ਲਖਵਿੰਦਰ ਵਡਾਲੀ ਦੀਆਂ ਹਸਪਤਾਲ 'ਚ ਇਲਾਜ਼ ਵਾਲੀਆਂ ਤਸਵੀਰਾਂ ਵਾਇਰਲ ,ਜਾਣੋਂ ਅਸਲੀ ਸੱਚ
ਲਖਵਿੰਦਰ ਵਡਾਲੀ ਦੀਆਂ ਹਸਪਤਾਲ 'ਚ ਇਲਾਜ਼ ਵਾਲੀਆਂ ਤਸਵੀਰਾਂ ਵਾਇਰਲ ,ਜਾਣੋਂ ਅਸਲੀ ਸੱਚ:ਪੰਜਾਬੀ ਇੰਡਸਟਰੀ 'ਚ ਸੂਫ਼ੀ ਗਾਇਕ ਵਜੋਂ ਜਾਣੇ ਜਾਂਦੇ ਲਖਵਿੰਦਰ ਵਡਾਲੀ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਅੱਗ ਵਾਂਗ ਫੇਲ ਰਹੀਆਂ ਹਨ।ਜਿਨ੍ਹਾਂ 'ਚ ਲਖਵਿੰਦਰ ਵਡਾਲੀ ਹਸਪਤਾਲ 'ਚ ਭਰਤੀ ਨਜ਼ਰ ਆ ਰਹੇ ਹਨ।
ਪੰਜਾਬੀ ਇੰਡਸਟਰੀ ਵਿੱਚ ਆਪਣੀ ਇੱਕ ਖਾਸ ਥਾਂ ਬਨਾਉਣ ਵਾਲੇ ਲਖਵਿੰਦਰ ਵਡਾਲੀ ਅੱਜ -ਕੱਲ੍ਹ ਆਪਣੀਆਂ ਕੁੱਝ ਵਾਇਰਲ ਤਸਵੀਰਾਂ ਕਾਰਨ ਸੁਰਖ਼ੀਆਂ ਵਿੱਚ ਹਨ।ਵਡਾਲੀ ਦੀਆਂ ਇਹ ਤਸਵੀਰਾਂ ਦੇਖ ਕੇ ਇੰਝ ਜਾਪਦਾ ਹੈ ਜਿਵੇਂ ਉਹ ਵੱਡੀ ਬਿਮਾਰੀ ਨਾਲ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੇ ਹੋਣ।
ਇਹ ਤਸਵੀਰਾਂ ਦੇਖ ਕੇ ਲਖਵਿੰਦਰ ਨੂੰ ਚਾਹੁਣ ਵਾਲਿਆਂ ਨੇ ਤਾਂ ਉਨ੍ਹਾਂ ਦੀ ਸਲਾਮਤੀ ਲਈ ਦੁਆਵਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਤਾਂ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਲਖਵਿੰਦਰ ਵਡਾਲੀ ਪੂਰੀ ਤਰ੍ਹਾਂ ਸਲਾਮਤ ਹਨ ਤੇ ਉਨ੍ਹਾਂ ਨੂੰ ਅਜਿਹਾ ਕੁਝ ਨਹੀਂ ਜਿਸ ਨਾਲ ਕਿਸੇ ਨੂੰ ਵੀ ਘਬਰਾਉਣ ਦੀ ਲੋੜ ਹੋਵੇ।
ਦਰਅਸਲ ਲਖਵਿੰਦਰ ਵਡਾਲੀ ਆਪਣਾ ਰੈਗੂਲਰ ਚੈਕਅੱਪ ਕਰਵਾੳੇੁਣ ਲਈ ਹਸਪਤਾਲ ਗਏ ਸੀ।ਉੱਥੇ ਕਿਸੇ ਨੇ ਉਹਨਾਂ ਦੀਆਂ ਇਹ ਤਸਵੀਰਾਂ ਖਿੱਚ ਦਿੱਤੀਆਂ।ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਇਹ ਅਫਵਾਹ ਫੈਲ ਗਈ।
ਤੁਹਾਨੂੰ ਦੱਸ ਦੇਈਏ ਕਿ ਉਹਨਾਂ ਦੇ ਦਾਦਾ ਠਾਕੁਰ ਦਾਸ ਵਡਾਲੀ ਇੱਕ ਮਸ਼ਹੂਰ ਗਾਇਕ ਸੀ ਅਤੇ ਉਹ ਵਡਾਲੀ ਬ੍ਰਦਰਜ਼ ਦੇ ਨਾਂਅ ਨਾਲ ਦੁਨੀਆਂ ਭਰ ਵਿੱਚ ਸੂਫੀ ਗਾਇਕੀ ਰਾਹੀਂ ਨਾਮ ਖੱਟਣ ਵਾਲੇ ਪਦਮਸ਼੍ਰੀ ਪੂਰਨ ਚੰਦ ਵਡਾਲੀ ਦਾ ਪੁੱਤਰ ਤੇ ਉਸਤਾਦ ਪਿਆਰੇ ਲਾਲ ਵਡਾਲੀ ਦਾ ਭਤੀਜਾ ਹੈ।
-PTCNews
