Wedding ceremony : ਨਾ ਲਾੜਾ ਆਇਆ, ਨਾ ਹੀ ਫੇਰੇ ਹੋਏ ਪਰ ਫਿਰ ਵੀ ਹੋਇਆ ਵਿਆਹ ! ਚਰਚਾ ਦਾ ਵਿਸ਼ਾ ਬਣਿਆ 4 ਕੁੜੀਆਂ ਦਾ ਅਨੋਖਾ ਵਿਆਹ
UP News : ਉੱਤਰ ਪ੍ਰਦੇਸ਼ ਦੇ ਝਾਂਸੀ ਜ਼ਿਲ੍ਹੇ ਦੇ ਮੌਰਾਨੀਪੁਰ ਇਲਾਕੇ ਤੋਂ ਇੱਕ ਅਨੋਖੀ ਖ਼ਬਰ ਆਈ ਹੈ। ਇੱਥੇ ਆਪਣੀ ਗ੍ਰੈਜੂਏਸ਼ਨ ਪੂਰੀ ਕਰਨ ਵਾਲੀਆਂ ਚਾਰ ਕੁੜੀਆਂ ਨੇ ਧਾਰਮਿਕ ਪਰੰਪਰਾ ਅਤੇ ਸਮਰਪਣ ਦੀ ਅਜਿਹੀ ਉਦਾਹਰਣ ਪੇਸ਼ ਕੀਤੀ ਕਿ ਇਸਨੇ ਪੂਰੇ ਇਲਾਕੇ ਵਿੱਚ ਸਨਸਨੀ ਮਚਾ ਦਿੱਤੀ। ਇਨ੍ਹਾਂ ਵਿਦਿਆਰਥਣਾਂ ਨੇ ਭਗਵਾਨ ਸ਼ਿਵ ਦੇ ਪ੍ਰਤੀਕ ਸ਼ਿਵਲਿੰਗ ਨਾਲ ਵਿਆਹ ਕਰਕੇ ਆਪਣੇ ਆਪ ਨੂੰ ਅਧਿਆਤਮਿਕ ਜੀਵਨ ਲਈ ਸਮਰਪਿਤ ਕਰ ਦਿੱਤਾ।
ਦਰਅਸਲ, ਝਾਂਸੀ ਦੇ ਮੌਰਾਨੀਪੁਰ ਦੇ ਕੁੰਜ ਬਿਹਾਰੀ ਪੈਲੇਸ ਵਿੱਚ ਆਯੋਜਿਤ ਇਸ ਵਿਸ਼ੇਸ਼ ਵਿਆਹ ਸਮਾਰੋਹ ਵਿੱਚ ਪ੍ਰਜਾਪਿਤਾ ਬ੍ਰਹਮਾਕੁਮਾਰੀ ਆਸ਼ਰਮ ਦੀ ਅਗਵਾਈ ਹੇਠ ਚਾਰ ਕੁੜੀਆਂ ਰੇਖਾ, ਵਰਦਾਨੀ, ਕਲਿਆਣੀ ਅਤੇ ਆਰਤੀ ਨੇ ਸ਼ਿਵਲਿੰਗ ਨੂੰ ਰਸਮੀ ਤੌਰ 'ਤੇ ਮਾਲਾ ਪਹਿਨਾਈ। ਇਸ ਸਮਾਗਮ ਵਿੱਚ ਬਕਾਇਦਾ ਬਾਰਾਤ ਵੀ ਆਈ, ਜਿਸ ਵਿੱਚ ਸ਼ਿਵਲਿੰਗ ਨੂੰ ਪਗੜੀ ਪਹਿਨਾ ਕੇ ਨੰਦੀ ਦੇ ਨਾਲ ਲਿਜਾਇਆ ਗਿਆ।
ਬਾਰਾਤ ਦਾ ਰਵਾਇਤੀ ਤੌਰ 'ਤੇ ਸਵਾਗਤ ਕੀਤਾ ਗਿਆ, ਤਿਲਕ ਲਗਾਇਆ ਗਿਆ ਅਤੇ ਫਿਰ ਸਟੇਜ 'ਤੇ ਚਾਰਾਂ ਕੁੜੀਆਂ ਨੇ ਭਗਵਾਨ ਸ਼ਿਵ ਦੇ ਪ੍ਰਤੀਕ ਦੇ ਸਾਹਮਣੇ ਸੱਤ ਫੇਰਿਆਂ ਦੀ ਤਰ੍ਹਾਂ 7 ਵਚਨਾਂ ਦਾ ਪਾਲਣ ਕਾਰਨ ਦੀ ਸਹੁੰ ਚੁੱਕੀ। ਇਸ ਵਿਆਹ ਸਮਾਰੋਹ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕ ਮੌਜੂਦ ਸਨ। ਲੋਕਾਂ ਨੇ ਇਸਨੂੰ ਅਧਿਆਤਮਿਕ ਕ੍ਰਾਂਤੀ ਕਿਹਾ। ਚਾਰੋਂ ਲੜਕੀਆਂ ਨੇ ਆਪਣੀ ਪੂਰੀ ਜ਼ਿੰਦਗੀ ਬ੍ਰਹਮਚਾਰੀ ਦੀ ਪਾਲਣਾ ਕਰਕੇ ਸਮਾਜ ਅਤੇ ਸੰਸਾਰ ਦੀ ਸੇਵਾ ਕਰਨ ਦਾ ਪ੍ਰਣ ਲਿਆ ਹੈ।
ਖਾਸ ਗੱਲ ਇਹ ਹੈ ਕਿ ਕਲਿਆਣੀ ਨੇ ਇੰਟਰਮੀਡੀਏਟ ਵਿੱਚ ਟਾਪ ਕੀਤਾ ਹੈ ਅਤੇ ਹੁਣ ਆਪਣੀ ਗ੍ਰੈਜੂਏਸ਼ਨ ਪੂਰੀ ਕਰ ਲਈ ਹੈ। ਸਾਰੀਆਂ ਲੜਕੀਆਂ ਆਮ ਪਰਿਵਾਰਾਂ ਤੋਂ ਹਨ ਪਰ ਹਰ ਖੇਤਰ ਵਿੱਚ ਨਿਪੁੰਨ ਹਨ। ਰੇਖਾ ਅਤੇ ਕਲਿਆਣੀ ਦਾ ਕਹਿਣਾ ਹੈ ਕਿ ਉਹ ਹੁਣ ਸੰਸਾਰਿਕ ਜੀਵਨ ਨਹੀਂ ਜਿਊਣਾ ਚਾਹੁੰਦੀਆਂ, ਸਗੋਂ ਪਰਮਾਤਮਾ ਦੇ ਮਾਰਗ 'ਤੇ ਚੱਲ ਕੇ ਸੇਵਾ ਕਰਨਾ ਚਾਹੁੰਦੀਆਂ ਹਨ। ਇਸ ਤੋਂ ਪਹਿਲਾਂ ਵੀ ਬ੍ਰਹਮਾ ਕੁਮਾਰੀ ਸੰਗਠਨ ਰਾਹੀਂ ਲਗਭਗ 50 ਹਜ਼ਾਰ ਔਰਤਾਂ ਆਪਣੇ ਆਪ ਨੂੰ ਪਰਮਾਤਮਾ ਨੂੰ ਸਮਰਪਿਤ ਕਰ ਚੁੱਕੀਆਂ ਹਨ। ਹੁਣ ਇਹ ਚਾਰੋਂ ਲੜਕੀਆਂ ਵੀ ਉਸੇ ਰਸਤੇ 'ਤੇ ਅੱਗੇ ਵਧੀਆਂ ਹਨ।
- PTC NEWS
