‘ਕੈਰੀ ਆਨ ਜੱਟਾ 2’ ਦੀ ਟੀਮ ਨੇ ਅੱਜ ਅੰਮ੍ਰਿਤਸਰ 'ਚ ਲਗਾਈਆਂ ਰੌਣਕਾਂ
‘ਕੈਰੀ ਆਨ ਜੱਟਾ 2’ ਦੀ ਟੀਮ ਨੇ ਅੱਜ ਅੰਮ੍ਰਿਤਸਰ 'ਚ ਲਗਾਈਆਂ ਰੌਣਕਾਂ:ਕਾਮੇਡੀ ਪੰਜਾਬੀ ਫ਼ਿਲਮ 'ਕੈਰੀ ਆਨ ਜੱਟਾ-2' ਲੈ ਕੇ ਦਰਸ਼ਕਾਂ ਦੀ ਕਚਹਿਰੀ ਵਿਚ 6 ਸਾਲਾਂ ਬਾਅਦ ਹਾਜ਼ਰ ਹੋਏ ਪ੍ਰਸਿਧ ਗਾਇਕ ਤੇ ਅਦਾਕਾਰ ਗਿੱਪੀ ਗਰੇਵਾਲ ਅਤੇ ਅਦਾਕਾਰਾ ਸੋਨਮ ਬਾਜਵਾ ਦੀ ਜੋੜੀ ਨੇ ਅੱਜ ਫ਼ਿਲਮ ਦੀ ਪ੍ਰਮੋਸ਼ਨ ਲਈ ਅੰਮ੍ਰਿਤਸਰ 'ਚ ਦਸਤਕ ਦਿੱਤੀ ਹੈ।
ਇਹ ਫ਼ਿਲਮ 1 ਜੂਨ ਨੂੰ ਸਿਨੇਮਾ ਘਰਾਂ ਦਾ ਸ਼ਿਗਾਰ ਬਣਨ ਜਾ ਰਹੀ ਹੈ।ਇਸ ਫ਼ਿਲਮ ਨੂੰ ਉਘੇ ਕਲਾਕਾਰ ਕੰਗ ਨੇ ਡਾਇਰੈਕਟ ਕੀਤਾ ਹੈ।ਇਸ ਮੌਕੇ ਫ਼ਿਲਮ ਦੀ ਟੀਮ ਨੇ ਅੰਮ੍ਰਿਤਸਰ 'ਚ ਇਸ ਫ਼ਿਲਮ ਬਾਰੇ ਜਾਣਕਾਰੀ ਦਿੱਤੀ ਹੈ।ਇਸ ਮੌਕੇ ਪੱਤਰਕਾਰਾਂ ਦੇ ਰੂ-ਬ-ਰੂ ਹੁੰਦਿਆਂ ਅਦਾਕਾਰ ਸੋਨਮ ਬਾਜਵਾ ਤੇ ਗਿੱਪੀ ਗਰੇਵਾਲ ਨੇ ਕਿਹਾ ਕਿ ਇਹ ਫ਼ਿਲਮ ਇੱਕ ਪਰਿਵਾਰਕ ਤੇ ਕਾਮੇਡੀ ਡਰਾਮਾ ਹੈ।
ਅਦਾਕਾਰ ਗਿੱਪੀ ਗਰੇਵਾਲ ਨੇ ਕਿਹਾ ਹੈ ਕਿ ਇਹ ਫ਼ਿਲਮ ਪਹਿਲੇ ਭਾਗ ਤੋਂ ਜ਼ਿਆਦਾ ਵਧੀਆ ਹੈ ਅਤੇ ਇਸ 'ਚ ਜ਼ਿਆਦਾ ਲੋਕ ਆਨੰਦ ਲੈਣਗੇ।ਇਸ ਫਿਲਮ ਨੂੰ ਲੋਕ ਬਹੁਤ ਹੀ ਪਸੰਦ ਕਰਨਗੇ ਅਤੇ ਪੁਰਾਣੀ ਫਿਲਮ ਦੇ ਡਾਈਲੋਗ ਅੱਜ ਵੀ ਯਾਦ ਹਨ।ਪੁਰਾਣੀ ਫ਼ਿਲਮ ਦੇ ਵਿੱਚ ਜੋ ਵੀ ਕਮੀਆਂ ਸਨ ਉਨ੍ਹਾਂ ਨੂੰ ਦੂਰ ਕੀਤਾ ਗਿਆ ਹੈ।
ਇਸ ਮੌਕੇ ਜਸਵਿੰਦਰ ਭੱਲਾ ਅਤੇ ਸੋਨਮ ਬਾਜਵਾ ਨੇ ਫਿਲਮ ਦੇ ਬਾਰੇ ਜਾਣਕਾਰੀ ਦਿੱਤੀ ਹੈ ਕਿ ਉਹ ਕਿਸ ਤਰ੍ਹਾਂ ਇਸ ਫਿਲਮ ਦੇ ਵਿੱਚ ਇੱਕ ਕਮੇਡੀ ਦੇ ਪਾਤਰ ਦੇ ਤੌਰ 'ਤੇ ਸ਼ਿਰਕਤ ਕਰ ਰਹੇ ਹਨ।
ਇਸ ਫ਼ਿਲਮ ਵਿਚ ਸੋਨਮ ਬਾਜਵਾ,ਮਹੀ ਗਿੱਲ,ਅਦਾਕਾਰ ਦੀ ਥਾਂ 'ਤੇ ਨਵੀਂ ਹੈਰੋਇਨ ਦਾ ਰੋਲ ਕਰਦੀ ਹੋਈ ਦਰਸ਼ਕਾਂ ਦਾ ਖ਼ੂਬ ਮਨੋਰੰਜਨ ਕਰੇਗੀ।ਅਦਾਕਾਰਾ ਉਪਾਸ਼ਨਾ ਸਿੰਘ ਵੀ ਵਿਸ਼ੇਸ਼ ਭੂਮਿਕਾ ਅਦਾ ਕਰੇਗੀ।ਇਸ ਫ਼ਿਲਮ ਵਿਚ ਹੋਰ ਕਲਾਕਾਰ ਬੀਨੂ ਢਿੱਲੋਂ,ਬੀ.ਐਲ.ਸ਼ਰਮਾ,ਗੁਰਪ੍ਰੀਤ ਸਿੰਘ ਘੁੱਗੀ ਤੇ ਕਰਮਜੀਤ ਅਨਮੋਲ ਵੀ ਖ਼ਾਸ ਕਿਰਦਾਰ ਨਿਭਾਉਣਗੇ।
-PTCNews
