Animal Teaser: ਪੰਜਾਬੀ ਗਾਣੇ ਦੀ ਸ਼ੁਰੂਆਤ ਨਾਲ ਰਣਬੀਰ ਕਪੂਰ ਦੀ 'Animal' ਫਿਲਮ ਦਾ ਪ੍ਰੀ ਟੀਜ਼ਰ ਹੋਇਆ ਰਿਲੀਜ਼
Animal Teaser Out: 'ਤੂੰ ਝੂਠੀ ਮੈਂ ਮੱਕੜ' ਤੋਂ ਬਾਅਦ ਅਭਿਨੇਤਾ ਰਣਬੀਰ ਕਪੂਰ ਸੰਦੀਪ ਰੈਡੀ ਵਾਂਗਾ ਦੀ ਆਉਣ ਵਾਲੀ ਫਿਲਮ 'Animal' 'ਚ ਨਜ਼ਰ ਆਉਣ ਵਾਲੇ ਹਨ। ਦਰਸ਼ਕ ਕਾਫੀ ਸਮੇਂ ਤੋਂ ਫਿਲਮ ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਹੇ ਸਨ। ਹੁਣ ਫਿਲਮ ਮੇਕਰਸ ਨੇ ਇਸ ਮੋਸਟ ਵੇਟਿਡ ਫਿਲਮ ਦਾ ਪ੍ਰੀ ਟੀਜ਼ਰ ਰਿਲੀਜ਼ ਕਰ ਦਿੱਤਾ ਹੈ। ਫਿਲਮ ਦੇ ਪ੍ਰੀ-ਟੀਜ਼ਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਰਣਬੀਰ 'Animal' 'ਚ ਕਾਫੀ ਐਕਸ਼ਨ ਨਾਲ ਨਜ਼ਰ ਆਉਣ ਵਾਲੇ ਹਨ।
ਸੰਦੀਪ ਰੈਡੀ ਵਾਂਗਾ ਦੁਆਰਾ ਨਿਰਦੇਸ਼ਤ, ਭੂਸ਼ਣ ਕੁਮਾਰ ਦੁਆਰਾ ਨਿਰਮਿਤ ਫਿਲਮ 'Animal' ਇੱਕ ਸ਼ਾਨਦਾਰ ਕਹਾਣੀ ਹੈ, ਜਿਸ ਵਿੱਚ ਰਣਬੀਰ ਕਪੂਰ ਦੇ ਨਾਲ ਅਨਿਲ ਕਪੂਰ, ਰਸ਼ਮਿਕਾ ਮੰਡਨਾ, ਬੌਬੀ ਦਿਓਲ ਅਤੇ ਤ੍ਰਿਪਤੀ ਡਿਮਰੀ ਵਰਗੇ ਸਟਾਰ ਕਲਾਕਾਰ ਵੀ ਨਜ਼ਰ ਆਉਣਗੇ। ਇਹ ਫਿਲਮ ਦੁਨੀਆ ਭਰ ਵਿੱਚ 11 ਅਗਸਤ 2023 ਨੂੰ 5 ਭਾਸ਼ਾਵਾਂ ਹਿੰਦੀ, ਤੇਲਗੂ, ਤਾਮਿਲ, ਕੰਨੜ ਅਤੇ ਮਲਿਆਲਮ ਵਿੱਚ ਰਿਲੀਜ਼ ਹੋਵੇਗੀ।
ਪ੍ਰੀ-ਟੀਜ਼ਰ ਵਿੱਚ ਕੀ ਹੈ ਖਾਸ?
'Animal' ਦੇ ਟ੍ਰੇਲਰ ਰਿਲੀਜ਼ ਤੋਂ ਪਹਿਲਾਂ ਇਸ ਦਾ ਪ੍ਰੀ-ਟੀਜ਼ਰ ਰਿਲੀਜ਼ ਹੋ ਗਿਆ ਹੈ, ਜਿਸ ਨੇ ਦਰਸ਼ਕਾਂ ਦੀ ਬੇਸਬਰੀ ਨੂੰ ਹੋਰ ਵਧਾ ਦਿੱਤਾ ਹੈ। ਪ੍ਰੀ-ਟੀਜ਼ਰ ਦੀ ਸ਼ੁਰੂਆਤ 'ਚ ਕੁਝ ਲੋਕ ਦਿਖਾਏ ਗਏ ਹਨ, ਜਿਨ੍ਹਾਂ ਨੇ ਖਾਸ ਫੇਸ ਮਾਸਕ ਪਹਿਨੇ ਹੋਏ ਹਨ ਅਤੇ ਉਨ੍ਹਾਂ ਦੇ ਹੱਥਾਂ 'ਚ ਕੁਹਾੜੀ ਹੈ। ਇਸ ਤੋਂ ਬਾਅਦ ਫਿਲਮ ਦੇ ਲੀਡ ਰੋਲ ਦੀ ਐਂਟਰੀ ਹੁੰਦੀ ਹੈ ਜੋ ਹਥੌੜਾ ਚੁੱਕ ਕੇ ਸਾਰਿਆਂ ਨੂੰ ਇਕ-ਇਕ ਕਰਕੇ ਇਸ ਤਰ੍ਹਾਂ ਕੱਟਣ ਲੱਗ ਪੈਂਦਾ ਹੈ ਜਿਵੇਂ ਉਸ ਨੂੰ ਸ਼ੈਤਾਨ ਨੇ ਕਾਬੂ ਕਰ ਲਿਆ ਹੋਵੇ। ਪ੍ਰੀ-ਟੀਜ਼ਰ ਦੇ ਅੰਤ 'ਚ ਇਸ ਸ਼ੈਤਾਨ ਦਾ ਅੱਧਾ ਚਿਹਰਾ ਦਿਖਾਇਆ ਗਿਆ ਹੈ, ਜੋ ਕੋਈ ਹੋਰ ਨਹੀਂ ਸਗੋਂ ਰਣਬੀਰ ਕਪੂਰ ਹੈ। ਪੂਰੇ ਪ੍ਰੀ-ਟੀਜ਼ਰ ਦੀ ਪਿੱਛੇ ਇੱਕ ਪੰਜਾਬੀ ਗੀਤ ਚੱਲ ਰਿਹਾ ਹੈ।
ਪ੍ਰੀ-ਟੀਜ਼ਰ ਨੇ ਉਤਸ਼ਾਹ ਵਧਾਇਆ
'Animal' ਦੇ ਪ੍ਰੀ-ਟੀਜ਼ਰ ਨੂੰ ਦੇਖਣ ਤੋਂ ਬਾਅਦ, ਦਰਸ਼ਕ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੋ ਗਏ ਹਨ ਅਤੇ ਹੁਣ ਉਹ ਰਣਬੀਰ ਕਪੂਰ ਦੀ ਐਕਸ਼ਨ ਨਾਲ ਭਰਪੂਰ ਫਿਲਮ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਫਿਲਮ ਦੇ ਪ੍ਰੀ-ਟੀਜ਼ਰ 'ਤੇ ਟਿੱਪਣੀ ਕਰਦੇ ਹੋਏ ਇਕ ਪ੍ਰਸ਼ੰਸਕ ਨੇ ਲਿਖਿਆ- 'ਮੈਂ ਇਸ ਫਿਲਮ ਲਈ ਬਹੁਤ ਉਤਸ਼ਾਹਿਤ ਹਾਂ, ਅਸੀਂ ਹੁਣ ਤੱਕ ਰਣਬੀਰ ਕਪੂਰ ਨੂੰ ਸਿਰਫ ਰੋਮਾਂਟਿਕ ਫਿਲਮਾਂ 'ਚ ਹੀ ਦੇਖਿਆ ਹੈ ਪਰ ਇਸ ਵਾਰ ਰਣਬੀਰ ਮਾਸ ਫਿਲਮ ਦੇ ਸਾਰੇ ਰਿਕਾਰਡ ਤੋੜ ਦੇਣਗੇ।'
- PTC NEWS
