Tue, Jun 25, 2024
Whatsapp

ਥੱਪੜ ਕਾਂਡ ਤੋਂ ਬਾਅਦ PM ਮੋਦੀ ਦੇ ਸਹੁੰ ਚੁੱਕ ਸਮਾਗਮ 'ਚ ਰਾਇਲ ਲੁੱਕ 'ਚ ਨਜ਼ਰ ਆਈ ਕੰਗਨਾ

kangana Ranaut Look In Oath Ceremony : ਇਸ ਸਹੁੰ ਚੁੱਕ ਸਮਾਗਮ 'ਚ ਕਈ ਫਿਲਮੀ ਹਸਤੀਆਂ ਸ਼ਾਹਰੁਖ ਖਾਨ, ਰਵੀਨਾ ਟੰਡਨ, ਅਨੁਪਮ ਖੇਰ, ਅਕਸ਼ੈ ਕੁਮਾਰ, ਅਨਿਲ ਕਪੂਰ ਆਦਿ ਸਿਤਾਰੇ ਵੀ ਨਜ਼ਰ ਆਏ। ਪਰ ਇਸ ਸਮਾਗਮ 'ਚ ਜੋ ਸੁਰਖੀਆਂ 'ਚ ਰਹੀ ਉਹ ਨਵੀਂ ਚੁਣੀ ਗਈ ਸੰਸਦ ਮੈਂਬਰ ਅਤੇ ਅਦਾਕਾਰਾ ਕੰਗਨਾ ਰਣੌਤ ਸੀ।

Written by  KRISHAN KUMAR SHARMA -- June 10th 2024 11:54 AM
ਥੱਪੜ ਕਾਂਡ ਤੋਂ ਬਾਅਦ PM ਮੋਦੀ ਦੇ ਸਹੁੰ ਚੁੱਕ ਸਮਾਗਮ 'ਚ ਰਾਇਲ ਲੁੱਕ 'ਚ ਨਜ਼ਰ ਆਈ ਕੰਗਨਾ

ਥੱਪੜ ਕਾਂਡ ਤੋਂ ਬਾਅਦ PM ਮੋਦੀ ਦੇ ਸਹੁੰ ਚੁੱਕ ਸਮਾਗਮ 'ਚ ਰਾਇਲ ਲੁੱਕ 'ਚ ਨਜ਼ਰ ਆਈ ਕੰਗਨਾ

kangana Ranaut Look In Oath Ceremony : ਕੱਲ੍ਹ ਯਾਨੀ 9 ਜੂਨ ਨੂੰ ਨਰਿੰਦਰ ਮੋਦੀ ਨੇ ਰਾਸ਼ਟਰਪਤੀ ਭਵਨ 'ਚ ਤੀਜੀ ਵਾਰ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕੀ ਹੈ। ਉਨ੍ਹਾਂ ਦੇ ਨਾਲ ਹੀ 71 ਹੋਰ ਮੰਤਰੀਆਂ ਨੇ ਵੀ ਸਹੁੰ ਚੁੱਕੀ। ਇਸ ਸਹੁੰ ਚੁੱਕ ਸਮਾਗਮ 'ਚ ਕਈ ਪ੍ਰਮੁੱਖ ਸਿਆਸੀ ਅਤੇ ਫਿਲਮੀ ਹਸਤੀਆਂ ਨੇ ਵੀ ਸ਼ਿਰਕਤ ਕੀਤੀ ਸੀ, ਜਿਸ 'ਚ ਸ਼ਾਹਰੁਖ ਖਾਨ, ਰਵੀਨਾ ਟੰਡਨ, ਅਨੁਪਮ ਖੇਰ, ਅਕਸ਼ੈ ਕੁਮਾਰ, ਅਨਿਲ ਕਪੂਰ ਆਦਿ ਸਿਤਾਰੇ ਵੀ ਨਜ਼ਰ ਆਏ। ਪਰ ਇਸ ਸਮਾਗਮ 'ਚ ਜੋ ਸੁਰਖੀਆਂ 'ਚ ਰਹੀ ਉਹ ਨਵੀਂ ਚੁਣੀ ਗਈ ਸੰਸਦ ਮੈਂਬਰ ਅਤੇ ਅਦਾਕਾਰਾ ਕੰਗਨਾ ਰਣੌਤ ਸੀ। ਕੰਗਨਾ ਬੇਹੱਦ ਖੂਬਸੂਰਤ ਅਤੇ ਖੁਸ਼ ਨਜ਼ਰ ਆ ਰਹੀ ਸੀ। ਉਨ੍ਹਾਂ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਵਾਇਰਲ ਹੋ ਰਹੀਆਂ ਹਨ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀ ਕਾਫੀ ਤਾਰੀਫ ਕਰ ਰਹੇ ਹਨ।

ਦੱਸ ਦਈਏ ਕਿ ਬੀਤੇ ਦਿਨੀ ਕੰਗਨਾ ਰਣੌਤ ਨਾਲ ਚੰਡੀਗੜ੍ਹ ਹਵਾਈ ਅੱਡੇ 'ਤੇ ਥੱਪੜ ਦੀ ਘਟਨਾ ਵਾਪਰੀ ਸੀ। ਉਸ ਨੂੰ ਸੀਆਈਐਸਐਫ ਦੀ ਕਾਂਸਟੇਬਲ ਕੁਲਵਿੰਦਰ ਕੌਰ ਨੇ ਥੱਪੜ ਮਾਰ ਦਿੱਤਾ ਸੀ।


ਕੰਗਨਾ ਰਣੌਤ ਨੇ ਲੁੱਕ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕੀਤੀ ਸ਼ੇਅਰ

ਕੰਗਨਾ ਰਣੌਤ ਨੇ ਆਪਣੇ ਐਕਸ ਅਕਾਊਂਟ 'ਤੇ ਆਪਣੇ ਸਹੁੰ ਚੁੱਕ ਸਮਾਗਮ ਤੋਂ ਆਪਣਾ ਲੁੱਕ ਸ਼ੇਅਰ ਕੀਤਾ ਹੈ ਅਤੇ ਆਪਣੇ ਪ੍ਰਸ਼ੰਸਕਾਂ ਨੂੰ ਪੁੱਛਿਆ, ਸਹੁੰ ਚੁੱਕ ਸਮਾਗਮ ਤੋਂ ਮੇਰਾ ਲੁੱਕ ਕਿਹੋ ਜਿਹਾ ਹੈ? ਕੁਝ ਹੀ ਸਮੇਂ 'ਚ ਉਸਦੀ ਪੋਸਟ ਨੂੰ ਬਹੁਤ ਸਾਰੇ ਲਾਈਕਸ ਅਤੇ ਟਿੱਪਣੀਆਂ ਨਾਲ ਭਰ ਦਿੱਤਾ ਗਿਆ। ਸਹੁੰ ਚੁੱਕ ਸਮਾਗਮ ਤੋਂ ਇਕ ਘੰਟਾ ਪਹਿਲਾਂ ਕੰਗਨਾ ਨੇ ਆਪਣੇ ਐਕਸ ਅਕਾਊਂਟ 'ਤੇ ਆਪਣੀ ਲੁੱਕ ਸ਼ੇਅਰ ਕੀਤੀ ਸੀ।

ਵੀਡੀਓ ਦੇ ਕੈਪਸ਼ਨ 'ਚ ਉਨ੍ਹਾਂ ਨੇ ਲਿਖਿਆ ਸੀ ਕੀ, ਮੇਰਾ ਸਹੁੰ ਦਾ ਦਿਨ ਕਿਹੋ ਜਿਹਾ ਹੈ? ਕਮੈਂਟ ਕਰਦੇ ਹੋਏ ਇਕ ਪ੍ਰਸ਼ੰਸਕ ਨੇ ਲਿਖਿਆ ਕੀ, ਤੁਸੀਂ ਸ਼ਾਹੀ ਰਾਣੀ ਦੀ ਤਰ੍ਹਾਂ ਲੱਗ ਰਹੇ ਹੋ।

ਸਾੜੀ 'ਚ ਨਜ਼ਰ ਆਈ ਸੀ ਕੰਗਨਾ

ਇਸ ਖਾਸ ਦਿਨ 'ਤੇ ਕੰਗਨਾ ਚਿਟੇ ਪਹਿਰਾਵੇ 'ਚ ਨਜ਼ਰ ਆਈ ਸੀ। ਦਸ ਦਈਏ ਕਿ ਉਸਨੇ ਚਿੱਟੇ ਬਲਾਊਜ਼ ਦੇ ਨਾਲ ਹਾਥੀ ਦੰਦ ਦੀ ਸਾੜੀ ਪਾਈ ਸੀ। ਉਸ ਦਾ ਲੁੱਕ ਕਾਫੀ ਸ਼ਾਨਦਾਰ ਲੱਗ ਰਿਹਾ ਸੀ। ਵਾਲ ਛੋਟੇ ਸਨ ਅਤੇ ਪਿਛਲੇ ਪਾਸੇ ਘੁੰਗਰਾਲੇ ਹੋਏ ਸਨ। ਇਹ ਮੁੱਖ ਤੌਰ 'ਤੇ ਸਿੱਧੇ retro ਸ਼ੈਲੀ 'ਚ ਸੀ। ਉਸਨੇ ਕੰਨਾਂ ਅਤੇ ਗਲੇ 'ਚ ਮੋਤੀਆਂ, ਰਤਨਾਂ ਅਤੇ ਪੰਨਿਆਂ ਦਾ ਇੱਕ ਹਾਰ ਪਾਇਆ ਹੋਇਆ ਸੀ, ਜੋ ਉਸਦੀ ਸਾੜੀ ਦੇ ਰੰਗ ਨਾਲ ਮੇਲ ਖਾਂਦਾ ਸੀ। ਜ਼ਿਆਦਾ ਹੈਵੀ ਮੇਕਅੱਪ ਨਹੀਂ, ਸਗੋਂ ਉਹ ਮਿਨਿਮਲ ਮੇਕਅੱਪ 'ਚ ਨਜ਼ਰ ਆਈ। ਦਸ ਦਈਏ ਕਿ ਕੰਗਨਾ ਰਣੌਤ ਨੇ ਮੰਡੀ ਲੋਕ ਸਭਾ ਸੀਟ ਤੋਂ ਵਿਕਰਮਾਦਿੱਤਿਆ ਸਿੰਘ ਨੂੰ ਹਰਾ ਕੇ ਇਹ ਜਿੱਤ ਹਾਸਲ ਕੀਤੀ ਹੈ।

- PTC NEWS

Top News view more...

Latest News view more...

PTC NETWORK