Gold Loan : ਸੋਨੇ 'ਤੇ ਲੋਨ ਲੈਣ ਵਾਲਿਆਂ ਲਈ ਵੱਡੀ ਖ਼ਬਰ! RBI ਨੇ ਲੋਨ ਲਈ LTV ਦਰ 75 ਤੋਂ ਵਧਾ ਕੇ 85 ਫ਼ੀਸਦੀ ਕੀਤੀ, ਜਾਣੋ ਕੀ ਹੋਵੇਗਾ ਇਸ ਅਸਰ
Gold Loan : ਆਰਬੀਆਈ (RBI) ਦੇ ਗਵਰਨਰ ਸੰਜੇ ਮਲਹੋਤਰਾ ਵੱਲੋਂ ਅੱਜ 2.5 ਲੱਖ ਰੁਪਏ ਤੱਕ ਦੇ ਸੋਨੇ ਦੇ ਕਰਜ਼ਿਆਂ ਲਈ ਲੋਨ-ਟੂ-ਵੈਲਿਊ (LTV) ਅਨੁਪਾਤ ਨੂੰ 75% ਤੋਂ ਵਧਾ ਕੇ 85% ਕਰਨ ਦੇ ਫੈਸਲੇ ਤੋਂ ਬਾਅਦ, ਗੋਲਡ ਫਾਈਨੈਂਸ ਕੰਪਨੀਆਂ (Gold Finance Companies) ਦੇ ਸ਼ੇਅਰਾਂ ਵਿੱਚ ਭਾਰੀ ਵਾਧਾ ਦੇਖਣ ਨੂੰ ਮਿਲਿਆ। ਇਸ ਫੈਸਲੇ ਨਾਲ NBFCs ਨੂੰ ਉਧਾਰ ਦੇਣ ਵਿੱਚ ਵਧੇਰੇ ਲਚਕਤਾ ਮਿਲੇਗੀ। ਇਹ ਬਦਲਾਅ RBI ਦੇ ਪਹਿਲਾਂ ਦੇ ਡਰਾਫਟ ਨਿਯਮਾਂ ਦੇ ਮੁਕਾਬਲੇ ਇੱਕ ਵੱਡੀ ਰਾਹਤ ਹੈ। ਪਹਿਲਾਂ, ਸਾਰੇ ਬੈਂਕਾਂ ਅਤੇ NBFCs ਲਈ LTV ਸੀਮਾ ਨੂੰ 75% ਤੱਕ ਸੀਮਤ ਕਰਨ ਦਾ ਪ੍ਰਸਤਾਵ ਸੀ।
ਹੁਣ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਦੇ ਤਹਿਤ, NBFCs ਆਪਣੇ ਗਾਹਕਾਂ ਨੂੰ ਉਸੇ ਸੋਨੇ ਦੇ ਗਹਿਣਿਆਂ ਦੇ ਵਿਰੁੱਧ ਹੋਰ ਕਰਜ਼ੇ ਦੇ ਸਕਣਗੇ। ਇਸ ਨਾਲ ਲੋਨ ਡਿਲੀਵਰੀ ਤੇਜ਼ ਹੋਵੇਗੀ, ਨਵੇਂ ਗਾਹਕ ਸ਼ਾਮਲ ਹੋਣਗੇ ਅਤੇ ਸੋਨੇ ਦੇ ਫਾਈਨੈਂਸਰਾਂ ਦੀ ਆਮਦਨ ਵਧੇਗੀ।
ਗੋਲਡ ਲੋਨ ਕੰਪਨੀਆਂ ਦੇ ਸ਼ੇਅਰਾਂ 'ਚ ਉਛਾਲ
ਆਰਬੀਆਈ ਦੇ ਇਸ ਐਲਾਨ ਤੋਂ ਬਾਅਦ, ਮੁਥੂਟ ਫਾਈਨੈਂਸ, ਮਨੱਪੁਰਮ ਫਾਈਨੈਂਸ ਅਤੇ IIFL ਫਾਈਨੈਂਸ ਦੇ ਸ਼ੇਅਰਾਂ ਵਿੱਚ 2% ਤੋਂ 7% ਦੀ ਛਾਲ ਮਾਰ ਕੇ ਅੱਜ ਇੰਟਰਾਡੇ 7% ਦੀ ਤੇਜ਼ੀ ਨਾਲ 2470 ਰੁਪਏ ਹੋ ਗਿਆ। ਕੱਲ੍ਹ ਇਹ 2294.60 'ਤੇ ਬੰਦ ਹੋਇਆ। ਮਨੱਪੁਰਮ ਫਾਈਨੈਂਸ ਦਾ ਸਟਾਕ ਅੱਜ 5 ਪ੍ਰਤੀਸ਼ਤ ਵਧ ਕੇ 246.48 ਰੁਪਏ 'ਤੇ ਪਹੁੰਚ ਗਿਆ। IIFL ਫਾਈਨੈਂਸ ਦੇ ਸਟਾਕ ਵਿੱਚ ਵੀ ਅੱਜ 4.50 ਪ੍ਰਤੀਸ਼ਤ ਦਾ ਵਾਧਾ ਦੇਖਣ ਨੂੰ ਮਿਲਿਆ ਅਤੇ ਇਹ ਇੰਟਰਾਡੇ 452.45 ਰੁਪਏ 'ਤੇ ਪਹੁੰਚ ਗਿਆ।
ਖਬਰ ਅਪਡੇਟ ਜਾਰੀ...
- PTC NEWS
