Mexican Navy Plane Crashes : ਅਮਰੀਕਾ ’ਚ ਮੈਕਸੀਕਨ ਨੇਵੀ ਫੌਜ ਦਾ ਜਹਾਜ਼ ਹਾਦਸਾਗ੍ਰਸਤ, 5 ਦੀ ਮੌਤ
Mexican Navy Plane Crashes : ਮੈਕਸੀਕਨ ਨੇਵੀ ਦਾ ਇੱਕ ਜਹਾਜ਼ ਗੈਲਵੈਸਟਨ ਨੇੜੇ ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਹਾਦਸੇ ’ਚ ਘੱਟੋ-ਘੱਟ ਪੰਜ ਲੋਕਾਂ ਦੀ ਮੌਤ ਹੋ ਗਈ ਹੈ। ਜਹਾਜ਼ ਇੱਕ ਬਿਮਾਰ ਨੌਜਵਾਨ ਨੂੰ ਹਸਪਤਾਲ ਲੈ ਜਾ ਰਿਹਾ ਸੀ ਅਤੇ ਇਸ ਵਿੱਚ ਚਾਰ ਨੇਵੀ ਅਧਿਕਾਰੀ ਅਤੇ ਚਾਰ ਨਾਗਰਿਕ (ਇੱਕ ਬੱਚੇ ਸਮੇਤ) ਸਵਾਰ ਸਨ। ਬਾਕੀ ਯਾਤਰੀਆਂ ਦੀ ਭਾਲ ਜਾਰੀ ਹੈ। ਹਾਦਸੇ ਦਾ ਕਾਰਨ ਅਜੇ ਵੀ ਸਪੱਸ਼ਟ ਨਹੀਂ ਹੈ, ਹਾਲਾਂਕਿ ਖਰਾਬ ਮੌਸਮ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਰਿਪੋਰਟਾਂ ਦੇ ਅਨੁਸਾਰ ਜਹਾਜ਼ ਵਿੱਚ ਸਵਾਰ ਦੋ ਲੋਕ ਮਿਚੂ ਅਤੇ ਮਾਉਈ ਫਾਊਂਡੇਸ਼ਨ ਨਾਲ ਜੁੜੇ ਹੋਏ ਸਨ, ਜੋ ਕਿ ਇੱਕ ਗੈਰ-ਮੁਨਾਫ਼ਾ ਸੰਸਥਾ ਹੈ ਜੋ ਗੰਭੀਰ ਜਲਣ ਵਾਲੇ ਮੈਕਸੀਕਨ ਬੱਚਿਆਂ ਨੂੰ ਇਲਾਜ ਅਤੇ ਸਹਾਇਤਾ ਪ੍ਰਦਾਨ ਕਰਦੀ ਹੈ। ਕਥਿਤ ਤੌਰ 'ਤੇ ਜਹਾਜ਼ ਇੱਕ ਡਾਕਟਰੀ ਸਹਾਇਤਾ ਮਿਸ਼ਨ 'ਤੇ ਸੀ, ਇੱਕ ਜਲਣ ਵਾਲੇ ਮਰੀਜ਼ ਨੂੰ ਇਲਾਜ ਲਈ ਲਿਜਾ ਰਿਹਾ ਸੀ।
ਦੱਸ ਦਈਏ ਕਿ ਇਹ ਹਾਦਸਾ ਸੋਮਵਾਰ ਦੁਪਹਿਰ ਨੂੰ ਟੈਕਸਾਸ ਤੱਟ 'ਤੇ ਸਥਿਤ ਅਤੇ ਹਿਊਸਟਨ ਤੋਂ ਲਗਭਗ 50 ਮੀਲ ਦੱਖਣ-ਪੂਰਬ ਵਿੱਚ ਗੈਲਵੈਸਟਨ ਦੇ ਨੇੜੇ ਇੱਕ ਕਾਜ਼ਵੇਅ ਬੇਸ ਖੇਤਰ ਦੇ ਨੇੜੇ ਵਾਪਰਿਆ। ਜਹਾਜ਼ ਦੇ ਸਮੁੰਦਰ ਵਿੱਚ ਡਿੱਗਣ ਦੇ ਨਾਲ ਹੀ ਸਥਾਨਕ ਅਧਿਕਾਰੀਆਂ ਅਤੇ ਐਮਰਜੈਂਸੀ ਏਜੰਸੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਕਾਰਵਾਈ ਕੀਤੀ।
- PTC NEWS
