Gold Silver Price : Import Duty ਪਿੱਛੋਂ ਰਾਕੇਟ ਬਣੇ ਸੋਨਾ-ਚਾਂਦੀ, 3 ਲੱਖ ਤੋਂ ਪਾਰ ਪਹੁੰਚੀ ਚਾਂਦੀ ਦੀ ਕੀਮਤ, ਜਾਣੋ ਸੋਨੇ ਦਾ ਭਾਅ
Gold Silver Price : ਪੀਐਮ ਮੋਦੀ ਦੀ ਅਪੀਲ (PM Modi Apeal) ਤੋਂ ਬਾਅਦ ਸੋਨੇ-ਚਾਂਦੀ ਕੀਮਤਾਂ 'ਚ ਉਤਰਾਅ-ਚੜ੍ਹਾਅ ਲਗਾਤਾਰ ਜਾਰੀ ਹੈ। ਹੁਣ ਕੇਂਦਰ ਸਰਕਾਰ ਵੱਲੋਂ Import Duty ਵਧਾਏ ਜਾਣ ਤੋਂ ਬਾਅਦ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਤੇਜ਼ੀ ਵਿਖਾਈ ਦੇ ਰਹੀ ਹੈ। 13 ਮਈ ਨੂੰ ਸ਼ੇਅਰ ਬਾਜ਼ਾਰ ਖੁੱਲ੍ਹਦੇ ਹੀ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ (Silver Price) ਵਿੱਚ ਲਗਭਗ 30,000 ਰੁਪਏ ਦਾ ਵਾਧਾ ਹੋਇਆ। ਚਾਂਦੀ ਲਗਭਗ 18,000 ਰੁਪਏ ਵਧ ਕੇ ਲਗਭਗ 3 ਲੱਖ ਰੁਪਏ ਤੱਕ ਪਹੁੰਚ ਗਈ, ਜਦੋਂ ਕਿ ਸੋਨਾ (Gold Price) ਵੀ ਲਗਭਗ 10,000 ਰੁਪਏ ਵਧ ਕੇ 1.63 ਲੱਖ ਰੁਪਏ ਤੱਕ ਪਹੁੰਚ ਗਿਆ।
ਅੱਜ ਸਵੇਰੇ 9:30 ਵਜੇ ਦੇ ਕਰੀਬ MCX 'ਤੇ 3 ਜੁਲਾਈ ਨੂੰ ਡਿਲੀਵਰੀ ਵਾਲਾ ਸੋਨਾ 6.19 ਪ੍ਰਤੀਸ਼ਤ ਜਾਂ ₹9,503 ਦੇ ਵਾਧੇ ਨਾਲ ₹1,62,945 ਪ੍ਰਤੀ 10 ਗ੍ਰਾਮ 'ਤੇ ਵਪਾਰ ਕਰ ਰਿਹਾ ਸੀ, ਜਦਕਿ 5 ਜੂਨ ਨੂੰ ਡਿਲੀਵਰੀ ਵਾਲੀ ਚਾਂਦੀ 6.70 ਪ੍ਰਤੀਸ਼ਤ ਜਾਂ ₹18,698 ਦੇ ਵਾਧੇ ਨਾਲ ₹2,97,760 'ਤੇ ਪਹੁੰਚ ਗਈ।
ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ 'ਚ ਉਛਾਲ ਪਿੱਛੇ ਕੇਂਦਰ ਸਰਕਾਰ ਨੇ ਸੋਨੇ ਅਤੇ ਚਾਂਦੀ 'ਤੇ ਆਯਾਤ ਟੈਰਿਫ 6% ਤੋਂ ਵਧਾ ਕੇ 15% ਕਰ ਦਿੱਤਾ ਹੈ। ਇਨ੍ਹਾਂ ਕੀਮਤੀ ਧਾਤਾਂ 'ਤੇ ਆਯਾਤ ਟੈਰਿਫ ਵਿੱਚ ਇਹ ਵਾਧਾ ਸੋਨੇ ਦੀ ਦਰਾਮਦ ਨੂੰ ਘਟਾਉਣ ਅਤੇ ਚਾਲੂ ਖਾਤੇ ਦੇ ਘਾਟੇ (CAD) ਨੂੰ ਰੋਕਣ ਦੇ ਕਈ ਉਪਾਵਾਂ ਵਿੱਚੋਂ ਇੱਕ ਹੈ।
13 ਮਈ ਲਈ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ
ਅੱਜ ਸੋਨੇ ਦੀ ਕੀਮਤ ਬਾਰੇ ਗੱਲ ਕਰੀਏ ਤਾਂ, 13 ਮਈ ਨੂੰ, ਗਹਿਣਿਆਂ ਦੇ ਬਾਜ਼ਾਰ ਵਿੱਚ 24 ਕੈਰੇਟ ਸੋਨਾ ਲਗਭਗ ₹1,53,990/10 ਗ੍ਰਾਮ 'ਤੇ ਵਪਾਰ ਕਰ ਰਿਹਾ ਹੈ। ਚਾਂਦੀ ₹2,90,100/ਕਿਲੋਗ੍ਰਾਮ 'ਤੇ ਵਪਾਰ ਕਰ ਰਹੀ ਹੈ।
ਚਾਂਦੀ ਦੀਆਂ ਕੀਮਤਾਂ
- PTC NEWS
