ਭਾਰਤ 'ਚ ਕੋਵਿਡ-19 ਦੇ 2,539 ਨਵੇਂ ਮਾਮਲੇ ਦਰਜ, ਸਕਾਰਾਤਮਕਤਾ ਦਰ ਘਟ ਕੇ 0.35 ਫੀਸਦੀ 'ਤੇ ਆਈ
ਨਵੀਂ ਦਿੱਲੀ, 17 ਮਾਰਚ: ਪਿਛਲੇ 24 ਘੰਟਿਆਂ ਵਿੱਚ ਕੋਵਿਡ -19 ਦੇ 2,539 ਨਵੇਂ ਕੇਸਾਂ ਦੇ ਨਾਲ, ਭਾਰਤ ਵਿੱਚ ਕੁੱਲ ਸਰਗਰਮ ਕੇਸਾਂ ਦੀ ਗਿਣਤੀ ਘਟ ਕੇ 30,799 ਹੋ ਗਈ ਹੈ ਜੋ ਦੇਸ਼ ਦੇ ਕੁੱਲ ਸਕਾਰਾਤਮਕ ਮਾਮਲਿਆਂ ਦਾ 0.07 ਪ੍ਰਤੀਸ਼ਤ ਬਣਦਾ ਹੈ। ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਵੀਰਵਾਰ ਨੂੰ ਇਸ ਸਬੰਧ 'ਚ ਜਾਣਕਾਰੀ ਸਾਂਝੀ ਕੀਤੀ ਹੈ।
ਇਹ ਵੀ ਪੜ੍ਹੋ: ਮਹਿਲਾ ਆਪਣੇ ਪਾਰਟਨਰ ਨੂੰ ਕਦੇ ਵੀ ਨਹੀਂ ਦੱਸਦੀ ਰਾਜ, ਜਾਣੋ 5 ਗੱਲਾਂ
ਦੇਸ਼ ਵਿੱਚ ਕੋਵਿਡ-19 ਦੇ ਕੁੱਲ ਕੇਸ 4,30,01,477 ਹਨ। ਸਿਹਤ ਮੰਤਰਾਲੇ ਦੇ ਮੁਤਾਬਕ ਰੋਜ਼ਾਨਾ ਸਕਾਰਾਤਮਕਤਾ ਦਰ 0.35 ਪ੍ਰਤੀਸ਼ਤ ਤੱਕ ਡਿੱਗ ਗਈ ਹੈ, ਜਦੋਂ ਕਿ ਹਫ਼ਤਾਵਾਰ ਸਕਾਰਾਤਮਕਤਾ ਦਰ 0.42 ਪ੍ਰਤੀਸ਼ਤ ਹੈ।
ਪਿਛਲੇ 24 ਘੰਟਿਆਂ ਵਿੱਚ 4,491 ਰਿਕਵਰੀ ਦੇ ਨਾਲ ਦੇਸ਼ ਵਿੱਚ ਸੰਚਤ ਰਿਕਵਰੀ 4,24,54,546 ਹੋ ਗਈ ਹੈ। ਜਦੋਂ ਕਿ ਕੋਵਿਡ ਨਾਲ ਸਬੰਧਤ 60 ਤਾਜ਼ਾ ਮੌਤਾਂ ਨਾਲ ਮੌਤਾਂ ਦੀ ਗਿਣਤੀ 5,16,132 ਹੋ ਗਈ ਹੈ।
ਭਾਰਤ ਵਿੱਚ ਰਿਕਵਰੀ ਦਰ ਵਧ ਕੇ 98.72 ਪ੍ਰਤੀਸ਼ਤ ਹੋ ਗਈ ਹੈ ਅਤੇ ਕੇਸਾਂ ਦੀ ਮੌਤ ਦਰ 1.20 ਪ੍ਰਤੀਸ਼ਤ ਦਰਜ ਕੀਤੀ ਗਈ ਹੈ।
ਇਸ ਵਿਚ ਕਿਹਾ ਗਿਆ "ਭਾਰਤ ਨੇ ਹੁਣ ਤੱਕ 78.12 ਕਰੋੜ ਕੋਵਿਡ -19 ਟੈਸਟ ਕੀਤੇ ਹਨ, ਜਿਸ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਕੀਤੇ ਗਏ 7,17,330 ਟੈਸਟ ਸ਼ਾਮਲ ਹਨ।"
ਅੱਜ ਸਵੇਰੇ 7 ਵਜੇ ਤੱਕ ਆਰਜ਼ੀ ਰਿਪੋਰਟਾਂ ਅਨੁਸਾਰ ਰਾਸ਼ਟਰਵਿਆਪੀ ਟੀਕਾਕਰਨ ਡਰਾਈਵ ਦੇ ਤਹਿਤ ਦੇਸ਼ ਦੀ ਕੋਵਿਡ-19 ਟੀਕਾਕਰਨ ਕਵਰੇਜ 180.80 ਕਰੋੜ (1,80,80,24,147) ਨੂੰ ਪਾਰ ਕਰ ਗਈ ਹੈ।
ਇਹ ਵੀ ਪੜ੍ਹੋ: ਲੰਬੇ ਸਮੇਂ ਤੱਕ ਜਿਉਣ ਲਈ ਡਾਇਬੀਟੀਜ਼ ਦੇ ਮਰੀਜ਼ ਚੁੱਕਣ ਇਹ ਕਦਮ - ਅਧਿਐਨ
12-14 ਸਾਲ ਦੀ ਉਮਰ ਸਮੂਹ ਲਈ COVID-19 ਟੀਕਾਕਰਨ ਬੁੱਧਵਾਰ ਨੂੰ ਸ਼ੁਰੂ ਕੀਤਾ ਗਿਆ ਸੀ ਅਤੇ ਪਿਛਲੇ 24 ਘੰਟਿਆਂ ਵਿੱਚ 3 ਲੱਖ ਤੋਂ ਵੱਧ (3,00,405) ਕਿਸ਼ੋਰਾਂ ਨੂੰ COVID-19 ਟੀਕੇ ਦੀ ਪਹਿਲੀ ਖੁਰਾਕ ਦਿੱਤੀ ਗਈ ਹੈ।
- ਏ.ਐਨ.ਆਈ ਦੇ ਸਹਿਯੋਗ ਨਾਲ
-PTC News
