Video : ਸਵੀਟੀ ਬੂਰਾ ਤੇ ਕਬੱਡੀ ਖਿਡਾਰੀ ਦੀਪਕ ਹੁੱਡਾ ਦਾ ਹੋਇਆ ਤਲਾਕ ! 2025 'ਚ ਮੁੱਕੇਬਾਜ਼ ਨੇ ਥਾਣੇ 'ਚ ਹੀ ਪਤੀ ਦਾ ਚਾੜ੍ਹਿਆ ਸੀ ਕੁਟਾਪਾ
Saweety Boora and Deepak Hooda divorced : ਅੰਤਰਰਾਸ਼ਟਰੀ ਮੁੱਕੇਬਾਜ਼ ਅਤੇ ਅਰਜੁਨ ਪੁਰਸਕਾਰ ਜੇਤੂ ਸਵੀਟੀ ਬੋਰਾ ਨੇ ਆਪਸੀ ਸਹਿਮਤੀ ਨਾਲ ਕਬੱਡੀ ਖਿਡਾਰੀ ਦੀਪਕ ਹੁੱਡਾ ਨੂੰ ਤਲਾਕ ਦੇ ਦਿੱਤਾ ਹੈ। ਹਿਸਾਰ (Hisar News) ਦੇ ਸੈਕਟਰ 1-4 ਦੀ ਰਹਿਣ ਵਾਲੀ ਸਵੀਟੀ ਬੂਰਾ ਦਾ ਵਿਆਹ 2022 ਵਿੱਚ ਰੋਹਤਕ ਦੇ ਰਹਿਣ ਵਾਲੇ ਦੀਪਕ ਹੁੱਡਾ ਨਾਲ ਹੋਇਆ ਸੀ। 2025 ਵਿੱਚ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਖਟਾਸ ਆ ਗਈ।
ਦੱਸ ਦਈਏ ਕਿ ਇਹ ਮਾਮਲਾ ਹਿੰਸਾ ਤੱਕ ਵੀ ਪਹੁੰਚ ਗਿਆ ਸੀ। ਦੋਵਾਂ ਨੇ ਇੱਕ ਦੂਜੇ 'ਤੇ ਕੁੱਟਮਾਰ ਕਰਨ, ਦਾਜ ਤੇ ਤੰਗ ਪ੍ਰੇਸ਼ਾਨ ਦੇ ਦੋਸ਼ ਲਗਾਏ ਸਨ। ਜਦੋਂ ਪੁਲਿਸ ਨੇ ਦੋਵਾਂ ਧਿਰਾਂ ਨੂੰ ਸਮਝੌਤਾ ਕਰਨ ਲਈ ਮਹਿਲਾ ਪੁਲਿਸ ਸਟੇਸ਼ਨ ਬੁਲਾਇਆ, ਤਾਂ ਉੱਥੇ ਵੀ ਲੜਾਈ ਸ਼ੁਰੂ ਹੋ ਗਈ। ਇਸ ਤੋਂ ਬਾਅਦ ਸਵੀਟੀ ਬੋਰਾ ਨੇ 2025 ਵਿੱਚ ਤਲਾਕ ਲਈ ਅਰਜ਼ੀ ਦਿੱਤੀ। ਦੋਵਾਂ ਧਿਰਾਂ ਦੀ ਸਹਿਮਤੀ ਤੋਂ ਬਾਅਦ ਪਰਿਵਾਰਕ ਅਦਾਲਤ ਨੇ ਤਲਾਕ ਨੂੰ ਮਨਜ਼ੂਰੀ ਦੇ ਦਿੱਤੀ।
ਸਵੀਟੀ ਦੇ ਵਕੀਲ ਸੁਨੀਲ ਤਿਵਾੜੀ, ਜੋ ਤਲਾਕ ਦਾ ਕੇਸ ਲੜ ਰਹੇ ਹਨ, ਨੇ ਇਸਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਕਿਹਾ ਕਿ ਤਲਾਕ ਦੇ ਫੈਸਲੇ ਸਮੇਂ ਦੋਵੇਂ ਅਦਾਲਤ ਵਿੱਚ ਮੌਜੂਦ ਸਨ। ਸਵੀਟੀ ਨੇ ਅਦਾਲਤ ਵਿੱਚ ਕਿਹਾ ਕਿ ਹੁਣ ਉਸ ਲਈ ਦੀਪਕ ਹੁੱਡਾ ਨਾਲ ਰਹਿਣਾ ਸੰਭਵ ਨਹੀਂ ਹੈ। ਇਸ ਦੌਰਾਨ ਦੀਪਕ ਨੇ ਇਸ ਮਾਮਲੇ 'ਤੇ ਕੋਈ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ।???? World Champion Boxer Saweety Bora tried to assault her husband Kabbadi Star Deepak Hooda in Police Station
They have reportedly filed for divorce!pic.twitter.com/TNEkdVujvU https://t.co/lzyyjeLv3W — The Khel India (@TheKhelIndia) March 25, 2025
ਦੱਸ ਦਈਏ ਕਿ ਸਵੀਟੀ ਨੇ ਤਲਾਕ ਤੋਂ ਪਹਿਲਾਂ ₹50 ਲੱਖ ਗੁਜ਼ਾਰਾ ਭੱਤਾ ਅਤੇ ₹150,000 ਮਹੀਨਾਵਾਰ ਗੁਜ਼ਾਰਾ ਭੱਤਾ ਮੰਗਿਆ ਸੀ, ਪਰ ਜੋੜੇ ਨੇ ਬਿਨਾਂ ਕਿਸੇ ਮੁਆਵਜ਼ੇ ਦੇ ਆਪਸੀ ਸਹਿਮਤੀ ਨਾਲ ਤਲਾਕ ਦਾ ਨਿਪਟਾਰਾ ਕਰ ਦਿੱਤਾ।
- PTC NEWS
