Mohali ’ਚ ਸਾਬਕਾ ਵਿਜੀਲੈਂਸ SSP ਹਰਗੋਬਿੰਦ ਸਿੰਘ, ਪਤਨੀ ਤੇ ਪੁੱਤ ਖਿਲਾਫ ਮਾਮਲਾ ਦਰਜ, ਨੂੰਹ ਨੇ ਲਗਾਏ ਦਾਜ ਮੰਗਣ ਦੇ ਇਲਜ਼ਾਮ
ਮੁਹਾਲੀ ’ਚ ਸਾਬਕਾ ਵਿਜੀਲੈਂਸ ਐਸਐਸਪੀ ਹਰਗੋਬਿੰਦ ਸਿੰਘ ਉਸ ਦੀ ਪਤਨੀ ਅਤੇ ਪੁੱਤ ਦੇ ਖਿਲਾਫ ਦਾਜ ਮੰਗਣ ਦੇ ਇਲਜ਼ਾਮਾਂ ਹੇਠ ਮਾਮਲਾ ਦਰਜ ਕੀਤਾ ਗਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਹਰਗੋਬਿੰਦ ਸਿੰਘ ਦੀ ਨੂੰਹ ਨੇ ਉਸ ’ਤੇ ਦਾਜ ਮੰਗਣ ਦੇ ਇਲਜ਼ਾਮ ਲਗਾਏ ਹਨ। ਐਸਐਸਪੀ ਦਾ ਪੁੱਤ ਕੁਲਦੀਪ ਰਾਜ ਸਿੰਘ ਵੀ ਵਿਜੀਲੈਂਸ ’ਚ ਤੈਨਾਤ ਹੈ।
ਪੁਲਿਸ ਥਾਣਾ ਮਟੌਰ ਦੇ ਵਿੱਚ ਮਾਮਲਾ ਦਰਜ ਹੋਇਆ ਜਿਸ ਦੇ ਵਿੱਚ ਹਰਗੋਬਿੰਦ ਸਿੰਘ ਅਤੇ ਉਸਦੀ ਪਤਨੀ ਅਤੇ ਵਿਜੀਲੈਂਸ ਵਿੱਚ ਤੈਨਾਤ ਕੁਲਦੀਪ ਰਾਜ ਸਿੰਘ ਉੱਤੇ ਵੀ ਪੁਲਿਸ ਥਾਣਾ ਮਟੌਰ ’ਚ ਐਫਆਈਆਰ ਵਿੱਚ 315 (2) bns , 85 bns, 115(2) bns,ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।
ਦੱਸ ਦਈਏ ਕਿ ਪੰਜ ਸਾਲ ਪਹਿਲਾਂ ਗੁਰਪ੍ਰੀਤ ਕੌਰ ਦਾ ਵਿਆਹ ਹਰਗੋਬਿੰਦ ਸਿੰਘ ਦੇ ਪੁੱਤਰ ਕੁਲਦੀਪ ਰਾਜ ਸਿੰਘ ਨਾਲ ਹੋਇਆ ਸੀ। ਉਸ ਸਮੇਂ ਤੋਂ ਲਗਾਤਾਰ ਦਾਜ ਦੀ ਮੰਗ ਕੀਤੀ ਜਾ ਰਹੀ ਹੈ ਦਹੇਜ ਦੇ ਨਾਲ ਕੁੱਟਮਾਰ ਗਾਲੀ ਗਲੋਚ ਕਰਨ ਦੇ ਇਲਜਾਮ ਲਗਾਏ ਗਏ ਹਨ।
ਪੁਲਿਸ ਥਾਣਾ ਮਟੌਰ ਦੇ ਮੁਖੀ ਅਮਨਦੀਪ ਸਿੰਘ ਦਾ ਕਹਿਣਾ ਹੈ ਕਿ ਪੀੜਤ ਪਰਿਵਾਰ ਦਾ ਪੱਖ ਸੁਣ ਲਿਆ ਗਿਆ ਅਤੇ ਲਿਖਤੀ ਸ਼ਿਕਾਇਤ ਮਿਲਣ ਤੋਂ ਬਾਅਦ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ : Punjab Contractual Jobs : ਪੰਜਾਬ ’ਚ ਠੇਕੇ ’ਤੇ ਨੌਕਰੀਆਂ ਕਰਨ ਵਾਲੇ ਮੁਲਾਜ਼ਮਾਂ ਲਈ ਅਹਿਮ ਫੈਸਲਾ, 65048 ਆਊਟਸੋਰਸ ਕੀਤੇ ਕਾਮਿਆਂ ਨੂੰ ਮਿਲੇਗਾ ਲਾਭ
- PTC NEWS
