Jaipur Septic Tank Tragedy : ਸੈਪਟਿਕ ਟੈਂਕ 'ਚ ਸੋਨੇ ਲੱਭਣ ਉਤਾਰੇ 8 ਨੌਜਵਾਨ, 4 ਦੀ ਜ਼ਹਿਰੀਲੀ ਗੈਸ ਚੜ੍ਹਨ ਕਾਰਨ ਮੌਤ
Jaipur Tragedy : ਰਾਜਧਾਨੀ ਜੈਪੁਰ ਦੇ ਸੰਗਾਨੇਰ ਸਦਰ ਥਾਣਾ ਖੇਤਰ ਦੇ ਸੀਤਾਪੁਰਾ ਦੇ ਜਿਊਲਰੀ ਮਾਰਕੀਟ ਵਿੱਚ ਸੋਮਵਾਰ ਦੇਰ ਰਾਤ ਇੱਕ ਵੱਡਾ ਹਾਦਸਾ ਵਾਪਰਿਆ। ਇੱਥੇ ਇੱਕ ਗਹਿਣਿਆਂ ਦੀ ਫੈਕਟਰੀ ਵਿੱਚ ਸੈਪਟਿਕ ਟੈਂਕ ਦੀ ਸਫਾਈ (Septic tank Tragedy) ਕਰਦੇ ਸਮੇਂ ਜ਼ਹਿਰੀਲੀ ਗੈਸ ਕਾਰਨ ਦਮ ਘੁੱਟਣ ਕਾਰਨ ਚਾਰ ਮਜ਼ਦੂਰਾਂ ਦੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਗਹਿਣਿਆਂ ਦੀ ਫੈਕਟਰੀ ਵਿੱਚ ਗਹਿਣੇ ਬਣਾਉਣ ਦੌਰਾਨ ਸੋਨੇ ਦੀ ਧੂੜ ਅਤੇ ਕਣ ਪੈਦਾ ਹੁੰਦੇ ਹਨ। ਇਹ ਬਾਅਦ ਵਿੱਚ ਪਾਣੀ ਦੇ ਨਾਲ ਸੈਪਟਿਕ ਟੈਂਕ ਵਿੱਚ ਇਕੱਠੇ ਹੋ ਜਾਂਦੇ ਹਨ। ਹਰ ਦੋ ਮਹੀਨਿਆਂ ਬਾਅਦ, ਟੈਂਕ ਨੂੰ ਸਾਫ਼ ਕੀਤਾ ਜਾਂਦਾ ਹੈ ਅਤੇ ਰਸਾਇਣਾਂ ਵਾਲੇ ਪਾਣੀ ਨੂੰ ਹਟਾ ਦਿੱਤਾ ਜਾਂਦਾ ਹੈ ਤਾਂ ਜੋ ਸੋਨਾ ਫਿਲਟਰ ਕਰਕੇ ਇਸ ਵਿੱਚੋਂ ਕੱਢਿਆ ਜਾ ਸਕੇ।
ਹਾਦਸਾ ਸੀਤਾਪੁਰ ਦੇ ਜਵੇਲਜ਼ ਜ਼ੋਨ ਇਲਾਕੇ ਵਿੱਚ ਅਚਲ ਜੇਮਜ਼ ਕੰਪਨੀ ਦੇ ਅਹਾਤੇ ਵਿੱਚ ਵਾਪਰਿਆ। ਸੋਮਵਾਰ ਨੂੰ ਵੀ ਇਸੇ ਮਕਸਦ ਲਈ ਮਜ਼ਦੂਰਾਂ ਨੂੰ ਟੈਂਕ ਵਿੱਚ ਭੇਜਿਆ ਗਿਆ ਸੀ। ਪਰ ਟੈਂਕ ਵਿੱਚ ਮੌਜੂਦ ਜ਼ਹਿਰੀਲੀ ਗੈਸ ਕਾਰਨ, ਇੱਕ ਤੋਂ ਬਾਅਦ ਇੱਕ ਕਾਮੇ ਬੇਹੋਸ਼ ਹੋ ਗਏ। ਜਦੋਂ ਟੈਂਕ ਵਿੱਚ ਦਾਖਲ ਹੋਏ ਮਜ਼ਦੂਰਾਂ ਵੱਲੋਂ ਕੋਈ ਜਵਾਬ ਨਹੀਂ ਮਿਲਿਆ ਤਾਂ ਹੋਰ ਮਜ਼ਦੂਰ ਉਨ੍ਹਾਂ ਨੂੰ ਬਚਾਉਣ ਲਈ ਟੈਂਕ ਵਿੱਚ ਦਾਖਲ ਹੋਏ ਪਰ ਉਹ ਵੀ ਜ਼ਹਿਰੀਲੀ ਗੈਸ ਦਾ ਸ਼ਿਕਾਰ ਹੋ ਗਏ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਸੰਗਨੇਰ ਸਦਰ ਥਾਣਾ ਪੁਲਿਸ ਮੌਕੇ 'ਤੇ ਪਹੁੰਚ ਗਈ। ਸਾਰੇ ਮਜ਼ਦੂਰਾਂ ਨੂੰ ਤੁਰੰਤ ਟੈਂਕ ਵਿੱਚੋਂ ਕੱਢਿਆ ਗਿਆ ਅਤੇ ਮਹਾਤਮਾ ਗਾਂਧੀ ਹਸਪਤਾਲ ਲਿਜਾਇਆ ਗਿਆ।
ਬਿਨਾਂ ਕਿਸੇ ਸੁਰੱਖਿਆ ਤੋਂ ਉਤਾਰੇ ਗਏ ਮਜਦੂਰ
ਹਸਪਤਾਲ ਦੇ ਡਾਕਟਰਾਂ ਨੇ ਚਾਰ ਮਜ਼ਦੂਰਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਦੋ ਹੋਰ ਮਜ਼ਦੂਰਾਂ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਐਮਜੀਐਚ ਦੇ ਮੁਰਦਾਘਰ ਵਿੱਚ ਰੱਖਿਆ ਗਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਹ ਹਾਦਸਾ ਟੈਂਕ ਵਿੱਚ ਜ਼ਹਿਰੀਲੀ ਗੈਸ ਦੀ ਮੌਜੂਦਗੀ ਕਾਰਨ ਹੋਇਆ, ਸੰਭਵ ਤੌਰ 'ਤੇ ਕਾਰਬਨ ਡਾਈਆਕਸਾਈਡ ਜਾਂ ਹੋਰ ਨੁਕਸਾਨਦੇਹ ਗੈਸ। ਮੁੱਢਲੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਮਜ਼ਦੂਰਾਂ ਨੂੰ ਬਿਨਾਂ ਕਿਸੇ ਸੁਰੱਖਿਆ ਉਪਕਰਨ ਦੇ ਟੈਂਕ ਵਿੱਚ ਉਤਾਰਿਆ ਗਿਆ ਸੀ। ਇਸ ਕਰਕੇ ਹਾਦਸਾ ਹੋਰ ਵੀ ਗੰਭੀਰ ਹੋ ਗਿਆ।
ਪਹਿਲਾਂ ਰਾਜਸਥਾਨ ਵਿੱਚ ਵੀ ਵਾਪਰਿਆ ਸੀ ਅਜਿਹਾ ਹਾਦਸਾ
- PTC NEWS
