ICAI CA Toppers List : ਆਈਸੀਏਆਈ ਸੀਏ 2026 ਦੇ ਫਾਈਨਲ ਨਤੀਜੇ ਜਾਰੀ, ਪਟਿਆਲਾ ਦੇ ਨੂਰ ਸਿੰਗਲਾ ਨੇ ਕੀਤਾ ਟਾਪ, ਇੱਥੇ ਦੇਖੋ ਲਿਸਟ
ਇੰਸਟੀਚਿਊਟ ਆਫ਼ ਚਾਰਟਰਡ ਅਕਾਊਂਟੈਂਟਸ ਆਫ਼ ਇੰਡੀਆ (ICAI) ਨੇ CA ਫਾਈਨਲ ਮਈ ਪ੍ਰੀਖਿਆ 2026 ਦੇ ਨਤੀਜੇ ਐਲਾਨ ਦਿੱਤੇ ਹਨ। ਪਟਿਆਲਾ ਦੇ ਨੂਰ ਸਿੰਗਲਾ ਨੇ 499 ਅੰਕ ਪ੍ਰਾਪਤ ਕਰਕੇ ਸੀਏ ਫਾਈਨਲ ਪ੍ਰੀਖਿਆ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਹਾਵੜਾ ਦੇ ਰਿਤਿਜ ਸਰਾਫ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ, ਅਤੇ ਡੋਂਬੀਵਲੀ ਈਸਟ ਦੇ ਸੋਹਨ ਅਨਿਲ ਮੰਜਰੇਕਰ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।
ਦੱਸ ਦਈਏ ਕਿ ਵਿਦਿਆਰਥੀ ਨਤੀਜਿਆਂ ਦੀ ਜਾਂਚ ਆਈਸੀਏਆਈ ਦੀ ਅਧਿਕਾਰਤ ਵੈੱਬਸਾਈਟ, caresults.icai.org 'ਤੇ ਜਾ ਕੇ ਕੀਤੀ ਜਾ ਸਕਦੀ ਹੈ। ਮਈ 2026 ਸੈਸ਼ਨ ਲਈ ਹਾਜ਼ਰ ਹੋਏ ਉਮੀਦਵਾਰ ਆਪਣੇ ਸੀਏ ਫਾਈਨਲ 2026 ਦੇ ਨਤੀਜੇ caresults.icai.org ਤੋਂ ਡਾਊਨਲੋਡ ਕਰ ਸਕਦੇ ਹਨ। ਸੀਏ ਫਾਈਨਲ ਨਤੀਜਾ 2026 ਦੀ ਘੋਸ਼ਣਾ ਦੇ ਨਾਲ, ਅਧਿਕਾਰੀਆਂ ਨੇ ਫਾਈਨਲ ਟਾਪਰ ਸੂਚੀ 2026 ਅਤੇ ਹੋਰ ਪ੍ਰੀਖਿਆ ਨਾਲ ਸਬੰਧਤ ਅੰਕੜੇ ਵੀ ਜਾਰੀ ਕੀਤੇ ਹਨ।
ਸੀਏ ਟਾਪਰ ਕੌਣ ਹਨ?
ਰੈਂਕ 1 - ਨੂਰ ਸਿੰਗਲਾ ਪਟਿਆਲਾ ਸ਼ਹਿਰ ਤੋਂ ਹੈ। ਉਸਨੇ 499 ਅੰਕ ਪ੍ਰਾਪਤ ਕੀਤੇ ਅਤੇ ਉਸਦੀ ਪਾਸ ਫੀਸਦ 83.17 ਹੈ।
ਰੈਂਕ 2 - ਰਿਤੇਜ ਸਰਾਫ ਹਾਵੜਾ ਸ਼ਹਿਰ ਤੋਂ ਹੈ। ਉਸਨੇ 475 ਅੰਕ ਪ੍ਰਾਪਤ ਕੀਤੇ ਅਤੇ ਉਸਦੀ ਪਾਸ ਫੀਸਦ 79.17 ਹੈ।
ਰੈਂਕ 3 - ਸੋਹਨ ਅਨਿਲ ਮੰਜਰੇਕਰ ਡੋਂਬੀਵਾਲੀ (ਪੂਰਬੀ) ਤੋਂ ਹੈ। ਉਸਨੇ 473 ਅੰਕ ਪ੍ਰਾਪਤ ਕੀਤੇ ਅਤੇ ਉਸਦੀ ਪਾਸ ਫੀਸਦ 78.83 ਹੈ।
ਸੀਏ ਫਾਈਲ ਦਾ ਨਤੀਜਾ ਕਿਵੇਂ ਰਿਹਾ?
ਗਰੁੱਪ-1: ਕੁੱਲ 54,606 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿੱਚੋਂ 6,555 ਪਾਸ ਹੋਏ। ਪਾਸ ਫੀਸਦ 12 ਰਿਹਾ।
ਗਰੁੱਪ-2: ਕੁੱਲ 42,573 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿੱਚੋਂ 8,725 ਪਾਸ ਹੋਏ। ਪਾਸ ਫੀਸਦ 20.49 ਰਿਹਾ।
ਦੋਵੇਂ ਗਰੁੱਪ: ਦੋਵਾਂ ਗਰੁੱਪਾਂ ਲਈ ਕੁੱਲ 23,776 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿੱਚੋਂ 3,345 ਪਾਸ ਹੋਏ। ਪਾਸ ਫੀਸਦ 14.07 ਰਹੀ।
ਇਨ੍ਹਾਂ ਨਤੀਜਿਆਂ ਦੇ ਐਲਾਨ ਤੋਂ ਬਾਅਦ, ਕੁੱਲ 7,931 ਉਮੀਦਵਾਰਾਂ ਨੇ ਚਾਰਟਰਡ ਅਕਾਊਂਟੈਂਟ ਵਜੋਂ ਯੋਗਤਾ ਪ੍ਰਾਪਤ ਕੀਤੀ ਹੈ।
ਇਸ ਸਾਲ, ਸੀਏ ਫਾਈਨਲ ਪ੍ਰੀਖਿਆ 2026 2 ਮਈ ਤੋਂ 12 ਮਈ, 2026 ਤੱਕ ਆਯੋਜਿਤ ਕੀਤੀ ਗਈ ਸੀ। ਇਹ ਪ੍ਰੀਖਿਆ ਭਾਰਤ ਅਤੇ ਵਿਦੇਸ਼ਾਂ ਦੇ ਵੱਖ-ਵੱਖ ਪ੍ਰੀਖਿਆ ਕੇਂਦਰਾਂ 'ਤੇ ਪੈੱਨ-ਐਂਡ-ਕਾਗਜ਼ ਮੋਡ ਵਿੱਚ ਔਫਲਾਈਨ ਆਯੋਜਿਤ ਕੀਤੀ ਗਈ ਸੀ। ਸੀਏ ਫਾਈਨਲ ਮਈ 2026 ਦੇ ਨਤੀਜੇ ਵਿੱਚ ਉਮੀਦਵਾਰ ਦੀ ਯੋਗਤਾ ਸਥਿਤੀ ਸ਼ਾਮਲ ਹੋਵੇਗੀ। ਸੀਏ ਫਾਈਨਲ ਪੱਧਰ ਲਈ ਯੋਗਤਾ ਪ੍ਰਾਪਤ ਕਰਨ ਵਾਲੇ ਉਮੀਦਵਾਰਾਂ ਨੂੰ ਅਧਿਕਾਰੀਆਂ ਨੂੰ ਲੋੜੀਂਦੇ ਦਸਤਾਵੇਜ਼ ਜਮ੍ਹਾਂ ਕਰਾਉਣ ਤੋਂ ਬਾਅਦ ਐਸੋਸੀਏਟ ਚਾਰਟਰਡ ਅਕਾਊਂਟੈਂਟ (ਏਸੀਏ) ਪ੍ਰਮਾਣੀਕਰਣ ਪ੍ਰਾਪਤ ਹੋਵੇਗਾ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰੀ ਕੁਲਚੇ ਨੂੰ ਜੀ.ਆਈ. ਟੈਗ ਦਿਵਾਉਣ ਲਈ ਤਾਲਮੇਲ ਕਮੇਟੀ ਦੇ ਗਠਨ ਸਬੰਧੀ 19 ਜੂਨ ਨੂੰ ਹੋਵੇਗੀ ਅਹਿਮ ਮੀਟਿੰਗ
- PTC NEWS
