਟ ਤਸਵੀਰਾਂ 'ਚ ਖੁੱਲੀ ਪੋਲ, ਬਣਾ ਰਿਹੈ ਪ੍ਰਮਾਣੂ ਮਿਜ਼ਾਇਲ ਸਾਈਲੋ
ਨਵੀਂ ਦਿੱਲੀ: ਚੀਨ ਆਪਣੇ ਉੱਤਰ-ਪੱਛਮੀ ਖੇਤਰ ਦੇ ਮਾਰੂਥਲ ਵਿਚ 119 ਨਵੀਂ ਮਿਜ਼ਾਇਲ ਸਾਈਲੋ ਬਣਾ ਰਿਹਾ ਹੈ। ਚੀਨ ਦੀ ਇਸ ਹਰਕਤ ਦੀ ਪੋਲ ਸੈਟੇਲਾਈਟ ਤਸਵੀਰਾਂ ਤੋਂ ਖੁੱਲ੍ਹੀ ਹੈ। ਸੈਟੇਲਾਈਟ ਦੀਆਂ ਤਸਵੀਰਾਂ ਸਪੱਸ਼ਟ ਤੌਰ ਉੱਤੇ ਬਹੁਤ ਸਾਰੇ ਸਾਈਲੋਜ਼ ਦਿਖ ਰਹੇ ਹਨ। ਸਾਈਲੋ ਇਕ ਲੰਬਾ, ਡੂੰਘਾ, ਸਿਲੰਡਰ ਵਰਗਾ ਟੋਆ ਹੁੰਦਾ ਹੈ ਜਿਸ ਦੇ ਅੰਦਰ ਇੰਟਰ-ਕੌਂਟੀਨੈਂਟਲ ਪ੍ਰਮਾਣੂ ਬੈਲਿਸਟਿਕ ਮਿਜ਼ਾਇਲਾਂ ਰੱਖੀਆਂ ਜਾਂਦੀਆਂ ਹਨ। ਲੋੜ ਪੈਣ 'ਤੇ ਇਸ ਸਾਈਲੋ ਦੇ ਢੱਕਣ ਨੂੰ ਖੋਲ੍ਹ ਕੇ, ਮਿਜ਼ਾਇਲ ਇੱਥੋਂ ਲਾਂਚ ਕੀਤੀ ਜਾਂਦੀ ਹੈ। ਇਸ ਨੂੰ ਚੀਨ ਦੇ ਪਰਮਾਣੂ ਹਥਿਆਰ ਪ੍ਰੋਗਰਾਮ ਦਾ ਸਭ ਤੋਂ ਵੱਡਾ ਇਤਿਹਾਸਕ ਕਦਮ ਦੱਸਿਆ ਜਾ ਰਿਹਾ ਹੈ।
ਪੜੋ ਹੋਰ ਖਬਰਾਂ: ਭਾਰਤ ‘ਚ ਪਿਛਲੇ 24 ਘੰਟਿਆਂ ਦੌਰਾਨ ਕੋਰੋਨਾ ਦੇ ਮਿਲੇ 43,393 ਨਵੇਂ ਕੇਸ , 911 ਲੋਕਾਂ ਦੀ ਮੌਤ
ਵਪਾਰਕ ਉਪਗ੍ਰਹਿਾਂ ਤੋਂ ਲਈਆਂ ਤਸਵੀਰਾਂ ਦੇ ਅਧਾਰ 'ਤੇ ਰੱਖਿਆ ਮਾਹਰਾਂ ਨੇ ਕਿਹਾ ਹੈ ਕਿ ਚੀਨ ਆਪਣੇ ਦੇਸ਼ ਦੇ ਅੰਦਰ 119 ਇੰਟਰ-ਕੌਂਟੀਨੈਂਟਲ ਪ੍ਰਮਾਣੂ ਬੈਲਿਸਟਿਕ ਮਿਜ਼ਾਇਲ (ਆਈਸੀਬੀਐਮ) ਦੇ ਸਾਈਲੋਜ਼ ਬਣਾ ਰਿਹਾ ਹੈ। ਇਨ੍ਹਾਂ ਮਿਜ਼ਾਇਲਾਂ ਵਿਚ ਅਮਰੀਕਾ ਤੱਕ ਮਾਰ ਕਰਨ ਦੀ ਸਮਰੱਥਾ ਹੈ। ਹਾਲਾਂਕਿ, ਕੋਈ ਨਹੀਂ ਜਾਣਦਾ ਕਿ ਇਨ੍ਹਾਂ ਸਾਈਲੋਜ਼ ਵਿਚ ਮਿਜ਼ਾਇਲਾਂ ਹਨ ਜਾਂ ਨਹੀਂ। ਚਾਹੇ ਮਿਜ਼ਾਇਲਾਂ ਵੀ ਹੋਣ, ਪਰ ਕੀ ਉਨ੍ਹਾਂ ਉੱਤੇ ਪਰਮਾਣੂ ਹਥਿਆਰ ਹਨ ਜਾਂ ਨਹੀਂ?
ਪੜੋ ਹੋਰ ਖਬਰਾਂ: 6ਵੇਂ ਪੇਅ ਕਮਿਸ਼ਨ ਖਿਲਾਫ ਸਰਕਾਰੀ ਮੁਲਾਜ਼ਮਾਂ ਦਾ ਜਲੰਧਰ ਬੱਸ ਸਟੈਂਡ ‘ਚ ਧਰਨਾ, ਦਿੱਤਾ ਅਲਟੀਮੇਟਮ
ਕੈਲੀਫੋਰਨੀਆ ਦੇ ਮੌਂਟੇਰੀ ਵਿਚ ਜੇਮਜ਼ ਮਾਰਟਿਨ ਸੈਂਟਰ ਫਾਰ ਨਾਨ-ਪ੍ਰੋਲੀਫ੍ਰੇਸ਼ਨ ਸਟੱਡੀਜ਼ ਦੇ ਖੋਜਕਰਤਾਵਾਂ ਨੇ ਪਲੈਨੇਟ ਲੈਬਜ਼ ਦੇ ਸੈਟੇਲਾਈਟ ਚਿੱਤਰਾਂ ਦੀ ਜਾਂਚ ਕੀਤੀ। ਇਸ ਵਿਚ ਇਹ ਮਿਜ਼ਾਇਲ ਸਾਈਲੋ ਚੀਨ ਦੇ ਉੱਤਰ ਪੱਛਮ ਵਿੱਚ ਸਥਿਤ ਯੂਮਨ ਸ਼ਹਿਰ ਦੇ ਮਾਰੂਥਲ ਵਿਚ ਵੇਖੇ ਗਏ ਹਨ। ਇਹ ਸਾਈਲੋਜ਼ ਵਿੰਡ ਫਾਰਮ ਦੇ ਅੱਗੇ ਬਣੇ ਹਨ। ਪਲੈਨੇਟ ਲੈਬਜ਼ ਦੇ ਸਹਿ-ਸੰਸਥਾਪਕ ਅਤੇ ਸੀਈਓ ਵਿੱਲ ਮਾਰਸ਼ਲ ਨੇ ਟਵੀਟ ਕਰ ਕੇ ਇਹ ਜਾਣਕਾਰੀ ਦਿੱਤੀ ਹੈ।
ਪੜੋ ਹੋਰ ਖਬਰਾਂ: 'ਅਜੇ ਟਲਿਆ ਨਹੀਂ ਹੈ ਕੋਰੋਨਾ ਦਾ ਸੰਕਟ', PM ਮੋਦੀ ਨੇ ਦਿੱਤੀ ਚਿਤਾਵਨੀ
ਉਸ ਨੇ ਆਪਣੇ ਟਵੀਟ ਵਿਚ ਦੋ ਤਸਵੀਰਾਂ ਦਿਖਾਈਆਂ ਹਨ, ਜਿਸ ਵਿਚ ਮਿਜ਼ਾਇਲਾਂ ਦੇ ਸਾਈਲੋਜ਼ ਸਾਫ ਦਿਖਾਈ ਦੇ ਰਹੇ ਹਨ। ਵਿੱਲ ਮਾਰਸ਼ਲ ਨੇ ਲਿਖਿਆ ਹੈ ਕਿ ਚੀਨ ਮਾਰੂਥਲ ਵਿਚ 100 ਤੋਂ ਵੱਧ ਪ੍ਰਮਾਣੂ ਮਿਜ਼ਾਇਲ ਸਾਈਲੋ ਬਣਾ ਰਿਹਾ ਹੈ। ਪਿਛਲੇ ਸਾਲ ਉਸ ਨੇ 100 ਤੋਂ ਵੱਧ ਉਈਗੁਰ ਨਜ਼ਰਬੰਦੀ ਕੈਂਪ ਸਥਾਪਿਤ ਕੀਤੇ ਸਨ, ਹੁਣ ਇਹ ਕੰਮ ਕਰ ਰਿਹਾ ਹੈ। ਵਿਲ ਸੈਟੇਲਾਈਟ ਫੋਟੋਆਂ ਨੂੰ ਵੇਖਦਿਆਂ ਕਹਿੰਦਾ ਹੈ, ਅਜਿਹਾ ਲਗਦਾ ਹੈ ਕਿ ਉਹ ਬਹੁਤ ਤੇਜ਼ੀ ਨਾਲ ਬਣ ਰਹੇ ਹਨ।
-PTC News
