Milk Price Hike Alert : ਇਸ ਸੂਬੇ ’ਚ ਵਧ ਸਕਦੀਆਂ ਹਨ ਦੁੱਧ ਦੀਆਂ ਕੀਮਤਾਂ, 5 ਰੁਪਏ ਤੱਕ ਦਾ ਹੋ ਸਕਦਾ ਹੈ ਵਾਧਾ
ਸੂਬੇ ਤੋਂ ਪ੍ਰਵਾਨਗੀ ਮਿਲਣ ਤੋਂ ਬਾਅਦ ਹੀ ਨਵੀਆਂ ਦਰਾਂ 7 ਮਾਰਚ ਤੋਂ ਲਾਗੂ ਹੋਣ ਦੀ ਸੰਭਾਵਨਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਨੰਦਿਨੀ ਟੋਂਡ ਦੁੱਧ ਦੀ ਕੀਮਤ 47 ਰੁਪਏ ਪ੍ਰਤੀ ਲੀਟਰ ਹੋ ਜਾਵੇਗੀ।
Milk Price Hike Alert : ਕਰਨਾਟਕ ਵਿੱਚ ਦੁੱਧ ਦੀਆਂ ਕੀਮਤਾਂ ਵਧਣ ਦੀ ਸੰਭਾਵਨਾ ਹੈ। ਕਰਨਾਟਕ ਮਿਲਕ ਫੈਡਰੇਸ਼ਨ (ਕੇਐਮਐਫ) ਨੇ ਨੰਦਿਨੀ ਦੁੱਧ ਦੀ ਕੀਮਤ 5 ਰੁਪਏ ਪ੍ਰਤੀ ਲੀਟਰ ਵਧਾਉਣ ਦਾ ਪ੍ਰਸਤਾਵ ਰੱਖਿਆ ਹੈ। ਸੂਬੇ ਤੋਂ ਪ੍ਰਵਾਨਗੀ ਮਿਲਣ ਤੋਂ ਬਾਅਦ ਹੀ ਨਵੀਆਂ ਦਰਾਂ 7 ਮਾਰਚ ਤੋਂ ਲਾਗੂ ਹੋਣ ਦੀ ਸੰਭਾਵਨਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਨੰਦਿਨੀ ਟੋਂਡ ਦੁੱਧ ਦੀ ਕੀਮਤ 47 ਰੁਪਏ ਪ੍ਰਤੀ ਲੀਟਰ ਹੋ ਜਾਵੇਗੀ। ਇਸ ਦੇ ਨਾਲ ਹੀ ਪੈਕਿੰਗ ਸਿਸਟਮ ਵਿੱਚ ਵੀ ਬਦਲਾਅ ਕੀਤੇ ਜਾਣਗੇ। ਪਹਿਲਾਂ, ਇੱਕ ਪੈਕੇਟ ਵਿੱਚ 1,050 ਮਿਲੀਲੀਟਰ ਦੁੱਧ ਹੁੰਦਾ ਸੀ, ਪਰ ਹੁਣ ਇਸਨੂੰ 1,000 ਮਿਲੀਲੀਟਰ (ਭਾਵ ਇੱਕ ਲੀਟਰ) ਨਿਰਧਾਰਤ ਕੀਤਾ ਜਾਵੇਗਾ।
ਤਿੰਨ ਸਾਲਾਂ ਬਾਅਦ ਦੁੱਧ ਦੀ ਕੀਮਤ ਵਧੀ
ਇਹ ਪਿਛਲੇ ਤਿੰਨ ਸਾਲਾਂ ਵਿੱਚ ਕੇਐਮਐਫ ਵੱਲੋਂ ਕੀਤਾ ਗਿਆ ਦੂਜਾ ਵੱਡਾ ਵਾਧਾ ਹੋਵੇਗਾ। ਇਸ ਤੋਂ ਪਹਿਲਾਂ 2022 ਵਿੱਚ 3 ਰੁਪਏ ਪ੍ਰਤੀ ਲੀਟਰ ਅਤੇ 2024 ਵਿੱਚ 2 ਰੁਪਏ ਪ੍ਰਤੀ ਪੈਕੇਟ ਦਾ ਵਾਧਾ ਹੋਇਆ ਸੀ। ਵਧਦੀ ਮਹਿੰਗਾਈ ਦੇ ਵਿਚਕਾਰ, ਇਹ ਫੈਸਲਾ ਖਪਤਕਾਰਾਂ 'ਤੇ ਵਾਧੂ ਬੋਝ ਪਾ ਸਕਦਾ ਹੈ।
ਕਿਸਾਨਾਂ ਦੀ ਮੰਗ ਦੇ ਚੱਲਦੇ ਲਿਆ ਫੈਸਲਾ
ਕੇਐਮਐਫ ਦੇ ਪ੍ਰਬੰਧ ਨਿਰਦੇਸ਼ਕ ਬੀ. ਸ਼ਿਵਸਵਾਮੀ ਨੇ ਕਿਹਾ ਕਿ ਇਹ ਕੀਮਤ ਸੋਧ ਡੇਅਰੀ ਕਿਸਾਨਾਂ ਦੀ ਲਗਾਤਾਰ ਮੰਗ ਨੂੰ ਦੇਖਦੇ ਹੋਏ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਵੇਲੇ ਰੋਜ਼ਾਨਾ ਲਗਭਗ 79-81 ਲੱਖ ਲੀਟਰ ਦੁੱਧ ਖਰੀਦ ਰਹੇ ਹਾਂ, ਜਦਕਿ ਪਹਿਲਾਂ ਇਹ ਗਿਣਤੀ 85-99 ਲੱਖ ਲੀਟਰ ਸੀ। ਆਉਣ ਵਾਲੇ ਸਮੇਂ ਵਿੱਚ, ਵਾਧੂ ਸਪਲਾਈ ਬੰਦ ਕਰ ਦਿੱਤੀ ਜਾਵੇਗੀ।"
ਹਾਲਾਂਕਿ ਸ਼ਿਵਸਵਾਮੀ ਦਾ ਕਹਿਣਾ ਹੈ ਕਿ ਵਧੀ ਹੋਈ ਕੀਮਤ ਦੇ ਬਾਵਜੂਦ, ਨੰਦਿਨੀ ਦੁੱਧ ਕਰਨਾਟਕ ਅਤੇ ਗੁਆਂਢੀ ਰਾਜਾਂ ਵਿੱਚ ਉਪਲਬਧ ਹੋਰ ਬ੍ਰਾਂਡਾਂ ਅਤੇ ਔਨਲਾਈਨ ਵਿਕਲਪਾਂ ਨਾਲੋਂ ਸਸਤਾ ਰਹੇਗਾ। ਇਸ ਕੀਮਤ ਵਾਧੇ ਬਾਰੇ ਅੰਤਿਮ ਫੈਸਲਾ ਮੁੱਖ ਮੰਤਰੀ ਸਿੱਧਰਮਈਆ ਲੈਣਗੇ ਅਤੇ ਇਸਦੀ ਰਸਮੀ ਘੋਸ਼ਣਾ ਰਾਜ ਦੀ ਮਨਜ਼ੂਰੀ ਮਿਲਣ ਤੋਂ ਬਾਅਦ ਹੀ ਕੀਤੀ ਜਾ ਸਕਦੀ ਹੈ।
