Harjinder Kaur ਨੇ ਵੇਟਲਿਫਟਿੰਗ ’ਚ ਦਿਖਾਇਆ ਕਮਾਲ; CWG 2026 ਭਾਰਤ ਦੇ ਤਗਮਿਆਂ ਦੀ ਗਿਣਤੀ ਹੋਈ 12
ਗਲਾਸਗੋ ਵਿੱਚ ਹੋਈਆਂ ਰਾਸ਼ਟਰਮੰਡਲ ਖੇਡਾਂ 2026 ਵਿੱਚ ਔਰਤਾਂ ਦੇ 69 ਕਿਲੋਗ੍ਰਾਮ ਵਰਗ ਵਿੱਚ ਹਰਜਿੰਦਰ ਕੌਰ ਨੇ ਚਾਂਦੀ ਦਾ ਤਗਮਾ ਜਿੱਤ ਕੇ ਵੇਟਲਿਫਟਿੰਗ ਵਿੱਚ ਭਾਰਤ ਦੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਨੂੰ ਜਾਰੀ ਰੱਖਿਆ।
ਕੁੱਲ 227 ਕਿਲੋਗ੍ਰਾਮ ਭਾਰ ਚੁੱਕਿਆ
29 ਸਾਲਾ ਭਾਰਤੀ ਵੇਟਲਿਫਟਰ ਨੇ ਐਸਈਸੀ ਆਰਮਾਡੀਲੋ ਵਿੱਚ ਆਪਣਾ ਲਗਾਤਾਰ ਦੂਜਾ ਰਾਸ਼ਟਰਮੰਡਲ ਖੇਡਾਂ ਦਾ ਤਗਮਾ ਜਿੱਤਣ ਲਈ ਕੁੱਲ 227 ਕਿਲੋਗ੍ਰਾਮ (101 ਕਿਲੋਗ੍ਰਾਮ ਸਨੈਚ 126 ਕਿਲੋਗ੍ਰਾਮ ਕਲੀਨ ਐਂਡ ਜਰਕ) ਭਾਰ ਚੁੱਕਿਆ।
ਇਸ ਤੋਂ ਪਹਿਲਾਂ ਹਰਜਿੰਦਰ ਨੇ ਬਰਮਿੰਘਮ 2022 ਵਿੱਚ ਔਰਤਾਂ ਦੇ 71 ਕਿਲੋਗ੍ਰਾਮ ਵਰਗ ਵਿੱਚ 212 ਕਿਲੋਗ੍ਰਾਮ (93 ਕਿਲੋਗ੍ਰਾਮ ਸਨੈਚ 119 ਕਿਲੋਗ੍ਰਾਮ ਕਲੀਨ ਐਂਡ ਜਰਕ) ਦੀ ਕੁੱਲ ਲਿਫਟ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।
ਕੈਨੇਡਾ ਦੀ ਸ਼ਾਰਲੋਟ ਸਿਮੋਨੋ ਨੇ 240 ਕਿਲੋਗ੍ਰਾਮ (108 ਕਿਲੋਗ੍ਰਾਮ 132 ਕਿਲੋਗ੍ਰਾਮ) ਦੇ CWG ਰਿਕਾਰਡ ਨਾਲ ਸੋਨ ਤਗਮਾ ਜਿੱਤਿਆ, ਜਦੋਂ ਕਿ ਆਸਟ੍ਰੇਲੀਆ ਦੀ ਨਾਇਲਾ ਫੋਬੀ ਹੇਮਨ ਨੇ 218 ਕਿਲੋਗ੍ਰਾਮ (97 ਕਿਲੋਗ੍ਰਾਮ 121 ਕਿਲੋਗ੍ਰਾਮ) ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ।
ਹਰਜਿੰਦਰ ਨੇ ਸਨੈਚ ਮੁਕਾਬਲੇ ਵਿੱਚ ਸ਼ਾਨਦਾਰ ਕੀਤਾ ਪ੍ਰਦਰਸ਼ਨ
ਹਰਜਿੰਦਰ ਨੇ ਸਨੈਚ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਸਫਲਤਾਪੂਰਵਕ 95 ਕਿਲੋਗ੍ਰਾਮ, 99 ਕਿਲੋਗ੍ਰਾਮ ਅਤੇ 101 ਕਿਲੋਗ੍ਰਾਮ ਭਾਰ ਚੁੱਕਿਆ। ਉਸਦੀ ਆਖਰੀ ਲਿਫਟ ਨੇ ਥੋੜ੍ਹੇ ਸਮੇਂ ਲਈ ਰਾਸ਼ਟਰਮੰਡਲ ਖੇਡਾਂ ਦਾ ਰਿਕਾਰਡ ਆਪਣੇ ਕੋਲ ਰੱਖਿਆ, ਪਰ ਸਿਮੋਨੋ ਨੇ ਬਾਅਦ ਵਿੱਚ 104 ਕਿਲੋਗ੍ਰਾਮ ਅਤੇ 108 ਕਿਲੋਗ੍ਰਾਮ ਦੀ ਸਫਲ ਲਿਫਟ ਨਾਲ ਇਸਨੂੰ ਤੋੜ ਦਿੱਤਾ।
ਭਾਰਤੀ ਐਥਲੀਟ ਨੇ ਕਲੀਨ ਐਂਡ ਜਰਕ ਵਿੱਚ ਆਪਣਾ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਜਾਰੀ ਰੱਖਿਆ, 120 ਕਿਲੋਗ੍ਰਾਮ, 123 ਕਿਲੋਗ੍ਰਾਮ ਅਤੇ 126 ਕਿਲੋਗ੍ਰਾਮ ਭਾਰ ਚੁੱਕ ਕੇ ਲੀਡ ਹਾਸਲ ਕੀਤੀ।
ਕੁਝ ਸਮੇਂ ਲਈ ਬਣਿਆ ਰਿਕਾਰਡ
ਦੱਸ ਦਈਏ ਕਿ ਉਨ੍ਹਾਂ ਦੇ ਆਖਰੀ ਲਿਫਟ ਨੇ ਰਾਸ਼ਟਰਮੰਡਲ ਖੇਡਾਂ ’ਚ ਥੋੜੇ ਸਮੇਂ ਲਈ ਰਿਕਾਰਡ ਬਣਾਇਆ ਜਿਸ ਨੂੰ ਪਰ ਸਿਮੋਨੋ ਨੇ ਆਪਣੀ ਪਹਿਲੀ ਕਲੀਨ ਐਂਡ ਜਰਕ ਕੋਸ਼ਿਸ਼ ਵਿੱਚ 127 ਕਿਲੋਗ੍ਰਾਮ ਭਾਰ ਚੁੱਕ ਕੇ ਇਸਨੂੰ ਤੋੜ ਦਿੱਤਾ। ਉਸਨੇ ਸੋਨ ਤਗਮਾ ਜਿੱਤਣ ਦੇ ਰਾਹ 'ਤੇ ਇਸ ਰਿਕਾਰਡ ਨੂੰ ਹੋਰ ਬਿਹਤਰ ਬਣਾਇਆ।
ਭਾਰਤ ਦੇ ਤਗਮਿਆਂ ਦੀ ਗਿਣਤੀ 12 ਤੱਕ ਪਹੁੰਚੀ
ਛੇਵੇਂ ਦਿਨ ਭਾਰਤ ਦੇ ਤਗਮਿਆਂ ਦੀ ਗਿਣਤੀ ਵਿੱਚ ਦੋ ਚਾਂਦੀ ਦੇ ਤਗਮੇ ਸ਼ਾਮਲ ਹੋਣ ਨਾਲ, ਇਸਦੀ ਕੁੱਲ ਗਿਣਤੀ 12 ਹੋ ਗਈ ਹੈ, ਜਿਸ ਵਿੱਚ ਦੋ ਸੋਨ, ਸੱਤ ਚਾਂਦੀ ਅਤੇ ਤਿੰਨ ਕਾਂਸੀ ਦੇ ਤਗਮੇ ਸ਼ਾਮਲ ਹਨ। ਭਾਰਤ ਹੁਣ ਤਗਮਾ ਸੂਚੀ ਵਿੱਚ 9ਵੇਂ ਨੰਬਰ 'ਤੇ ਹੈ। ਆਸਟ੍ਰੇਲੀਆ ਪਹਿਲੇ ਸਥਾਨ 'ਤੇ ਬਣਿਆ ਹੋਇਆ ਹੈ, ਜਿਸਨੇ 35 ਸੋਨ ਸਮੇਤ ਕੁੱਲ 80 ਤਗਮੇ ਜਿੱਤੇ ਹਨ।
ਨਾਭਾ ਦੇ ਮੈਂਹਸ ਪਿੰਡ ਦੀ ਰਹਿਣ ਵਾਲੀ ਹੈ ਹਰਜਿੰਦਰ ਕੌਰ
ਦੱਸ ਦਈਏ ਕਿ ਨਾਭਾ ਨੇੜਲੇ ਮੈਹਸ ਪਿੰਡ ਦੇ ਸਾਧਾਰਣ ਪਰਿਵਾਰ ਦੀ ਧੀ ਹਰਜਿੰਦਰ ਨੇ ਅੱਜ ਦੋਵੇ ਵਰਗਾਂ ਵਿੱਚ ਤਿੰਨੇ ਕੋਸ਼ਿਸ਼ਾਂ ਵਿੱਚ ਸਫਲਤਾ ਹਾਸਲ ਕਰਦਿਆਂ ਹਰ ਵਾਰ ਆਪਣਾ ਪ੍ਰਦਰਸ਼ਨ ਸੁਧਾਰਿਆ। ਹਰਜਿੰਦਰ ਨੇ 2022 ਵਿੱਚ ਪਿਛਲੀਆਂ ਬਰਮਿੰਘਮ ਕਾਮਨਵੈਲਥ ਗੇਮਜ਼ ਵਿੱਚ ਕਾਂਸੀ ਦਾ ਮੈਡਲ ਜਿੱਤਿਆ ਸੀ ਤੇ ਇਸ ਵਾਰ ਉਸ ਨੇ ਆਪਣੇ ਮੈਡਲ ਦਾ ਰੰਗ ਬਦਲਿਆ।
ਹਰਜਿੰਦਰ ਕੌਰ ਦੇ ਪਿਤਾ ਹਨ ਕਿਸਾਨ
ਹਰਜਿੰਦਰ ਕੌਰ ਦੇ ਪਿਤਾ ਇੱਕ ਕਿਸਾਨ ਹਨ ਜੋ ਥੋੜੀ ਜਿਹੀ ਖੇਤੀ ਰਾਹੀ ਆਪਣੇ ਪਰਿਵਾਰ ਦਾ ਪਾਲਣ ਪੋਸ਼ਣ ਕਰਦੇ ਹੋਏ ਹਰਜਿੰਦਰ ਕੌਰ ਨੂੰ ਇਸ ਮੁਕਾਮ ਤੇ ਪਹੁੰਚਾਇਆ। ਕਾਮਨ ਵੈਲਥ ਗੇਮ ਵਿੱਚ ਚਾਂਦੀ ਦਾ ਤਗਮਾ ਜਿੱਤਣ ਤੋਂ ਬਾਅਦ ਨਾਭਾ ਵਿਖੇ ਖੁਸ਼ੀ ਦਾ ਮਾਹੌਲ ਹੈ ਪਿੰਡ ਦੇ ਵਿੱਚ ਪਿੰਡ ਦੇ ਲੋਕਾਂ ਨੇ ਇਕੱਠੇ ਹੋ ਕੇ ਪਰਿਵਾਰ ਨਾਲ ਖੁਸ਼ੀ ਸਾਂਝੀ ਕੀਤੀ। ਹਰਜਿੰਦਰ ਕੌਰ ਦੀ ਇਸ ਜਿੱਤ ਤੇ ਪਰਿਵਾਰ ਨੇ ਲੱਡੂ ਵੰਡ ਕੇ ਖੁਸ਼ੀ ਜਾਹਿਰ ਕੀਤੀ।
ਪਰਿਵਾਰ ’ਚ ਖੁਸ਼ੀ ਦੀ ਲਹਿਰ
ਇਸ ਸਬੰਧੀ ਹਰਜਿੰਦਰ ਕੌਰ ਦੇ ਪਿਤਾ, ਮਾਤਾ ਅਤੇ ਭਰਾ ਦਾ ਕਹਿਣਾ ਹੈ ਕਿ ਉਹਨਾਂ ਦੀ ਧੀ ਹਰਜਿੰਦਰ ਨੇ ਇਸ ਮੁਕਾਮ ਨੂੰ ਹਾਸਿਲ ਕਰਨ ਲਈ ਬਹੁਤ ਸਖਤ ਮਿਹਨਤ ਕੀਤੀ ਜਿੱਥੇ ਪਹਿਲੇ ਕਾਂਸੀ ਦਾ ਤਗਮਾ ਜਿੱਤਣ ਤੋਂ ਬਾਅਦ ਹਰਜਿੰਦਰ ਕੌਰ ਨੇ ਹੋਰ ਸਖਤ ਮਿਹਨਤ ਕੀਤੀ ਜਿਸ ਦਾ ਨਤੀਜਾ ਅੱਜ ਦੇਸ਼ ਲਈ ਚਾਂਦੀ ਦਾ ਮੈਡਲ ਜਿਤਨਾ ਹੈ ਉਨਾਂ ਕਿਹਾ ਕਿ ਉਹਨਾਂ ਨੂੰ ਮਾਣ ਹੈ ਕਿ ਉਹਨਾਂ ਦੀ ਧੀ ਨੇ ਦੇਸ਼ ਲਈ ਇਸ ਮੁਕਾਮ ਨੂੰ ਹਾਸਿਲ ਕੀਤਾ।
ਇਸ ਸਬੰਧੀ ਪਿੰਡ ਦੇ ਲੋਕਾਂ ਦਾ ਵੀ ਕਹਿਣਾ ਹੈ ਕਿ ਉਹਨਾਂ ਦੇ ਪਿੰਡ ਦੀ ਧੀ ਹਰਜਿੰਦਰ ਕੌਰ ਨੇ ਪੂਰੇ ਦੇਸ਼ ਵਿੱਚ ਪਿੰਡ ਮੈਂ ਇਸ ਅਤੇ ਨਾਭਾ ਨਾਮ ਚਮਕਾਇਆ ਹੈ ਅਤੇ ਉਹ ਇਸ ਲਈ ਮਾਨ ਮਹਿਸੂਸ ਕਰਦੇ ਹਨ।
ਇਸ ਮੌਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਯੂਥ ਨੇਤਾ ਬਬਲੂ ਖੋਰਾ ਨੇ ਵੀ ਪਰਿਵਾਰ ਨਾਲ ਖੁਸ਼ੀ ਸਾਂਝੀ ਕੀਤੀ ਜਿਨਾਂ ਦਾ ਕਹਿਣਾ ਹੈ ਕਿ ਪੂਰੇ ਦੇਸ਼ ਲਈ ਮਾਨ ਦੀ ਗੱਲ ਹੈ ਕਿ ਨਾਭਾ ਦੀ ਇਸ ਧੀ ਨੇ ਵੇਟ ਲਿਫਟਿੰਗ ਵਿੱਚ ਦੇਸ਼ ਨੂੰ ਚਾਂਦੀ ਦਾ ਤਗਮਾ ਜਿੱਤਿਆ।
ਇਹ ਵੀ ਪੜ੍ਹੋ : Commonwealth Games 2026 : ਗੁਲਵੀਰ ਸਿੰਘ ਨੇ ਰਚਿਆ ਇਤਿਹਾਸ, 10,000 ਮੀਟਰ ਦੌੜ ’ਚ ਜਿੱਤਿਆ ਚਾਂਦੀ ਦਾ ਤਗਮਾ
- PTC NEWS
