KBC - ਸਵਾਲ ਪੁੱਛਦੇ ਸਾਰ ਹੀ ਹੈਂਗ ਹੋ ਗਿਆ ਬਿਗ ਬੀ ਦਾ ਕੰਪਿਊਟਰ, ਸੋਝੀ ਤੇ ਸਿਆਣਪ ਸੰਗ ਸੰਭਲ ਗਈ ਸਥਿਤੀ
Kaveri Joshi
October 14th 2020 09:28 PM
KBC - ਸਵਾਲ ਪੁੱਛਦੇ ਸਾਰ ਹੀ ਹੈਂਗ ਹੋ ਗਿਆ ਬਿਗ ਬੀ ਦਾ ਕੰਪਿਊਟਰ, ਸੋਝੀ ਤੇ ਸਿਆਣਪ ਸੰਗ ਸੰਭਲ ਗਈ ਸਥਿਤੀ : ਬਹੁ-ਚਰਚਿਤ ਕੌਣ ਬਣੇਗਾ ਕਰੋੜਪਤੀ ਸਭ ਦਾ ਚਹੇਤਾ ਪ੍ਰੋਗਰਾਮ ਹੈ , ਪਿਛਲੇ 12 ਸਾਲ ਤੋਂ ਇਸਦੀ ਲੋਕਪ੍ਰਿਯਤਾ ਵੱਧਦੀ ਹੀ ਗਈ ਹੈ , ਸ਼ਾਇਦ ਹੀ ਕੋਈ ਹੋਵੇ ਜੋ ਇਸ ਟੀਵੀ ਸ਼ੋਅ ਨੂੰ ਨਾ ਮਿਸ ਕਰਦਾ ਹੋਵੇ । ਅਮਿਤਾਭ ਬੱਚਨ ਦਾ ਸ਼ੋਅ ਨੂੰ ਹੋਸਟ ਕਰਨ ਦਾ ਅੰਦਾਜ਼ ਸਭ ਦਾ ਪਸੰਦੀਦਾ ਹੈ , ਖ਼ਾਸਕਰ ਦੇਵੀਓ ਔਰ ਸੱਜਣੋਂ ਤਾਂ ਐਨਾ ਮਕਬੂਲ ਹੈ ਕਿ ਬੱਚੇ-ਬੱਚੇ ਦੀ ਜ਼ੁਬਾਨ 'ਤੇ ਚੜ੍ਹ ਗਿਆ ਹੈ ।
ਮੰਗਲਵਾਰ 13 ਅਕਤੂਬਰ ਨੂੰ ਪ੍ਰਸਾਰਿਤ ਹੋਏ kbc ਦੇ ਐਪੀਸੋਡ 'ਚ ਅਜੀਬ ਵਾਕਿਆ ਹੋਇਆ , ਜਿਸਨੇ ਸਭ ਦੇ ਨਾਲ-ਨਾਲ ਬਿਗ ਬੀ ਨੂੰ ਵੀ ਹੈਰਾਨ ਕਰ ਦਿੱਤਾ । ਕੱਲ੍ਹ ਸ਼ੋਅ ਦੌਰਾਨ ਬਿਗ-ਬੀ ਦਾ ਕੰਪਿਊਟਰ ਹੈਂਗ ਹੋ ਗਿਆ , ਜਿਸਨੂੰ ਦੇਖ ਕੇ ਸਾਰੇ ਚਕਿਤ ਰਹਿ ਗਏ ।
ਦਰਅਸਲ ਬੀਤੇ ਐਪੀਸੋਡ 'ਚ ਮਹਾਰਾਸ਼ਟਰ ਦੇ ਮੁੰਬਈ ਸ਼ਹਿਰ ਤੋਂ ਆਏ ਸ੍ਵਪਨਿਲ ਚੌਹਾਨ ਹੌਟ ਸੀਟ 'ਤੇ ਬੈਠੇ ਸਨ ਅਤੇ ਅਮਿਤਾਭ ਬੱਚਨ ਨੇ ਸਵਾਲਾਂ ਦਾ ਸਿਲਸਿਲਾ ਸ਼ੁਰੂ ਕੀਤਾ ਸੀ । ਅਮਿਤਾਭ ਬੱਚਨ ਸ੍ਵਪਨੀਲ ਤੋਂ 2 ਹਜ਼ਾਰ ਰੁਪਏ ਵਾਲਾ ਸਵਾਲ ਪੁੱਛਣ ਜਾ ਹੀ ਰਹੇ ਸਨ ਕਿ ਸਵਾਲ ਪੁੱਛਦੇ ਸਾਰ ਹੀ ਉਹਨਾਂ ਦਾ ਕੰਪਿਊਟਰ ਹੈਂਗ ਹੋ ਗਿਆ ।
ਅਕਸਰ ਟੀਵੀ ਸ਼ੋਅਜ਼ ਦੌਰਾਨ ਤਕਨੀਕੀ ਖ਼ਰਾਬੀ ਦੇ ਚਲਦੇ ਅਜਿਹੀਆਂ ਦਿੱਕਤਾਂ ਆ ਜਾਂਦੀਆਂ ਹਨ , ਖ਼ਾਸਕਰ ਓਦੋਂ ਜ਼ਿਆਦਾ ਮੁਸ਼ਕਿਲ ਪੇਸ਼ ਆਉਂਦੀ ਹੈ ਜਦੋਂ ਕੋਈ ਪ੍ਰੋਗਰਾਮ ਲਾਇਵ ਚੱਲ ਰਿਹਾ ਹੋਵੇ , ਸੋ ਪੇਸ਼ਕਾਰੀ ਦੇ ਰਹੇ ਪ੍ਰੋਗਰਾਮ ਪੇਸ਼ਕਰਤਾ ਦੇ ਨਾਲ ਜੇਕਰ ਤਕਨੀਕੀ ਸਟਾਫ਼ ਵੀ ਚੁਕੰਨਾ ਹੋਵੇ , ਤਾਂ ਝੱਟ ਸਥਿਤੀ ਸੰਭਲ ਜਾਂਦੀ ਹੈ । ਕੌਣ ਬਣੇਗਾ ਕਰੋੜਪਤੀ ਦੇ ਇਸ ਐਪੀਸੋਡ ਦੌਰਾਨ ਵਾਪਰੀ ਇਸ ਘਟਨਾ ਦੇ ਚਰਚੇ ਹਨ।