Microsoft layoffs 2025 : ਮਾਈਕ੍ਰੋਸਾਫਟ ਦਾ ਵੱਡਾ ਫੈਸਲਾ ! ਕੰਮ ਚੰਗਾ ਨਹੀਂ ਕੀਤਾ ਤਾਂ ਗੁਆ ਬੈਠੋਗੇ ਨੌਕਰੀ, ਛਾਂਟੀ ਜਲਦ
Microsoft layoffs 2025 : ਤਕਨੀਕੀ ਖੇਤਰ ਦੀ ਦਿੱਗਜ ਕੰਪਨੀ ਮਾਈਕ੍ਰੋਸਾਫਟ ਨੇ ਐਲਾਨ ਕੀਤਾ ਹੈ ਕਿ ਉਹ 2025 ਵਿੱਚ ਕਰਮਚਾਰੀਆਂ ਦੀ ਛਾਂਟੀ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਕਦਮ ਦਾ ਉਨ੍ਹਾਂ ਕਰਮਚਾਰੀਆਂ 'ਤੇ ਅਸਰ ਪਵੇਗਾ ਜਿਨ੍ਹਾਂ ਦਾ ਪ੍ਰਦਰਸ਼ਨ ਕੰਪਨੀ ਦੇ ਮਿਆਰਾਂ ਦੇ ਅਨੁਸਾਰ ਨਹੀਂ ਹੈ।
ਕਿੰਨੇ ਕਰਮਚਾਰੀ ਹੋਣਗੇ ਪ੍ਰਭਾਵਿਤ ?
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਮਾਈਕ੍ਰੋਸਾਫਟ ਦੇ ਬੁਲਾਰੇ ਨੇ ਪੁਸ਼ਟੀ ਕੀਤੀ ਕਿ ਛਾਂਟੀ ਕੰਪਨੀ ਦੇ ਇੱਕ ਫੀਸਦ ਤੋਂ ਵੀ ਘੱਟ ਕਰਮਚਾਰੀਆਂ ਨੂੰ ਪ੍ਰਭਾਵਤ ਕਰੇਗੀ। ਕੰਪਨੀ ਨੇ ਇਹ ਨਹੀਂ ਦੱਸਿਆ ਕਿ ਕਿੰਨੇ ਕਰਮਚਾਰੀਆਂ ਦੀਆਂ ਨੌਕਰੀਆਂ ਜਾ ਸਕਦੀਆਂ ਹਨ। ਰਿਪੋਰਟ ਦੇ ਅਨੁਸਾਰ, ਜੂਨ 2024 ਤੱਕ ਮਾਈਕ੍ਰੋਸਾਫਟ ਦੇ ਕੁੱਲ 2,28,000 ਪੂਰੇ ਸਮੇਂ ਦੇ ਕਰਮਚਾਰੀ ਸਨ।
ਪਹਿਲਾਂ ਵੀ ਹੋ ਚੁੱਕੀਆਂ ਹਨ ਕਟੌਤੀਆਂ
ਮਾਈਕ੍ਰੋਸਾਫਟ ਪਹਿਲਾਂ ਵੀ ਨੌਕਰੀਆਂ ਵਿੱਚ ਕਟੌਤੀ ਕਰ ਚੁੱਕਾ ਹੈ। 2024 ਵਿੱਚ, ਗੇਮਿੰਗ ਡਿਵੀਜ਼ਨ ਵਿੱਚ ਲਗਭਗ 2,000 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ। ਇਸ ਸਾਲ, ਕੰਪਨੀ ਨੇ ਆਪਣੇ Azure ਕਲਾਉਡ ਕੰਪਿਊਟਿੰਗ ਕਾਰੋਬਾਰ ਵਿੱਚ ਵੀ ਛਾਂਟੀ ਕੀਤੀ। 2023 ਵਿੱਚ, ਰੈੱਡਫਾਲ ਡਿਵੈਲਪਰ ਅਰਕੇਨ ਆਸਟਿਨ ਅਤੇ ਟੈਂਗੋ ਗੇਮਵਰਕਸ ਵਰਗੇ ਗੇਮਿੰਗ ਡਿਵੈਲਪਰਾਂ ਨੇ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ।
ਪ੍ਰਦਰਸ਼ਨ 'ਤੇ ਜ਼ੋਰ
ਮਾਈਕ੍ਰੋਸਾਫਟ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਉਹ ਉੱਚ-ਪ੍ਰਦਰਸ਼ਨ ਵਾਲੀ ਪ੍ਰਤਿਭਾ ਨੂੰ ਤਰਜੀਹ ਦਿੰਦਾ ਹੈ। ਕੰਪਨੀ ਨੇ ਇਹ ਵੀ ਕਿਹਾ ਕਿ ਜਦੋਂ ਕਰਮਚਾਰੀ ਉਮੀਦ ਅਨੁਸਾਰ ਪ੍ਰਦਰਸ਼ਨ ਕਰਨ ਵਿੱਚ ਅਸਫਲ ਰਹਿੰਦੇ ਹਨ, ਤਾਂ ਉਨ੍ਹਾਂ ਖਿਲਾਫ ਢੁਕਵੀਂ ਕਾਰਵਾਈ ਕੀਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ : WhatsApp 'ਤੇ ਇਕ ਕਲਿੱਕ ਨਾਲ ਸਾਰੇ ਰਾਜ਼ ਦਫਨ ਹੋ ਜਾਂਦੇ ਹਨ, ਕੋਈ ਵੀ ਉਨ੍ਹਾਂ ਨੂੰ ਪ੍ਰਗਟ ਨਹੀਂ ਕਰ ਸਕੇਗਾ
- PTC NEWS
