ਮੁੱਖ ਖਬਰਾਂ

Corona Update: ਕੋਰੋਨਾ ਕੇਸਾਂ 'ਚ ਹੋਇਆ ਵਾਧਾ, 24 ਘੰਟਿਆਂ 'ਚ 13 ਹਜ਼ਾਰ ਨਵੇਂ ਕੇਸ ਸਾਹਮਣੇ ਆਏ

By Riya Bawa -- December 30, 2021 12:55 pm -- Updated:December 30, 2021 5:24 pm

Corona Update: ਓਮਿਕਰੋਨ ਦੇ ਡਰ ਦੇ ਵਿਚਕਾਰ, ਦੇਸ਼ 'ਚ ਕੋਰੋਨਾ ਦੇ ਮਾਮਲਿਆਂ ਦੀ ਗਿਣਤੀ ਵਿੱਚ ਇੱਕ ਵਾਰ ਫਿਰ ਤੇਜ਼ੀ ਦਿਖਾਈ ਦੇ ਰਹੀ ਹੈ। ਕੋਰੋਨਾ ਵਾਇਰਸ ਦੇ ਮਾਮਲੇ ਜਿਸ ਤੇਜ਼ੀ ਨਾਲ ਵਧ ਰਹੇ ਹਨ, ਉਸ ਨਾਲ ਲੋਕਾਂ ਵਿੱਚ ਡਰ ਵੀ ਵਧਦਾ ਜਾ ਰਿਹਾ ਹੈ। ਇੱਕ ਹੀ ਦਿਨ 'ਚ ਕੋਰੋਨਾ ਦੇ ਮਾਮਲਿਆਂ 'ਚ 65 ਫੀਸਦੀ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਪਿਛਲੇ ਦਿਨੀਂ ਦੇਸ਼ ਭਰ 'ਚ ਕੋਰੋਨਾ ਦੇ 9195 ਮਾਮਲੇ ਸਾਹਮਣੇ ਆਏ।

Omicron cases in India: List of states that have reported new Covid-19 variant

ਦੇਸ਼ 'ਚ ਪਿਛਲੇ 24 ਘੰਟਿਆਂ ਵਿੱਚ 13,154 ਨਵੇਂ ਕਰੋਨਾ ਕੇਸ ਆਏ ਤੇ 268 ਕੋਰੋਨਾ ਕਾਰਨ ਲੋਕਾਂ ਨੇ ਆਪਣੀ ਜਾਨ ਗਵਾਈ ਹੈ। ਇਸ ਦੇ ਨਾਲ ਹੀ Omicron ਦੇਸ਼ ਦੇ 22 ਸੂਬਿਆਂ ਵਿੱਚ ਪਹੁੰਚ ਗਿਆ ਹੈ। ਦਿੱਲੀ ਵਿੱਚ 263 ਤੇ ਮਹਾਰਾਸ਼ਟਰ ਵਿੱਚ 252 ਕੇਸਾਂ ਨਾਲ ਦੇਸ਼ 'ਚ Omicron ਦੇ ਕੇਸਾਂ ਦੀ ਗਿਣਤੀ ਵੱਧ ਕੇ 961 ਹੋ ਗਈ ਹੈ।

ਕੋਰੋਨਾ ਦੀ ਸ਼ੁਰੂਆਤ ਤੋਂ ਹੁਣ ਤੱਕ ਕੁੱਲ 3 ਕਰੋੜ 48 ਲੱਖ 22 ਹਜ਼ਾਰ ਲੋਕ ਪ੍ਰਭਾਵਿਤ ਹੋਏ ਹਨ। ਇਨ੍ਹਾਂ ਚੋਂ 4 ਲੱਖ 80 ਹਜ਼ਾਰ 860 ਲੋਕਾਂ ਦੀ ਕੋਰੋਨਾ ਕਾਰਨ ਮੌਤ ਹੋ ਚੁੱਕੀ ਹੈ ਪਰ ਇਸਦੇ ਨਾਲ ਹੀ ਹੁਣ ਤੱਕ 3 ਕਰੋੜ 42 ਲੱਖ 58 ਹਜ਼ਾਰ ਲੋਕ ਠੀਕ ਵੀ ਹੋਏ ਹਨ। 5400 ਕੋਰੋਨਾ ਐਕਟਿਵ ਕੇਸ ਹੁਣ ਵੱਧ ਕੇ 82,402 ਹੋ ਗਏ ਹਨ।

Total Number Of Omicron Cases In Delhi Rises To 165: Govt Data

ਕੇਂਦਰੀ ਸਿਹਤ ਮੰਤਰਾਲੇ ਦਾ ਕਹਿਣਾ ਕਿ 29 ਦਸੰਬਰ, 2021 ਤੱਕ ਦੇਸ਼ ਭਰ 'ਚ ਕੋਰੋਨਾ ਵੈਕਸੀਨ ਦੀਆਂ 143 ਕਰੋੜ 83 ਲੱਖ 22 ਹਜ਼ਾਰ ਖੁਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ। ਆਖਰੀ ਦਿਨ 63.51 ਲੱਖ ਟੀਕੇ ਲਗਾਏ ਗਏ। ਇੰਡੀਅਨ ਕੌਂਸਲ ਆਫ ਮੈਡੀਕਲ ਰਿਸਰਚ ਦਾ ਕਹਿਣਾ ਹੈ ਕਿ ਹੁਣ ਤੱਕ ਲਗਪਗ 67.63 ਕਰੋੜ ਕੋਰੋਨਾ ਟੈਸਟ ਹੋ ਚੁੱਕੇ ਹਨ। ਪਿਛਲੇ ਦਿਨ 11 ਲੱਖ ਕੋਰੋਨਾ ਸੈਂਪਲ ਟੈਸਟ ਕੀਤੇ ਗਏ, ਜਿਨ੍ਹਾਂ ਦੀ positive ਹੋਣ ਦੀ ਦਰ 1 ਪ੍ਰਤੀਸ਼ਤ ਤੋਂ ਵੀ ਘੱਟ ਹੈ।

Coronavirus update: India reports 6,531 new Covid-19 cases, Omicron tally at 578

ਦੇਸ਼ 'ਚ ਕੋਰੋਨਾ ਨਾਲ ਹੋਣ ਵਾਲੀ ਮੌਤ ਦਰ 1.38 ਫੀਸਦੀ ਹੋ ਚੁੱਕੀ ਹੈ ਜਦਕਿ ਰਿਕਵਰੀ ਰੇਟ 98.38 ਫੀਸਦੀ ਹੈ। ਐਕਟਿਵ ਕੇਸ ਦੀ ਦਰ 0.24 ਫੀਸਦੀ ਹਨ। ਭਾਰਤ 'ਚ ਹੁਣ ਕੋਰੋਨਾ ਐਕਟਿਵ ਕੇਸਾਂ ਦੇ ਮਾਮਲੇ ਵਿੱਚ ਦੁਨੀਆ ਵਿੱਚ 35ਵੇਂ ਸਥਾਨ 'ਤੇ ਹੈ। ਸੰਕਰਮਿਤ ਦੀ ਕੁੱਲ ਸੰਖਿਆ ਦੇ ਮਾਮਲੇ ਵਿੱਚ ਭਾਰਤ ਦੂਜੇ ਨੰਬਰ 'ਤੇ ਹੈ। ਜਦੋਂ ਕਿ ਅਮਰੀਕਾ ਤੋਂ ਬਾਅਦ ਭਾਰਤ ਵਿੱਚ ਸਭ ਤੋਂ ਵੱਧ ਮੌਤਾਂ ਬ੍ਰਾਜ਼ੀਲ ਵਿੱਚ ਹੋਈਆਂ ਹਨ।

-PTC News

  • Share