Sat, Jun 15, 2024
Whatsapp

ਮਾਊਂਟ ਐਵਰੈਸਟ ਫਤਿਹ ਕਰਨਾ ਚਾਹੁੰਦੇ ਸੀ ਬੰਸੀ ਲਾਲ...ਸਫਰ ਦੌਰਾਨ ਹੋਈ ਮੌਤ...ਕੈਮਰੇ 'ਚ ਕੈਦ ਹੋਈ ਜਾਮ ਦੀ ਵੀਡੀਓ

Indian Moutaineer Died : ਪਰਬਤਾਰੋਹੀਆਂ ਦੀਆਂ ਲੰਮੀਆਂ ਕਤਾਰਾਂ ਨੂੰ ਦਰਸਾਉਂਦੀਆਂ ਤਾਜ਼ਾ ਫੋਟੋਆਂ ਅਤੇ ਵੀਡੀਓਜ਼ ਨੇ ਅਜਿਹੀਆਂ ਹਾਲਤਾਂ ਵਿੱਚ ਐਵਰੈਸਟ ਉੱਤੇ ਚੜ੍ਹਨ ਦੀ ਸੁਰੱਖਿਆ ਅਤੇ ਸਥਿਰਤਾ ਬਾਰੇ ਪਰਬਤਾਰੋਹੀ ਭਾਈਚਾਰੇ ਵਿੱਚ ਇੱਕ ਵਾਰ ਮੁੜ ਚਰਚਾ ਛੇੜ ਦਿੱਤੀ ਹੈ।

Written by  KRISHAN KUMAR SHARMA -- May 29th 2024 06:47 PM
ਮਾਊਂਟ ਐਵਰੈਸਟ ਫਤਿਹ ਕਰਨਾ ਚਾਹੁੰਦੇ ਸੀ ਬੰਸੀ ਲਾਲ...ਸਫਰ ਦੌਰਾਨ ਹੋਈ ਮੌਤ...ਕੈਮਰੇ 'ਚ ਕੈਦ ਹੋਈ ਜਾਮ ਦੀ ਵੀਡੀਓ

ਮਾਊਂਟ ਐਵਰੈਸਟ ਫਤਿਹ ਕਰਨਾ ਚਾਹੁੰਦੇ ਸੀ ਬੰਸੀ ਲਾਲ...ਸਫਰ ਦੌਰਾਨ ਹੋਈ ਮੌਤ...ਕੈਮਰੇ 'ਚ ਕੈਦ ਹੋਈ ਜਾਮ ਦੀ ਵੀਡੀਓ

Indian Moutaineer Died : ਮਾਊਂਟ ਐਵਰੈਸਟ ਫਤਿਹ ਦਾ ਸਫ਼ਰ ਕਰ ਰਹੇ ਇੱਕ ਭਾਰਤੀ ਪਰਬਤਾਰੋਹੀ ਦੀ ਸਫਰ ਦੌਰਾਨ ਮੌਤ ਹੋਣ ਦੀ ਦੁਖਦਾਈ ਖ਼ਬਰ ਹੈ। ਛੱਤੀਸਗੜ੍ਹ ਦੇ ਕਾਂਕੇਰ ਦੇ ਰਹਿਣ ਵਾਲੇ ਪਰਬਤਾਰੋਹੀ ਬੰਸ਼ੀ ਲਾਲ ਨੇਤਾਮ ਮਾਊਂਟ ਐਵਰੈਸਟ (Mountaineer Banshee Lal Netam) 'ਤੇ ਚੜ੍ਹਦੇ ਸਮੇਂ ਬੀਮਾਰ ਹੋ ਗਏ ਸਨ। ਉਨ੍ਹਾਂ ਨੂੰ ਬਚਾਅ ਕਰਮਚਾਰੀਆਂ ਵੱਲੋਂ ਨੇਪਾਲ ਦੇ HAMS ਹਸਪਤਾਲ ਦੇ ਆਈਸੀਯੂ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਜਿੱਥੇ 27 ਮਈ 2024 ਨੂੰ ਉਸਦੀ ਮੌਤ ਹੋ ਗਈ ਸੀ।

46 ਸਾਲਾ ਬੰਸ਼ੀਲਾਲ ਇੱਕ ਐਥਲੀਟ, ਬਾਈਕਰ ਅਤੇ ਛੱਤੀਸਗੜ੍ਹ ਪੁਲਿਸ ਕਮਾਂਡੋ ਟ੍ਰੇਨਰ ਸਨ। ਇਸਤੋਂ ਇਲਾਵਾ ਉਹ ਸਾਈਕਲਿੰਕ 'ਚ ਵਿਸ਼ਵ ਰਿਕਾਰਡ ਵੀ ਬਣਾ ਚੁੱਕੇ ਹਨ। ਬੰਸ਼ੀਲਾਲ ਇਸ ਸਾਲ ਅਪ੍ਰੈਲ 'ਚ ਮਾਊਂਟ ਐਵਰੈਸਟ 'ਤੇ ਚੜ੍ਹਨ ਲਈ ਨੇਪਾਲ ਗਏ ਸਨ ਅਤੇ ਇਸ ਯਾਤਰਾ ਦੌਰਾਨ ਉਨ੍ਹਾਂ ਨੇ 6400 ਮੀਟਰ 19 ਮਈ 2024 ਤੱਕ ਪੂਰਾ ਕਰ ਲਿਆ ਸੀ।


ਬੰਸ਼ੀ ਲਾਲ ਦੀ ਮੌਤ ਨਾਲ ਇਸ ਸਾਲ ਦੇ ਐਵਰੈਸਟ ਚੜ੍ਹਾਈ ਸੀਜ਼ਨ ਦੌਰਾਨ ਮਰਨ ਵਾਲਿਆਂ ਦੀ ਗਿਣਤੀ ਅੱਠ ਹੋ ਗਈ ਹੈ। ਇਨ੍ਹਾਂ ਵਿੱਚ ਪੰਜ ਪਰਬਤਾਰੋਹੀਆਂ ਦੀ ਮੌਤ ਹੋ ਗਈ ਹੈ, ਜਦੋਂ ਕਿ ਤਿੰਨ ਹੋਰ ਲਾਪਤਾ ਹਨ ਅਤੇ ਮੰਨਿਆ ਜਾਂਦਾ ਹੈ ਕਿ ਉਹ ਮਰ ਗਏ ਹੋਏ ਹਨ। ਹਾਲਾਂਕਿ ਇਸ ਵਾਰ ਚੰਗੀ ਗੱਲ ਇਹ ਹੈ ਕਿ ਮਰਨ ਵਾਲਿਆਂ ਦੀ ਗਿਣਤੀ ਪਿਛਲੇ ਸਾਲ ਦੇ ਮੁਕਾਬਲੇ ਘੱਟ ਹੈ, ਜਦੋਂ ਦੁਨੀਆ ਦੀ ਸਭ ਤੋਂ ਉੱਚੀ ਚੋਟੀ 'ਤੇ 18 ਪਰਬਤਰੋਹੀਆਂ ਦੀ ਮੌਤ ਹੋ ਗਈ ਸੀ।

ਮਾਊਂਟ ਐਵਰੈਸਟ 'ਤੇ ਭੀੜ-ਭੜੱਕੇ ਦਾ ਮੁੱਦਾ ਇਕ ਵਾਰ ਫਿਰ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਪਰਬਤਾਰੋਹੀਆਂ ਦੀਆਂ ਲੰਮੀਆਂ ਕਤਾਰਾਂ ਨੂੰ ਦਰਸਾਉਂਦੀਆਂ ਤਾਜ਼ਾ ਫੋਟੋਆਂ ਅਤੇ ਵੀਡੀਓਜ਼ ਨੇ ਅਜਿਹੀਆਂ ਹਾਲਤਾਂ ਵਿੱਚ ਐਵਰੈਸਟ ਉੱਤੇ ਚੜ੍ਹਨ ਦੀ ਸੁਰੱਖਿਆ ਅਤੇ ਸਥਿਰਤਾ ਬਾਰੇ ਪਰਬਤਾਰੋਹੀ ਭਾਈਚਾਰੇ ਵਿੱਚ ਇੱਕ ਵਾਰ ਮੁੜ ਚਰਚਾ ਛੇੜ ਦਿੱਤੀ ਹੈ।

ਭਾਰਤੀ ਪਰਬਤਾਰੋਹੀ ਰਾਜਨ ਦਿਵੇਦੀ ਨੇ ਹਾਲ ਹੀ ਵਿੱਚ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜੋ ਸਿਖਰ 'ਤੇ ਚੜ੍ਹਨ ਦੌਰਾਨ ਪਰਬਤਾਰੋਹੀਆਂ ਦੇ "ਟ੍ਰੈਫਿਕ ਜਾਮ" ਨੂੰ ਸਪਸ਼ਟ ਰੂਪ ਵਿੱਚ ਕੈਪਚਰ ਕਰਦੀ ਹੈ। ਇਹ ਵੀਡੀਓ ਬ੍ਰਿਟਿਸ਼ ਪਰਬਤਾਰੋਹੀ ਡੇਨੀਅਲ ਪੈਟਰਸਨ ਅਤੇ ਉਸਦੇ ਨੇਪਾਲੀ ਸ਼ੇਰਪਾ, ਪਾਸਟਨਜੀ ਨੇ ਸਫਰ ਦੌਰਾਨ ਬਰਫ਼ ਦੇ ਡਿੱਗਣ ਨਾਲ ਜ਼ਖਮੀ ਹੋਣ ਪਿੱਛੋਂ ਵਾਪਸੀ ਦੌਰਾਨ ਲਿਆ ਗਿਆ ਸੀ।

ਵੀਡੀਓ ਵਿੱਚ ਬਰਫ਼ ਦੀ ਇੱਕ ਤੰਗ ਪੱਟੀ ਉੱਤੇ ਉੱਪਰ ਵੱਲ ਜਾਣ ਦੀ ਉਡੀਕ ਵਿੱਚ ਚੜ੍ਹਾਈ ਕਰਨ ਵਾਲਿਆਂ ਦੀ ਇੱਕ ਲੰਮੀ ਲਾਈਨ ਦਿਖਾਈ ਦਿੰਦੀ ਹੈ। ਦੱਸ ਦਈਏ ਕਿ ਅਜਿਹੀ ਦੇਰੀ ਪਰਬਤਾਰੋਹੀਆਂ ਲਈ ਖ਼ਤਰਨਾਕ ਹੋ ਸਕਦੀ ਹੈ ਕਿਉਂਕਿ ਕਠੋਰ ਸਥਿਤੀਆਂ ਦੇ ਲੰਬੇ ਸਮੇਂ ਤੱਕ ਸੰਪਰਕ ਉਨ੍ਹਾਂ ਦੇ ਆਕਸੀਜਨ ਦੇ ਪੱਧਰ ਨੂੰ ਘਟਾ ਦਿੰਦਾ ਹੈ ਅਤੇ ਉਨ੍ਹਾਂ ਦੇ ਬਿਮਾਰੀ ਅਤੇ ਥਕਾਵਟ ਦੇ ਜੋਖਮ ਨੂੰ ਵਧਾਉਂਦਾ ਹੈ।

- PTC NEWS

Top News view more...

Latest News view more...

PTC NETWORK