ਜੰਮੂ-ਤਵੀ ਟਰੇਨ ਦੇ ਇੰਜਣ 'ਤੇ ਡਿੱਗਿਆ ਦਰੱਖਤ, ਟਲਿਆ ਵੱਡਾ ਹਾਦਸਾ
ਜੰਮੂ-ਤਵੀ ਟਰੇਨ ਦੇ ਇੰਜਣ 'ਤੇ ਡਿੱਗਿਆ ਦਰੱਖਤ, ਟਲਿਆ ਵੱਡਾ ਹਾਦਸਾ,ਬਠਿੰਡਾ: ਬਠਿੰਡਾ-ਫਿਰੋਜ਼ਪੁਰ ਰੇਲਵੇ ਟਰੈਕ ਮੰਡੀ ਗੋਨਿਆਣਾ ਕੋਲ ਵੱਡਾ ਹਾਦਸਾ ਹੋਣ ਤੋਂ ਤਲ ਗਿਆ ਹੈ। ਦਰਅਸਲ, ਬੀਤੀ ਰਾਤ ਜੰਮੂ ਤਵੀ ਐਕਸਪ੍ਰੈਸ ਇਸ ਟਰੈਕ ਤੋਂ ਗੁਜਰ ਰਹੀ ਸੀ ਤਾਂ ਗੋਨਿਆਣਾ ਅਤੇ ਅਕਾਲੀਆ ਪਿੰਡ ਦੇ ਵਿਚਕਾਰ ਅਚਾਨਕ ਦਰਖਤ ਟੁੱਟ ਕੇ ਟਰੇਨ ਦੇ ਇੰਜਣ ਨਾਲ ਟਕਰਾਅ ਗਿਆ।
ਜਿਸ ਕਾਰਨ ਇੰਜਣ ਦੇ ਅੱਗੇ ਹੇਠਲੇ ਪਾਸੇ ਲੱਗਿਆ ਬੰਪਰ ਟੁੱਟ ਕੇ ਇੰਜਣ ਦੇ ਹੇਠਾਂ ਫਸ ਗਿਆ ਜਿਸ ਨਾਲ ਇੰਜਣ ਦਾ ਕਾਫੀ ਨੁਕਸਾਨ ਹੋਇਆ ਅਤੇ ਟਰੇਨ ਅੱਗੇ ਨਹੀਂ ਵੱਧ ਸਕੀ।
ਹੋਰ ਪੜ੍ਹੋ: ਰੇਲਵੇ ਦੇ 2 ਮੁਲਾਜ਼ਮਾਂ ਨੇ ਨਾਬਾਲਿਗ ਲੜਕੀ ਨੂੰ ਬਣਾਇਆ ਹਵਸ ਦਾ ਸ਼ਿਕਾਰ, ਚੜ੍ਹੇ ਪੁਲਿਸ ਅੜਿੱਕੇ
ਫਿਲਹਾਲ ਇਸ ਹਾਦਸੇ 'ਚ ਕਿਸੇ ਵੀ ਤਰ੍ਹਾਂ ਦਾ ਜਾਨੀ ਨੁਕਸਾਨ ਹੋਣੋਂ ਬਚ ਗਿਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਬਠਿੰਡਾ ਫਿਰੋਜ਼ਪੁਰ ਰੇਲਵੇ ਲਾਈਨ ਸਿੰਗਲ ਲਾਈਨ ਹੋਣ ਕਾਰਨ ਬਠਿੰਡਾ ਫਿਰੋਜਪੁਰ ਲਾਈਨ ਜਾਮ ਹੋ ਗਈ ਜਿਸ ਨਾਲ ਫਿਰੋਜਪੁਰ ਮੁੰਬਈ ਜਾਣ ਵਾਲੀ ਪੰਜਾਬ ਮੇਲ ਸੇਵਾ ਵੀ ਪ੍ਰਭਾਵਿਤ ਹੋਈ ਹੈ।
-PTC News
