'ਅੱਜ ਅਰਸ਼ਦ ਦਾ ਦਿਨ ਸੀ...' ਪੈਰਿਸ ਓਲੰਪਿਕ 'ਚ ਚਾਂਦੀ ਦਾ ਤਗਮਾ ਜਿੱਤਣ ਪਿੱਛੋਂ Neeraj Chopra ਨੇ ਦੱਸਿਆ Future Plan
Neeraj Chopra praised Arshad Nadeem : ਭਾਰਤ ਦੇ ਗੋਲਡਨ ਬੁਆਏ ਨੀਰਜ ਚੋਪੜਾ ਲਗਾਤਾਰ ਦੋ ਓਲੰਪਿਕ ਸੋਨ ਤਗਮੇ ਜਿੱਤਣ ਵਾਲੇ ਦੇਸ਼ ਦੇ ਪਹਿਲਾ ਐਥਲੀਟ ਬਣਨ ਤੋਂ ਭਾਵੇਂ ਖੁੰਝ ਗਏ ਹਨ, ਪਰ ਉਨ੍ਹਾਂ ਨੇ ਭਾਰਤ ਲਈ ਚਾਂਦੀ ਦਾ ਤਗਮਾ ਜ਼ਰੂਰ ਜਿੱਤਿਆ, ਜਿਸ ਲਈ ਹਰ ਪਾਸਿਓਂ ਉਨ੍ਹਾਂ ਨੂੰ ਮੁਬਾਰਕਾਂ ਮਿਲ ਰਹੀਆਂ ਹਨ। ਟੋਕੀਓ ਚੈਂਪੀਅਨ ਨੇ ਪੈਰਿਸ ਓਲੰਪਿਕ ਵਿੱਚ ਪੁਰਸ਼ਾਂ ਦੇ ਜੈਵਲਿਨ ਥਰੋਅ ਮੁਕਾਬਲੇ ਦੇ ਫਾਈਨਲ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਅਥਲੈਟਿਕਸ ਜਗਤ ਵਿੱਚ ਸਭ ਨੂੰ ਹੈਰਾਨ ਕਰਨ ਵਾਲੇ ਨਤੀਜੇ ਵਿੱਚ ਪਾਕਿਸਤਾਨ ਦੇ ਅਥਲੀਟ ਅਰਸ਼ਦ ਨਦੀਮ ਨੇ 92.97 ਮੀਟਰ ਥਰੋਅ ਦੇ ਨਵੇਂ ਓਲੰਪਿਕ ਰਿਕਾਰਡ ਨਾਲ ਸੋਨ ਤਗ਼ਮਾ ਜਿੱਤਿਆ।
ਨੀਰਜ ਦਾ ਦੂਜਾ ਥਰੋਅ ਉਸ ਦਾ ਇੱਕੋ ਇੱਕ ਜਾਇਜ਼ ਥਰੋਅ ਸੀ ਜਿਸ ਵਿੱਚ ਉਸ ਨੇ 89.45 ਮੀਟਰ ਥਰੋਅ ਕੀਤਾ, ਇਸ ਤੋਂ ਇਲਾਵਾ ਉਸ ਦੀਆਂ ਸਾਰੀਆਂ ਪੰਜ ਕੋਸ਼ਿਸ਼ਾਂ ਫਾਊਲ ਰਹੀਆਂ। ਨਦੀਮ ਨੇ 92.97 ਮੀਟਰ ਦੀ ਦੂਜੀ ਥਰੋਅ ਨਾਲ ਨਵਾਂ ਓਲੰਪਿਕ ਰਿਕਾਰਡ ਬਣਾਇਆ। ਉਸ ਨੇ 91.79 ਮੀਟਰ ਦੀ ਛੇਵੀਂ ਅਤੇ ਆਖਰੀ ਥਰੋਅ ਕੀਤੀ। ਅਰਸ਼ਦ ਨਦੀਮ ਨੇ ਓਲੰਪਿਕ ਗੋਲਡ ਮੈਡਲ ਲਈ ਪਾਕਿਸਤਾਨ ਦੀ 40 ਸਾਲਾਂ ਦੀ ਉਡੀਕ ਖਤਮ ਕਰ ਦਿੱਤੀ। 1992 ਬਾਰਸੀਲੋਨਾ ਓਲੰਪਿਕ ਤੋਂ ਬਾਅਦ ਇਹ ਪਹਿਲਾ ਓਲੰਪਿਕ ਤਮਗਾ ਹੈ।
ਚਾਂਦੀ ਦਾ ਤਗਮਾ ਜਿੱਤ ਕੇ, ਚੋਪੜਾ ਨੇ ਇਤਿਹਾਸ ਰਚਿਆ ਕਿਉਂਕਿ ਉਹ ਵਿਅਕਤੀਗਤ ਈਵੈਂਟ ਵਿੱਚ ਦੋ ਓਲੰਪਿਕ ਤਗਮੇ ਜਿੱਤਣ ਵਾਲਾ ਦੂਜਾ ਪੁਰਸ਼ ਅਥਲੀਟ ਬਣ ਗਿਆ। ਨਿਊਜ਼ ਏਜੰਸੀ ਏਐਨਆਈ ਨਾਲ ਗੱਲ ਕਰਦੇ ਹੋਏ ਨੀਰਜ ਚੋਪੜਾ ਨੇ ਕਿਹਾ, 'ਜਦੋਂ ਵੀ ਅਸੀਂ ਦੇਸ਼ ਲਈ ਤਮਗਾ ਜਿੱਤਦੇ ਹਾਂ, ਅਸੀਂ ਸਾਰੇ ਖੁਸ਼ ਹੁੰਦੇ ਹਾਂ... ਹੁਣ ਖੇਡ ਨੂੰ ਸੁਧਾਰਨ ਦਾ ਸਮਾਂ ਆ ਗਿਆ ਹੈ... ਅਸੀਂ ਬੈਠ ਕੇ ਚਰਚਾ ਕਰਾਂਗੇ ਅਤੇ ਪ੍ਰਦਰਸ਼ਨ ਨੂੰ ਸੁਧਾਰਾਂਗੇ... ਭਾਰਤ ਨੇ ਚੰਗਾ ਖੇਡਿਆ। ਪੈਰਿਸ ਓਲੰਪਿਕ)…ਮੁਕਾਬਲਾ ਚੰਗਾ ਸੀ (ਅੱਜ)…ਪਰ ਹਰ ਐਥਲੀਟ ਦਾ ਆਪਣਾ ਦਿਨ ਹੁੰਦਾ ਹੈ, ਅੱਜ ਅਰਸ਼ਦ ਦਾ ਦਿਨ ਸੀ...ਮੈਂ ਆਪਣਾ ਸਰਵਸ੍ਰੇਸ਼ਠ ਦਿੱਤਾ ਪਰ ਕੁਝ ਚੀਜ਼ਾਂ 'ਤੇ ਧਿਆਨ ਕੇਂਦ੍ਰਿਤ ਕਰਨ ਅਤੇ ਕੰਮ ਕਰਨ ਦੀ ਲੋੜ ਹੈ...ਸਾਡਾ ਰਾਸ਼ਟਰੀ ਗੀਤ ਭਾਵੇਂ ਅੱਜ ਨਾ ਵਜਾਇਆ ਗਿਆ ਹੋਵੇ, ਪਰ ਭਵਿੱਖ ਵਿੱਚ ਇਹ ਯਕੀਨੀ ਤੌਰ 'ਤੇ ਕਿਤੇ ਹੋਰ ਵਜਾਇਆ ਜਾਵੇਗਾ...'
ਅਰਸ਼ਦ ਨਦੀਮ ਦੇ ਪ੍ਰਦਰਸ਼ਨ ਤੋਂ ਹਰ ਕੋਈ ਹੈਰਾਨ ਰਹਿ ਗਿਆ। ਓਲੰਪਿਕ ਇਤਿਹਾਸ ਵਿੱਚ ਪਹਿਲੀ ਵਾਰ ਕੋਈ ਯੂਰਪੀਅਨ ਪੋਡੀਅਮ 'ਤੇ ਖੜ੍ਹਾ ਨਹੀਂ ਹੋਇਆ। ਪੁਰਸ਼ਾਂ ਦੇ ਜੈਵਲਿਨ ਥਰੋਅ ਮੁਕਾਬਲੇ ਦੇ ਫਾਈਨਲ ਵਿੱਚ ਏਸ਼ਿਆਈ 1-2 ਨਾਲ ਅੱਗੇ ਸੀ। ਗ੍ਰੇਨਾਡਾ ਦੇ ਐਂਡਰਸਨ ਪੀਟਰਸ ਤੀਜੇ ਸਥਾਨ 'ਤੇ ਰਹੇ। ਅਰਸ਼ਦ ਨੇ ਨਦੀਮ ਦੇ ਪ੍ਰਦਰਸ਼ਨ ਦੀ ਤਾਰੀਫ ਕਰਦਿਆਂ ਕਿਹਾ ਕਿ ਉਸ ਨੇ ਬਿਹਤਰ ਪ੍ਰਦਰਸ਼ਨ ਕੀਤਾ।
ਨੀਰਜ ਚੋਪੜਾ ਨੇ ਅਰਸ਼ਦ ਦੀ ਤਾਰੀਫ ਕੀਤੀ
ਨੀਰਜ ਚੋਪੜਾ ਨੇ ਕਿਹਾ, 'ਜਿਸ ਨੇ ਮਿਹਨਤ ਕੀਤੀ ਹੈ, ਉਸ ਨੂੰ ਉਹ ਜ਼ਰੂਰ ਮਿਲੇਗਾ। ਅਰਸ਼ਦ ਨਦੀਮ ਸਾਡੀ ਬਹੁਤ ਇੱਜ਼ਤ ਕਰਦੇ ਹਨ ਅਤੇ ਸਾਡਾ ਫਰਜ਼ ਬਣਦਾ ਹੈ ਕਿ ਜੇਕਰ ਕੋਈ ਸਾਡੇ ਨਾਲ ਚੰਗੀ ਗੱਲ ਕਰੇ ਤਾਂ ਅਸੀਂ ਵੀ ਉਸ ਨਾਲ ਚੰਗੀ ਗੱਲ ਕਰੀਏ। ਅਸ਼ਰਦ ਵੱਲੋਂ ਕੀਤਾ ਗਿਆ ਥਰੋਅ ਬਹੁਤ ਵਧੀਆ ਸੀ ਅਤੇ ਇਹ ਸਹੀ ਜਗ੍ਹਾ 'ਤੇ ਆਇਆ, ਜਿੱਥੇ ਇਸ ਦੀ ਜ਼ਰੂਰਤ ਸੀ। ਅੱਜ ਉਸ ਦਾ ਦਿਨ ਸੀ, ਜਦੋਂ ਮੈਂ ਸੋਚਿਆ ਕਿ ਅਜਿਹਾ ਹੋਣਾ ਚਾਹੀਦਾ ਸੀ, ਕਿਉਂਕਿ ਇਹ ਸਮਾਂ ਚਾਰ ਸਾਲਾਂ ਬਾਅਦ ਆਉਂਦਾ ਹੈ। ਅੱਜ ਮੈਂ ਮਹਿਸੂਸ ਕਰ ਰਿਹਾ ਸੀ ਕਿ ਸ਼ਾਇਦ ਉਹ ਉੱਥੇ ਹੋਵੇਗਾ, ਪਰ ਸ਼ਾਇਦ ਅੱਜ ਮੇਰਾ ਦਿਨ ਨਹੀਂ ਸੀ।''
ਪਹਿਲਾਂ ਵੀ ਹੋ ਚੁੱਕਿਆ ਹੈ ਅਰਸ਼ਦ ਨਾਲ ਮੁਕਾਬਲਾ
ਅਰਸ਼ਦ ਨਾਲ ਪਹਿਲਾਂ ਵੀ ਕਈ ਮੁਕਾਬਲੇ ਹੋ ਚੁੱਕੇ ਹਨ, ਅੱਜ ਆਖਿਰ ਇਹ ਹੋਇਆ ਕਿ ਅਰਸ਼ਦ ਨੇ ਵਧੀਆ ਥ੍ਰੋਅ ਕੀਤਾ। ਅੱਜ ਉਨ੍ਹਾਂ ਦਾ ਦਿਨ ਸੀ, ਉਨ੍ਹਾਂ ਨੂੰ ਮਨਾਉਣ ਦਾ ਮੌਕਾ ਮਿਲਿਆ। ਭਵਿੱਖ ਦੇ ਮੁਕਾਬਲਿਆਂ ਵਿੱਚ ਵੀ ਇਸੇ ਤਰ੍ਹਾਂ ਖੇਡਦੇ ਰਹਾਂਗੇ। ਜੈਵਲਿਨ ਇੱਕ ਖੇਡ ਹੈ ਜਿਸ ਵਿੱਚ ਬਹੁਤ ਸਾਰੇ ਦੇਸ਼ ਹਿੱਸਾ ਲੈਂਦੇ ਹਨ। ਇਹ ਸੰਭਵ ਹੈ ਕਿ ਕਿਸੇ ਤੀਜੇ ਦੇਸ਼ ਦਾ ਅਥਲੀਟ ਅੱਗੇ ਜਿੱਤ ਸਕਦਾ ਹੈ।
- PTC NEWS
