Mahakumbh Mahashivratri: ਸ਼ਿਵਰਾਤਰੀ ਮੌਕੇ ਮਹਾਂਕੁੰਭ ਲਈ ਆਖਰੀ ‘ਇਸ਼ਨਾਨ’ ਸ਼ੁਰੂ
Mahakumbh Mahashivratri: ਅੱਜ ਮਹਾਕੁੰਭ ਦਾ ਆਖਰੀ ਦਿਨ ਹੈ। ਸਵੇਰੇ 6 ਵਜੇ ਤੱਕ, 41.11 ਲੱਖ ਲੋਕ ਇਸ਼ਨਾਨ ਕਰ ਚੁੱਕੇ ਸਨ। ਪਿਛਲੇ 44 ਦਿਨਾਂ ਵਿਚ, 65 ਕਰੋੜ ਸ਼ਰਧਾਲੂਆਂ ਨੇ ਸੰਗਮ ਵਿਚ ਡੁਬਕੀ ਲਗਾਈ। 45 ਦਿਨਾਂ ਤੱਕ ਚੱਲਣ ਵਾਲੇ ਮਹਾਂਕੁੰਭ ਦਾ ਸਮਾਪਨ ਅੱਜ ਮਹਾਂਸ਼ਿਵਰਾਤਰੀ ਤਿਉਹਾਰ ਦੇ ਇਸ਼ਨਾਨ ਨਾਲ ਹੋਵੇਗਾ। ਅੱਜ ਸ਼ਿਵਰਾਤਰੀ ’ਤੇ 3 ਕਰੋੜ ਸ਼ਰਧਾਲੂਆਂ ਦੇ ਆਉਣ ਦੀ ਉਮੀਦ ਹੈ। ਭਾਵ, ਕੁੱਲ ਅੰਕੜਾ 66 ਤੋਂ 67 ਕਰੋੜ ਤੱਕ ਪਹੁੰਚ ਜਾਵੇਗਾ। ਸੰਗਮ ਵਿਚ ਡੁਬਕੀ ਲਗਾਉਣ ਵਾਲੇ ਲੋਕਾਂ ਦੀ ਇਹ ਗਿਣਤੀ 193 ਦੇਸ਼ਾਂ ਦੀ ਆਬਾਦੀ ਤੋਂ ਵੱਧ ਹੈ। ਸਿਰਫ਼ ਭਾਰਤ ਅਤੇ ਚੀਨ ਦੀ ਆਬਾਦੀ ਹੀ ਮਹਾਂਕੁੰਭ ਵਿਚ ਆਉਣ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ ਤੋਂ ਵੱਧ ਹੈ। ਮਹਾਂਕੁੰਭ ਦੇ ਆਖਰੀ ਇਸ਼ਨਾਨ ਦੇ ਮੱਦੇਨਜ਼ਰ, 25 ਫਰਵਰੀ ਦੀ ਸ਼ਾਮ ਤੋਂ ਪ੍ਰਯਾਗਰਾਜ ਸ਼ਹਿਰ ਵਿਚ ਵਾਹਨਾਂ ਦੇ ਦਾਖਲੇ ’ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਮੇਲੇ ਦੇ ਅੰਦਰ ਵੀ ਵਾਹਨ ਨਹੀਂ ਚੱਲ ਰਹੇ। ਰਾਤ ਤੋਂ ਹੀ ਸੰਗਮ ਵੱਲ ਜਾਣ ਵਾਲੀਆਂ ਸੜਕਾਂ ’ਤੇ ਭਾਰੀ ਭੀੜ ਹੈ। ਸੰਗਮ ਘਾਟ ’ਤੇ ਇਸ਼ਨਾਨ ਕਰਨ ਤੋਂ ਬਾਅਦ, ਸ਼ਰਧਾਲੂਆਂ ਨੂੰ ਘਾਟ ਖਾਲੀ ਕਰਨ ਲਈ ਕਿਹਾ ਜਾ ਰਿਹਾ ਹੈ ਤਾਂ ਜੋ ਉੱਥੇ ਭੀੜ ਨਾ ਹੋਵੇ।
महाकुम्भ-2025, प्रयागराज में भगवान भोलेनाथ की उपासना को समर्पित महाशिवरात्रि के पावन स्नान पर्व पर आज त्रिवेणी संगम में आस्था की डुबकी लगाने हेतु पधारे सभी पूज्य साधु-संतों, कल्पवासियों एवं श्रद्धालुओं का हार्दिक अभिनंदन!
त्रिभुवनपति भगवान शिव और पुण्य सलिला माँ गंगा सभी का…
— Yogi Adityanath (@myogiadityanath) February 25, 2025
ਮੁੱਖ ਮੰਤਰੀ ਨੇ ਐਕਸ ’ਤੇ ਇਕ ਪੋਸਟ ਵਿਚ ਕਿਹਾ, ‘‘ਸਾਧੂ ਸੰਤਾਂ, ਕਲਪਾਸੀਆਂ ਤੇ ਸ਼ਰਧਾਲੂਆਂ ਨੂੰ ਬਹੁਤ ਵਧਾਈਆਂ, ਜੋ ਮਹਾਸ਼ਿਵਰਾਤਰੀ ਮੌਕੇ ਅੱਜ ਤ੍ਰਿਵੇਣੀ ਦੇ ਸੰਗਮ ’ਤੇ ਪਵਿੱਤਰ ਇਸ਼ਨਾਨ ਲਈ ਪੁੱਜੇ ਹਨ…ਹਰ ਹਰ ਮਹਾਂਦੇਵ!’’
- PTC NEWS
