Reliance AGM: ਅੰਬਾਨੀ ਦਾ ਵੱਡਾ ਐਲਾਨ, Jio ਯੂਜ਼ਰਸ ਨੂੰ AI-Cloud ਵੈਲਕਮ ਆਫਰ 'ਚ ਮਿਲੇਗੀ 100GB ਮੁਫਤ ਸਟੋਰੇਜ
Reliance AGM: ਰਿਲਾਇੰਸ ਇੰਡਸਟਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਨੇ Jio AI ਕਲਾਊਡ ਆਫਰ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ ਜਿਸ ਵਿੱਚ ਹਰ Jio ਉਪਭੋਗਤਾ ਨੂੰ 100 GB ਕਲਾਊਡ ਸਟੋਰੇਜ ਬਿਲਕੁਲ ਮੁਫ਼ਤ ਦਿੱਤੀ ਜਾਵੇਗੀ। ਮੁਕੇਸ਼ ਅੰਬਾਨੀ ਨੇ ਇਹ ਐਲਾਨ ਰਿਲਾਇੰਸ ਇੰਡਸਟਰੀਜ਼ ਦੀ 47ਵੀਂ ਏਜੀਐਮ ਮੀਟਿੰਗ ਵਿੱਚ ਕੀਤਾ ਹੈ। ਮੁਕੇਸ਼ ਅੰਬਾਨੀ ਨੇ ਕਿਹਾ, Jio AI-Cloud ਵੈਲਕਮ ਆਫਰ ਇਸ ਸਾਲ ਦੀਵਾਲੀ 'ਤੇ ਲਾਂਚ ਕੀਤਾ ਜਾਵੇਗਾ।
ਮੁਕੇਸ਼ ਅੰਬਾਨੀ ਨੇ ਕਿਹਾ, ਮੈਨੂੰ Jio AI ਕਲਾਊਡ ਵੈਲਕਮ ਆਫਰ ਦਾ ਐਲਾਨ ਕਰਦੇ ਹੋਏ ਬਹੁਤ ਖੁਸ਼ੀ ਹੋ ਰਹੀ ਹੈ। Jio ਉਪਭੋਗਤਾਵਾਂ ਨੂੰ 100 GB FPS ਕਲਾਉਡ ਸਟੋਰੇਜ ਮਿਲੇਗੀ ਜਿਸ ਵਿੱਚ ਉਹ ਆਪਣੀਆਂ ਫੋਟੋਆਂ, ਵੀਡੀਓ, ਦਸਤਾਵੇਜ਼ ਅਤੇ ਹੋਰ ਡਿਜੀਟਲ ਸਮੱਗਰੀ ਅਤੇ ਡੇਟਾ ਨੂੰ ਸਟੋਰ ਕਰਨ ਦੇ ਯੋਗ ਹੋਣਗੇ। ਉਨ੍ਹਾਂ ਨੇ ਕਿਹਾ, ਅਸੀਂ ਇਸ ਸਾਲ ਦੀਵਾਲੀ 'ਤੇ Jio AI ਕਲਾਊਡ ਵੈਲਕਮ ਆਫਰ ਲਾਂਚ ਕਰਾਂਗੇ, ਜਿਸ ਰਾਹੀਂ ਅਸੀਂ ਸ਼ਕਤੀਸ਼ਾਲੀ ਅਤੇ ਕਿਫਾਇਤੀ ਹੱਲ ਲਿਆ ਰਹੇ ਹਾਂ ਜਿਸ ਵਿੱਚ ਕਲਾਊਡ ਡਾਟਾ ਸਟੋਰੇਜ ਅਤੇ ਡਾਟਾ-ਸੰਚਾਲਿਤ AI ਸੇਵਾਵਾਂ ਹਰ ਜਗ੍ਹਾ ਹਰ ਕਿਸੇ ਲਈ ਉਪਲਬਧ ਹੋਣਗੀਆਂ।
ਰਿਲਾਇੰਸ ਏਜੀਐਮ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ, ਮੁਕੇਸ਼ ਅੰਬਾਨੀ ਨੇ ਕਿਹਾ, ਜੀਓ ਅਜਿਹੇ ਟੂਲ ਅਤੇ ਪਲੇਟਫਾਰਮ ਵਿਕਸਿਤ ਕਰ ਰਿਹਾ ਹੈ ਜਿਸ ਵਿੱਚ ਪੂਰਾ AI ਲਾਈਫਸਾਈਕਲ ਦਿਖਾਈ ਦੇਵੇਗਾ, ਜਿਸ ਨੂੰ ਜੀਓ ਬ੍ਰੇਨ ਨਾਮ ਦਿੱਤਾ ਗਿਆ ਹੈ। ਉਨ੍ਹਾਂ ਕਿਹਾ, ਰਿਲਾਇੰਸ ਜਾਮਨਗਰ, ਗੁਜਰਾਤ ਵਿੱਚ ਗੀਗਾਵਾਟ-ਸਕੇਲ AI ਤਿਆਰ ਸੈੱਟਅੱਪ ਬਣਾ ਰਹੀ ਹੈ ਜੋ ਕੰਪਨੀ ਦੀ ਹਰੀ ਊਰਜਾ ਦੁਆਰਾ ਸੰਚਾਲਿਤ ਹੋਵੇਗੀ।
ਮੁਕੇਸ਼ ਅੰਬਾਨੀ ਨੇ ਕਿਹਾ, ਰਿਲਾਇੰਸ ਜੀਓ ਦੁਨੀਆ ਦੀ ਸਭ ਤੋਂ ਵੱਡੀ ਮੋਬਾਈਲ ਡਾਟਾ ਕੰਪਨੀ ਬਣ ਗਈ ਹੈ। ਦੁਨੀਆ ਦਾ 8 ਫੀਸਦੀ ਮੋਬਾਈਲ ਡਾਟਾ ਟ੍ਰੈਫਿਕ ਇਕੱਲੇ ਜੀਓ ਦੇ ਨੈੱਟਵਰਕ 'ਤੇ ਚੱਲਦਾ ਹੈ। ਇਹ ਅੰਕੜਾ ਕਿੰਨਾ ਵੱਡਾ ਹੈ, ਇਸ ਦਾ ਅੰਦਾਜ਼ਾ ਇਸ ਤੱਥ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਇਹ ਵਿਕਸਤ ਬਾਜ਼ਾਰਾਂ ਸਮੇਤ ਸਾਰੇ ਪ੍ਰਮੁੱਖ ਗਲੋਬਲ ਆਪਰੇਟਰਾਂ ਤੋਂ ਵੱਧ ਹੈ। AGM ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਆਕਾਸ਼ ਅੰਬਾਨੀ ਨੇ ਕਿਹਾ, ਆਕਾਸ਼ ਅੰਬਾਨੀ ਨੇ ਕਿਹਾ ਕਿ Jio PhoneCall AI ਨਾਲ ਯੂਜ਼ਰਸ ਹਰ ਫੋਨ ਕਾਲ 'ਚ AI ਦੀ ਮਦਦ ਲੈ ਸਕਣਗੇ। AI ਸਾਰੀਆਂ ਕਾਲਾਂ ਨੂੰ ਆਪਣੇ ਆਪ ਰਿਕਾਰਡ ਕਰੇਗਾ ਅਤੇ ਇਸਨੂੰ ਕਲਾਉਡ 'ਤੇ ਸੁਰੱਖਿਅਤ ਕਰੇਗਾ। ਇਸਦੇ ਨਾਲ, ਉਹ ਪੂਰੀ ਗੱਲਬਾਤ ਨੂੰ ਟ੍ਰਾਂਸਕ੍ਰਾਈਬ ਕਰੇਗਾ ਅਤੇ ਇਸਨੂੰ ਟੈਕਸਟ ਫਾਰਮੈਟ ਵਿੱਚ ਬਦਲ ਦੇਵੇਗਾ।
- PTC NEWS
