ਪਰਮਜੀਤ ਕੌਰ ਦੀ ਸ਼ਾਨਦਾਰ ਕਲਾ , ਕੱਪੜੇ 'ਤੇ ਕਢਾਈ ਨਾਲ ਬਣਾਈ ਸ੍ਰੀ ਦਰਬਾਰ ਸਾਹਿਬ ਦੀ ਤਸਵੀਰ
ਪਰਮਜੀਤ ਕੌਰ ਦੀ ਸ਼ਾਨਦਾਰ ਕਲਾ , ਕੱਪੜੇ 'ਤੇ ਕਢਾਈ ਨਾਲ ਬਣਾਈ ਸ੍ਰੀ ਦਰਬਾਰ ਸਾਹਿਬ ਦੀ ਤਸਵੀਰ:ਅੰਮ੍ਰਿਤਸਰ ਦੀ ਪਰਮਜੀਤ ਕੌਰ ਨੇ ਆਪਣੀ ਸ਼ਾਨਦਾਰ ਕਲਾਕਾਰੀ ਪੇਸ਼ ਕੀਤੀ ਹੈ।ਪਰਮਜੀਤ ਕੌਰ ਨੇ ਧਾਗੇ ਦੀ ਕਢਾਈ ਨਾਲ ਕੱਪੜੇ 'ਤੇ ਇੱਕ ਤਸਵੀਰ ਬਣਾਈ ਜਾ ਰਹੀ ਹੈ ਤੇ ਇਹ ਤਸਵੀਰ ਵੀ ਉਸ ਸਥਾਨ ਦੀ ਹੈ,ਜਿੱਥੇ ਦੁਨੀਆ ਦੇ ਲਗਭਗ ਹਰ ਬੰਦੇ ਦਾ ਸੀਸ ਝੁਕਦਾ ਹੈ।
ਪਰਮਜੀਤ ਕੌਰ ਨੇ ਆਪਣੇ ਹੱਥੀ ਧਾਗੇ ਦੀ ਕਢਾਈ ਨਾਲ ਸ੍ਰੀ ਹਰਿਮੰਦਰ ਸਾਹਿਬ ਤੇ ਦਸਾਂ ਗੁਰੂ ਸਾਹਿਬਾਨਾਂ ਦੀ ਬਾਕਮਾਲ ਤਸਵੀਰ ਬਣਾਈ ਗਈ ਹੈ।
ਪਰਮਜੀਤ ਕੌਰ ਵੱਲੋਂ ਤੋਪਾ-ਤੋਪਾ ਪਰੋਂ ਕੇ ਸ੍ਰੀ ਦਰਬਾਰ ਸਾਹਿਬ ਦੀ ਤਸਵੀਰ ਨੂੰ ਕੱਪੜੇ ਉੱਤੇ ਉਤਾਰਨਾ ਕਿਸੇ ਕਰਾਮਾਤ ਤੋਂ ਘੱਟ ਨਹੀਂ।ਇਹ ਕਰਾਮਾਤ ਅੰਮ੍ਰਿਤਸਰ ਦੀ ਪਰਮਜੀਤ ਕੌਰ ਕਪੂਰ ਨੇ ਕੀਤਾ ਹੈ।ਪਰਮਜੀਤ ਕੌਰ ਨੂੰ ਇਹ ਤਸਵੀਰ ਬਣਾਉਣ ਦੇ ਲਈ ਲੱਗਭਗ 3 ਸਾਲ ਦਾ ਸਮਾਂ ਲੱਗਾ ਹੈ।ਇਸ ਕਲਾਕਾਰੀ ਲਈ ਮੁਲਕ ਦਾ ਸਭ ਤੋਂ ਵੱਡਾ ਨੈਸ਼ਨਲ ਐਵਾਰਡ ਵੀ ਮਿਲਿਆ ਹੈ।ਪਰਮਜੀਤ ਕੌਰ ਪੇਸ਼ੇ ਤੋਂ ਫੈਸ਼ਨ ਡਿਜ਼ਾਇਨਰ ਵੀ ਹੈ ਅਤੇ 15 ਸਾਲਾ ਤੋਂ ਕਢਾਈ ਦੀ ਕਲਾ ਨਾਲ ਜੁੜੀ ਹੋਈ ਹੈ।
ਪਰਮਜੀਤ ਕੌਰ ਵੱਲੋਂ ਤਿਆਰ ਕੀਤੀ ਗਈ ਸ੍ਰੀ ਦਰਬਾਰ ਸਾਹਿਬ ਦੀ ਤਸਵੀਰ ਨੂੰ ਕੌਮੀ ਅਜਾਇਬ ਘਰ ਵਿੱਚ ਲਗਾਇਆ ਗਿਆ ਹੈ ਤਾਂ ਜੋ ਇਸ ਖ਼ੂਬਸੂਰਤ ਸਿਰਜਣਾ ਰਾਹੀਂ ਸ੍ਰੀ ਦਰਬਾਰ ਸਾਹਿਬ ਦੀ ਰੂਹਾਨੀਅਤ ਦੁਨੀਆਂ ਦੇ ਲੋਕ ਦੇਖ ਸਕਣ।
ਪਰਮਜੀਤ ਕੌਰ ਨੇ ਦੱਸਿਆ ਕਿ ਉਹ ਆਪਣੇ ਇਸ ਸ਼ੌਕ ਨੂੰ ਕਿੱਤੇ ਵਜੋਂ ਅਪਣਾ ਕੇ ਕੰਮ ਕਰ ਰਹੀ ਹੈ,ਜਿਸਦੇ ਲਈ ਪਰਿਵਾਰ ਵਲੋਂ ਉਨ੍ਹਾਂ ਨੂੰ ਪੂਰਾ ਸਹਿਯੋਗ ਮਿਲ ਰਿਹਾ ਹੈ।ਸ੍ਰੀ ਦਰਬਾਰ ਸਾਹਿਬ ਦੀ ਇਸ ਤਸਵੀਰ ਦੇ ਲਈ ਉਸਦੇ ਪਤੀ ਨੇ ਉਸਨੂੰ ਸੁਝਾਅ ਦਿੱਤਾ ਸੀ।
https://www.facebook.com/ptcnewsamritsar/videos/775132096210098/
-PTCNews
