ਮਹਿਲਾ ਡਾਕਟਰ ਦੇ ਬੈਡਰੂਮ ਤੋਂ ਲੈ ਕੇ ਬਾਥਰੂਮ ਤੱਕ ਲੱਗੇ ਸੀ ਖ਼ੁਫ਼ੀਆ ਕੈਮਰੇ , ਦੋਸ਼ੀ ਡਾਕਟਰ ਗ੍ਰਿਫਤਾਰ
ਪੁਣੇ : ਮਹਾਰਾਸ਼ਟਰ ਦੇ ਪੁਣੇ ਵਿਚ ਇਕ ਮਹਿਲਾ ਡਾਕਟਰ ਦੇ ਬਾਥਰੂਮ ਤੋਂ ਬੈੱਡਰੂਮ ਤੱਕ ਲੁਕਵੇਂ ਕੈਮਰੇ ਲਗਾਏ ਗਏ ਸਨ। ਮਹਿਲਾ ਡਾਕਟਰ ਨੂੰ ਇਸ ਗੱਲ ਦਾ ਪਤਾ ਵੀ ਨਹੀਂ ਸੀ। ਜਦੋਂ ਉਹ ਆਪਣੇ ਘਰ ਪਹੁੰਚੀ ਤਾਂ ਉਸ ਤੋਂ ਬੱਤੀ ਨਹੀਂ ਚਲੀ। ਜਦੋਂ ਮਹਿਲਾ ਡਾਕਟਰ ਨੇ ਲਾਈਟ ਠੀਕ ਕਰਨ ਲਈ ਇਕ ਇਲੈਕਟ੍ਰੀਸ਼ੀਅਨ ਨੂੰ ਬੁਲਾਇਆ ਤਾਂ ਇਹ ਰਾਜ਼ ਸਾਹਮਣੇ ਆਇਆ। ਉਸੇ ਸਮੇਂ ਇਸ ਕੇਸ ਦੀ ਜਾਂਚ ਵਿਚ ਲੱਗੀ ਪੁਲਿਸ ਨੂੰ ਪਤਾ ਲਗਾ ਕਿ ਇਹ ਕੰਮ ਕਿਸਨੇ ਕੀਤਾ ਹੈ। ਲੇਡੀ ਡਾਕਟਰ ਦੇ ਘਰ ਖੁਫੀਆ ਕੈਮਰੇ ਲਗਾਉਣ ਲਈ ਪੁਲਿਸ ਨੇ ਇੱਕ ਡਾਕਟਰ ਨੂੰ ਗ੍ਰਿਫਤਾਰ ਕੀਤਾ ਹੈ। [caption id="attachment_515125" align="aligncenter" width="275"] ਮਹਿਲਾ ਡਾਕਟਰ ਦੇ ਬੈਡਰੂਮ ਤੋਂ ਲੈ ਕੇ ਬਾਥਰੂਮ ਤੱਕ ਲੱਗੇ ਸੀ ਖ਼ੁਫ਼ੀਆ ਕੈਮਰੇ , ਦੋਸ਼ੀ ਡਾਕਟਰ ਗ੍ਰਿਫਤਾਰ[/caption] ਪੜ੍ਹੋ ਹੋਰ ਖ਼ਬਰਾਂ : ਪੰਜਾਬੀ ਪ੍ਰਸਿੱਧ ਸੂਫ਼ੀ ਗਾਇਕ ਮਨਮੀਤ ਸਿੰਘ ਦੀ ਕਰੇਰੀ ਝੀਲ ਨੇੜਿਓਂ ਇਕ ਖੱਡ 'ਚੋਂ ਮਿਲੀ ਲਾਸ਼ ਭਾਰਤੀ ਵਿਦਿਆਪੀਠ ਹਸਪਤਾਲ ਵਿੱਚ ਕੰਮ ਕਰਨ ਵਾਲੀ ਮਹਿਲਾ ਡਾਕਟਰ ਪੁਣੇ ਦੇ ਕਟਰਾਜ ਖੇਤਰ ਵਿੱਚ ਹਸਪਤਾਲ ਦੇ ਅਹਾਤੇ ਵਿੱਚ ਅਲਾਟ ਹੋਏ ਮਕਾਨ ਵਿੱਚ ਰਹਿੰਦੀ ਹੈ। 6 ਜੁਲਾਈ ਨੂੰ ਇਕ ਅਣਪਛਾਤਾ ਵਿਅਕਤੀ ਨਕਲੀ ਚਾਬੀ ਦੀ ਮਦਦ ਨਾਲ ਤਾਲਾ ਖੋਲ੍ਹ ਕੇ ਮਹਿਲਾ ਡਾਕਟਰ ਦੇ ਘਰ ਦਾਖਲ ਹੋਇਆ ਅਤੇ ਬਾਥਰੂਮ ਅਤੇ ਬੈਡਰੂਮ ਵਿਚ ਕੈਮਰੇ ਲਗਾ ਦਿੱਤੇ। ਜਦੋਂ ਡਾਕਟਰ ਕੰਮ ਤੋਂ ਘਰ ਪਰਤੀ ਤਾਂ ਉਸਨੇ ਲਾਇਟ ਚਲਾਈ ਤਾਂ ਨਹੀਂ ਚੱਲੀ। ਇਸ ਤੋਂ ਬਾਅਦ ਇਲੈਕਟ੍ਰੀਸ਼ੀਅਨ ਨੂੰ ਬੁਲਾਇਆ ਗਿਆ। ਜਦੋਂ ਇਲੈਕਟ੍ਰੀਸ਼ੀਅਨ ਨੇ ਘਰ ਦੀਆਂ ਤਾਰਾਂ ਦੀ ਜਾਂਚ ਕੀਤੀ ਤਾਂ ਲੁਕੇ ਕੈਮਰੇ ਸਾਹਮਣੇ ਆ ਗਏ। [caption id="attachment_515126" align="aligncenter" width="259"] ਮਹਿਲਾ ਡਾਕਟਰ ਦੇ ਬੈਡਰੂਮ ਤੋਂ ਲੈ ਕੇ ਬਾਥਰੂਮ ਤੱਕ ਲੱਗੇ ਸੀ ਖ਼ੁਫ਼ੀਆ ਕੈਮਰੇ , ਦੋਸ਼ੀ ਡਾਕਟਰ ਗ੍ਰਿਫਤਾਰ[/caption] ਇਸ ਤੋਂ ਬਾਅਦ ਭਾਰਤੀ ਵਿਦਿਆਪੀਠ ਥਾਣੇ ਵਿਚ ਇਕ ਰਿਪੋਰਟ ਦਰਜ ਕਰਵਾਈ ਗਈ। ਪੁਲਿਸ ਨੇ ਆ ਕੇ ਘਰ ਦਾ ਮੁਆਇਨਾ ਕੀਤਾ ਅਤੇ ਲੁਕੇ ਹੋਏ ਕੈਮਰੇ ਆਪਣੇ ਕਬਜ਼ੇ ਵਿੱਚ ਲੈ ਲਏ। ਦਿਲਚਸਪ ਗੱਲ ਇਹ ਹੈ ਕਿ ਦੋਸ਼ੀ ਡਾਕਟਰ ਦੀ ਤਸਵੀਰ ਖੁਦ ਗ਼ਲਤ ਇਰਾਦੇ ਨਾਲ ਲਗਾਏ ਗਏ ਇਨ੍ਹਾਂ ਕੈਮਰਿਆਂ ਵਿਚ ਫੜੀ ਗਈ ਸੀ। ਸ਼ੱਕ ਦੀ ਸੂਈ ਐਮ ਡੀ ਡਾ: ਸੁਜੀਤ ਜਗਤਾਪ ਸੀ। ਇਸ 42 ਸਾਲਾ ਡਾਕਟਰ ਨੂੰ ਪੁੱਛਗਿੱਛ ਲਈ ਥਾਣੇ ਬੁਲਾਇਆ ਗਿਆ ਸੀ। ਪਹਿਲਾਂ ਇਸ ਡਾਕਟਰ ਨੇ ਕੈਮਰਿਆਂ ਬਾਰੇ ਕੁਝ ਵੀ ਪਤਾ ਹੋਣ ਤੋਂ ਇਨਕਾਰ ਕਰ ਦਿੱਤਾ। ਜਦੋਂ ਪੁਲਿਸ ਨੇ ਹਕੀਕਤ ਦਿਖਾਈ ਤਾਂ ਡਾਕਟਰ ਜਗਤਾਪ ਨੇ ਆਪਣੇ ਗੁਨਾਹ ਦਾ ਇਕਰਾਰ ਕੀਤਾ ਅਤੇ ਮਹਿਲਾ ਡਾਕਟਰ ਦੇ ਬਾਥਰੂਮ ਅਤੇ ਬੈਡਰੂਮ ਵਿਚ ਕੈਮਰੇ ਲਗਾਉਣ ਦੀ ਗੱਲ ਸਵੀਕਾਰ ਕਰ ਲਈ। [caption id="attachment_515124" align="aligncenter" width="300"] ਮਹਿਲਾ ਡਾਕਟਰ ਦੇ ਬੈਡਰੂਮ ਤੋਂ ਲੈ ਕੇ ਬਾਥਰੂਮ ਤੱਕ ਲੱਗੇ ਸੀ ਖ਼ੁਫ਼ੀਆ ਕੈਮਰੇ , ਦੋਸ਼ੀ ਡਾਕਟਰ ਗ੍ਰਿਫਤਾਰ[/caption] ਪੜ੍ਹੋ ਹੋਰ ਖ਼ਬਰਾਂ : ਜੇਕਰ ਤੁਹਾਡੇ ਕੋਲ ਵੀ ਹੈ ਇਸ ਨੰਬਰ ਵਾਲਾ ਕੋਈ ਵੀ ਨੋਟ ਤਾਂ ਤੁਸੀਂ ਰਾਤੋ-ਰਾਤ ਬਣ ਸਕਦੇ ਹੋ ਲੱਖਪਤੀ ਡਾ: ਜਗਤਾਪ ਪੁਣੇ ਵਿਚ ਆਪਣੀ ਨਿਜੀ ਪ੍ਰੈਕਟਿਸ ਤੋਂ ਇਲਾਵਾ ਇਕ ਸਲਾਹਕਾਰ ਲੈਕਚਰਾਰ ਵਜੋਂ ਭਾਰਤੀ ਵਿਦਿਆਪੀਠ ਵਿਚ ਜਾਂਦੇ ਸਨ। ਉਸ ਦਾ 2 ਹੋਰ ਥਾਵਾਂ 'ਤੇ ਵੀ ਇਕ ਸਮਾਨ ਇਕਰਾਰਨਾਮਾ ਹੈ। ਡਾ: ਜਗਤਾਪ ਦੀ ਗ੍ਰਿਫਤਾਰੀ ਤੋਂ ਬਾਅਦ ਉਸਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਉਥੋਂ ਉਸਨੂੰ ਦੋ ਦਿਨਾਂ ਲਈ ਪੁਲਿਸ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਇੰਸਪੈਕਟਰ ਸੰਗੀਤਾ ਯਾਦਵ ਨੇ ਦੱਸਿਆ ਕਿ ਆਈਪੀਸੀ ਦੀ ਧਾਰਾ 443 ਅਤੇ ਆਈਟੀ ਐਕਟ 2000 ਦੀ ਧਾਰਾ 66 (ਈ) ਦੇ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਪੁਲਿਸ ਸਾਰੇ ਪਹਿਲੂਆਂ ਦੀ ਜਾਂਚ ਕਰ ਰਹੀ ਹੈ। -PTCNews