ਜੰਮੂ-ਕਸ਼ਮੀਰ 'ਚ ਸ਼ਹੀਦ ਹੋਏ ਬਠਿੰਡਾ ਦੇ ਹੈਪੀ ਸਿੰਘ ਨੂੰ ਦਿੱਤੀ ਅੰਤਿਮ ਵਿਦਾਇਗੀ
ਜੰਮੂ-ਕਸ਼ਮੀਰ 'ਚ ਸ਼ਹੀਦ ਹੋਏ ਬਠਿੰਡਾ ਦੇ ਹੈਪੀ ਸਿੰਘ ਨੂੰ ਦਿੱਤੀ ਅੰਤਿਮ ਵਿਦਾਇਗੀ:ਬਠਿੰਡਾ :ਜੰਮੂ ਕਸ਼ਮੀਰ ਦੇ ਅਨੰਤਨਾਗ ਵਿੱਚ ਸ਼ਹੀਦ ਹੋਏ ਫ਼ੌਜੀ ਹੈਪੀ ਸਿੰਘ ਨੂੰ ਅੱਜ ਉਸ ਦੇ ਪਿੰਡ ਰਾਮਨਗਰ, ਬਠਿੰਡਾ-ਮਾਨਸਾ ਰੋਡ ਵਿਖੇ ਸਰਕਾਰੀ ਸਨਮਾਨਾਂ ਨਾਲ ਨਿੱਘੀ ਸ਼ਰਧਾਂਜਲੀ ਦਿੱਤੀ ਗਈ ਹੈ।ਇਹ ਸਿਪਾਹੀ ਯੂਨਿਟ-19 ਆਰ.ਆਰ. ਦਾ ਸੀ ਅਤੇ ਇਸ ਸਮੇਂ 14 ਸਿੱਖ ਐਲ.ਆਈ. ਨਾਲ ਤਾਇਨਾਤ ਸੀ।ਜਾਣਕਾਰੀ ਅਨੁਸਾਰ ਫੌਜੀ ਹੈਪੀ ਸਿੰਘ ਬਠਿੰਡਾ ਦੀ ਸਬ ਡਵੀਜ਼ਨ ਮੌੜ ਮੰਡੀ ਦੇ ਪਿੰਡ ਰਾਮਨਗਰ ਦਾ ਰਹਿਣ ਵਾਲਾ ਸੀ।ਫ਼ੌਜੀ ਹੈਪੀ ਸਿੰਘ ਵੀਰਵਾਰ ਨੂੰ ਅਨੰਤਨਾਗ ਵਿੱਚ ਅੱਤਵਾਦੀਆਂ ਦੇ ਨਾਲ ਹੋਏ ਮੁਕਾਬਲੇ ਦੌਰਾਨ ਸ਼ਹੀਦ ਹੋ ਗਿਆ ਸੀ।ਜਦੋਂ ਹੈਪੀ ਦੇ ਸ਼ਹੀਦ ਹੋਣ ਬਾਰੇ ਉਸਦੇ ਪਰਿਵਾਰ ਨੂੰ ਪਤਾ ਲੱਗਿਆ ਤਾਂ ਉਸਦੇ ਪਰਿਵਾਰ ਅਤੇ ਪਿੰਡ ਵਾਲਿਆਂ ਦੀਆਂ ਅੱਖਾਂ ਨਮ ਹੋ ਗਈਆਂ।ਜਵਾਨ ਹੈਪੀ ਸਿੰਘ ਦੇ ਪਰਿਵਾਰ ਨੇ ਦੱਸਿਆ ਹੈ ਕਿ ਹੈਪੀ 11 ਸਤੰਬਰ ਨੂੰ ਛੁੱਟੀ ਕੱਟ ਕੇ ਵਾਪਸ ਡਿਊਟੀ 'ਤੇ ਗਿਆ ਸੀ।ਜਿਸ ਤੋਂ ਕੁਝ ਦਿਨ ਇਹ ਘਟਨਾ ਵਾਪਰੀ ਹੈ।ਦੱਸ ਦੇਈਏ ਕਿ ਸ਼ਹੀਦ ਹੈਪੀ ਦੇ ਪਿੱਛੇ ਉਸਦੇ ਪਿਤਾ ਅਤੇ 2 ਭਾਈ ਹਨ।ਉਸਦੀ ਮਾਤਾ ਦੀ ਕਰੀਬ 4 ਸਾਲ ਪਹਿਲਾਂ ਮੌਤ ਹੋ ਗਈ ਸੀ।ਸ਼ਹੀਦ ਫੌਜੀ ਹੈਪੀ ਸਿੰਘ ਦੀ ਅੰਤਿਮ ਵਿਦਾਈ ਸਮੇਂ ਐਸ.ਡੀ.ਐਮ. ਬਠਿੰਡਾ ਬਲਵਿੰਦਰ ਸਿੰਘ, ਵਿਧਾਇਕ ਮੌੜ ਜਗਦੇਵ ਸਿੰਘ ਕਮਾਲੂ,ਡਿਪਟੀ ਡਾਇਰੈਕਟਰ ਸੈਨਿਕ ਭਲਾਈ, ਨਾਇਬ ਤਹਿਸੀਲਦਾਰ ਮੌੜ ਕਮਲਦੀਪ ਸਿੰਘ, ਡੀ.ਐਸ.ਪੀ. ਮੌੜ ਗੋਪਾਲ ਦਾਸ ਅਤੇ ਹੋਰ ਲੋਕ ਵੀ ਹਾਜ਼ਰ ਸਨ। -PTCNews