ਗਣਤੰਤਰ ਦਿਵਸ 2024 ਮੌਕੇ ਕੌਣ ਹਨ ਮੁੱਖ ਮਹਿਮਾਨ, ਜਾਣੋ ਇਤਿਹਾਸ, ਵਿਸ਼ੇਸ਼ਤਾ ਤੇ ਥੀਮ
Republic Day 2024: ਜਿਵੇ ਤੁਸੀਂ ਜਾਣਦੇ ਹੋ ਕਿ ਹਰ ਸਾਲ 26 ਜਨਵਰੀ ਬੜੀ ਹੀ ਧੂਮ ਧਾਮ ਪੂਰੇ ਦੇਸ਼ 'ਚ ਗਣਤੰਤਰ ਦਿਵਸ ਮਨਾਇਆ ਜਾਂਦਾ ਹੈ ਅਜਿਹੇ 'ਚ ਦਸ ਦਈਏ ਕਿ ਦੇਸ਼ ਦੇ 75ਵੇਂ ਗਣਤੰਤਰ ਦਿਵਸ ਦੀ ਪਰੇਡ 'ਚ ਅੱਧੀ ਆਬਾਦੀ ਨੂੰ ਕਰਤੱਵਿਆ ਪੱਥ ’ਤੇ ਚੱਲਣ ਦਾ ਸੁਨੇਹਾ ਦਿੰਦੇ ਹੋਏ ਇਸ ਵਾਰ ਸਮਾਗਮ ਦੀ ਸੁਰ ਅਤੇ ਸ਼ੈਲੀ 'ਚ ਵੱਡੇ ਬਦਲਾਅ ਹੋਣਗੇ ਅਤੇ ਰਾਸ਼ਟਰੀ ਝੰਡਾ ਲਹਿਰਾਉਣ ਤੋਂ ਬਾਅਦ ਪਹਿਲੀ ਵਾਰ ਫੌਜੀ ਬੈਂਡ ਦੀ ਬਜਾਏ 100 ਮਹਿਲਾ ਕਲਾਕਾਰ ਸ਼ੰਖ, ਨਾਦਸਵਰਮ, ਨਗਾਰਾ ਵਰਗੇ ਭਾਰਤੀ ਸੰਗੀਤ ਸਾਜ਼ ਵਜਾ ਕੇ ਪਰੇਡ ਦੀ ਸ਼ੁਰੂਆਤ ਕਰਨਗੀਆਂ।
ਤਿੰਨਾਂ ਸੈਨਾਵਾਂ ਦੀਆਂ ਮਹਿਲਾ ਸਿਪਾਹੀਆਂ ਦੀ ਸਾਂਝੀ ਟੁਕੜੀ ਅਤੇ ਕੇਂਦਰੀ ਅਰਧ ਸੈਨਿਕ ਬਲਾਂ ਦੀ ਸਾਂਝੀ ਮਹਿਲਾ ਟੁੱਕੜੀ ਵੀ ਮਾਰਚ ਕਰੇਗੀ ਅਤੇ ਸਲਾਮੀ ਮਾਰਚ ਪਾਸਟ ਦੀ ਸ਼ੁਰੂਆਤ ਕਰੇਗੀ ਅਤੇ ਦੱਸ ਦਈਏ ਕਿ ਗਣਤੰਤਰ ਦਿਵਸ ਦੇ ਮੁੱਖ ਮਹਿਮਾਨ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਦੀ ਮੌਜੂਦਗੀ 'ਚ ਫਰਾਂਸੀਸੀ ਹਵਾਈ ਸੈਨਾ ਦੇ ਦੋ ਰਾਫੇਲ ਅਤੇ ਫਰਾਂਸੀਸੀ ਫੌਜ ਦੇ ਇੱਕ ਦਸਤੇ ਸਮੇਤ ਤਿੰਨ ਜਹਾਜ਼ ਪਰੇਡ ਦਾ ਹਿੱਸਾ ਹੋਣਗੇ। ਤਾਂ ਆਓ ਜਾਣਦੇ ਹਾਂ ਇਸ ਵਾਰ ਗਣਤੰਤਰ ਦਿਵਸ ਦੇ ਪ੍ਰੋਗਰਾਮ 'ਚ ਮੁੱਖ ਮਹਿਮਾਨ ਕੌਣ ਹੋਣਗੇ।
ਦੱਸ ਦਈਏ ਕਿ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਗਣਤੰਤਰ ਦਿਵਸ ਸਮਾਰੋਹ 'ਚ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋ ਰਹੇ ਹਨ ਅਤੇ ਫਰਾਂਸ ਦੇ ਰਾਸ਼ਟਰਪਤੀ ਨੇ ਨਾਂ ਭਾਰਤ ਦੇ ਸੱਦੇ ਨੂੰ ਸਵੀਕਾਰ ਕਰਦੇ ਹੋਏ ਬਹੁਤ ਖੁਸ਼ੀ ਵੀ ਜ਼ਾਹਰ ਕੀਤੀ। ਨਾਲ ਹੀ ਉਨ੍ਹਾਂ ਨੇ ਸੱਦੇ ਲਈ ਭਾਰਤ ਨੂੰ ਧੰਨਵਾਦ ਵੀ ਕੀਤਾ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਵਾਰ ਮੈਕਰੋਨ ਫਰਾਂਸ ਦੇ ਛੇਵੇਂ ਨੇਤਾ ਬਣ ਜਾਣਗੇ, ਜਿਨ੍ਹਾਂ ਨੂੰ ਭਾਰਤ ਨੇ ਇਹ ਸਨਮਾਨ ਦਿੱਤਾ ਹੈ।
ਭਾਰਤ ਦਾ ਪਹਿਲਾਂ ਗਣਤੰਤਰ ਦਿਵਸ 26 ਜਨਵਰੀ 1950 ਨੂੰ ਮਨਾਇਆ ਗਿਆ ਸੀ। ਭਾਰਤ ਦੇ ਪਹਿਲੇ ਰਾਸ਼ਟਰਪਤੀ ਡਾ: ਰਾਜੇਂਦਰ ਪ੍ਰਸਾਦ ਨੇ ਦਿੱਲੀ ਦੇ ਇਰਵਿਨ ਸਟੇਡੀਅਮ ਵਿਖੇ ਰਾਸ਼ਟਰੀ ਝੰਡਾ ਲਹਿਰਾਇਆ ਅਤੇ ਫਿਰ ਰਾਸ਼ਟਰੀ ਗੀਤ ਗਾਇਆ ਸੀ। ਪਹਿਲੇ ਗਣਤੰਤਰ ਦਿਵਸ ਦੇ ਮੁੱਖ ਮਹਿਮਾਨ ਇੰਡੋਨੇਸ਼ੀਆ ਦੇ ਰਾਸ਼ਟਰਪਤੀ ਡਾ: ਸੁਕਾਰਨੋ ਅਤੇ ਉਨ੍ਹਾਂ ਦੀ ਪਤਨੀ ਸਨ। ਡਾ: ਰਾਜਿੰਦਰ ਪ੍ਰਸਾਦ ਨੇ ਹਥਿਆਰਬੰਦ ਬਲਾਂ ਦੀ ਸਲਾਮੀ ਲਈ ਅਤੇ ਇਸ ਇਤਿਹਾਸਕ ਘਟਨਾ ਨੂੰ 15000 ਤੋਂ ਵੱਧ ਲੋਕਾਂ ਨੇ ਦੇਖਿਆ। ਉਦੋਂ ਤੋਂ ਭਾਰਤ 'ਚ ਗਣਤੰਤਰ ਦਿਵਸ ਮਨਾਉਣ ਦੀ ਪਰੰਪਰਾ ਸ਼ੁਰੂ ਹੋ ਗਈ।
ਜਿਵੇ ਤੁਸੀਂ ਜਾਣਦੇ ਹੋ ਕਿ ਹਰ ਸਾਲ ਗਣਤੰਤਰ ਦਿਵਸ ਤੇ ਵੱਖ-ਵੱਖ ਥੀਮ ਹੁੰਦੀ ਹੈ ਅਜਿਹੇ 'ਚ ਇਸ ਵਾਰ 75ਵੀਂ ਗਣਤੰਤਰ ਦਿਵਸ ਤੇ ਵਿਕਸਤ ਭਾਰਤ ਅਤੇ ਭਾਰਤ - ਲੋਕਤੰਤਰ ਦੀ ਮਾਤਾ ਦੇ ਥੀਮ 'ਤੇ ਆਧਾਰਿਤ, 75ਵੀਂ ਗਣਤੰਤਰ ਦਿਵਸ ਪਰੇਡ ਔਰਤਾਂ-ਕੇਂਦ੍ਰਿਤ ਹੋਵੇਗੀ ਅਤੇ ਜਨਤਕ ਭਾਗੀਦਾਰੀ ਨੂੰ ਯਕੀਨੀ ਬਣਾਉਣ ਲਈ ਬੁਲਾਏ ਗਏ 13,000 ਵਿਸ਼ੇਸ਼ ਮਹਿਮਾਨਾਂ ਲਈ ਵਿਸ਼ੇਸ਼ ਹੋਵੇਗੀ। ਪੇਟੈਂਟ ਪ੍ਰਾਪਤ ਕਰਨ ਵਾਲਿਆਂ ਤੋਂ ਲੈ ਕੇ ਕੇਂਦਰ ਦੀਆਂ ਫਲੈਗਸ਼ਿਪ ਸਕੀਮਾਂ 'ਚ ਮਿਸਾਲ ਬਣੇ ਇਨ੍ਹਾਂ ਮਹਿਮਾਨਾਂ ਨੂੰ ਵਿਸ਼ੇਸ਼ ਦਰਸ਼ਕ ਗੈਲਰੀ 'ਚ ਬਿਠਾ ਕੇ ਪਰੇਡ ਦਾ ਗਵਾਹ ਬਣਾਇਆ ਜਾਵੇਗਾ।
ਇਹ ਵੀ ਪੜ੍ਹੋ: PM ਮੋਦੀ ਨੇ ਜਾਰੀ ਕੀਤੀ ਰਾਮ ਮੰਦਰ ਦੀ ਡਾਕ ਟਿਕਟ, ਕਿਤਾਬਚੇ 'ਚ 20 ਦੇਸ਼ਾਂ ਦੀਆਂ ਟਿਕਟਾਂ
ਦਸ ਦਈਏ ਕਿ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਨਾਲ ਕੇਂਦਰ ਸਰਕਾਰ ਦੇ ਮੰਤਰਾਲਿਆਂ ਦੀ ਰੰਗੀਨ ਝਾਕੀ ਦੇਸ਼ ਦੀ ਅਮੀਰ ਸੱਭਿਆਚਾਰਕ ਵਿਭਿੰਨਤਾ, ਏਕਤਾ ਅਤੇ ਤਰੱਕੀ ਨੂੰ ਦਰਸਾਉਣਗੇ ਅਤੇ ਪਰੇਡ ਦੌਰਾਨ ਗਣਤੰਤਰ ਦਿਵਸ ਦੇ ਜਸ਼ਨਾਂ ਲਈ ਦਿੱਲੀ ਮੈਟਰੋ ਸੇਵਾਵਾਂ ਮੁਫਤ ਰਹਿਣਗੀਆਂ। ਵੰਦੇ ਭਾਰਤਮ ਦੇ ਤੀਸਰੇ ਐਡੀਸ਼ਨ ਦੇ ਤਹਿਤ ਦੇਸ਼ ਭਰ ਤੋਂ ਚੁਣੀਆਂ ਗਈਆਂ ਲਗਭਗ 200 ਮਹਿਲਾ ਕਲਾਕਾਰ ਸਲਾਮੀ ਸਟੇਜ ਦੇ ਸਾਹਮਣੇ ਆਪਣੇ ਗੀਤਾਂ ਅਤੇ ਸੰਗੀਤ ਨਾਲ ਦੇਸ਼ ਭਗਤੀ ਦੀ ਭਾਵਨਾ ਨੂੰ ਜਗਾਉਣਗੀਆਂ।
ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਾਲ ਪਰੇਡ 'ਚ ਔਰਤਾਂ ਦੀ ਬਿਹਤਰੀਨ ਨੁਮਾਇੰਦਗੀ ਦੇਖਣ ਨੂੰ ਮਿਲੇਗੀ। ਇਹ ਸਵੇਰੇ 10.30 ਵਜੇ ਸ਼ੁਰੂ ਹੋਵੇਗੀ ਅਤੇ 90 ਮਿੰਟ ਦੀ ਇਸ ਪਰੇਡ ਦੌਰਾਨ ਡਿਊਟੀ ਮਾਰਗ 'ਤੇ ਕਰੀਬ 77,000 ਲੋਕਾਂ ਦੇ ਬੈਠਣ ਦੇ ਪ੍ਰਬੰਧ ਕੀਤੇ ਗਏ ਹਨ, ਜਿਨ੍ਹਾਂ 'ਚੋਂ 42,000 ਸੀਟਾਂ ਆਮ ਲੋਕਾਂ ਲਈ ਰਾਖਵੀਆਂ ਹਨ। ਜਿਨ੍ਹਾਂ 'ਚੋ ਜ਼ਿਆਦਾਤਰ ਟਿਕਟਾਂ ਵਿਕ ਚੁੱਕੀਆਂ ਹਨ।
ਇਕ ਰਿਪੋਰਟ ਤੋਂ ਪਤਾ ਲੱਗਿਆ ਹੈ ਕਿ ਵਿਸ਼ੇਸ਼ ਮਹਿਮਾਨਾਂ ਦੀ ਇਸ ਸੂਚੀ 'ਚ ਕੇਂਦਰ ਸਰਕਾਰ ਦੀਆਂ ਲਗਭਗ 30 ਯੋਜਨਾਵਾਂ ਜਿਵੇਂ ਪੀਐਮ ਆਵਾਸ, ਉੱਜਵਲਾ ਯੋਜਨਾ, ਪੀਐਮ ਸਵਾਨਿਧੀ, ਪੀਐਮ ਐਗਰੀਕਲਚਰ, ਸਟੈਂਡ ਅੱਪ ਇੰਡੀਆ, ਸਟਾਰਟ ਅੱਪ ਇੰਡੀਆ, ਮਹਿਲਾ ਪੁਲਾੜ ਵਿਗਿਆਨੀ, ਯੋਗਾ ਅਧਿਆਪਕ, ਪੈਰਾਲੰਪਿਕ ਮੈਡਲ ਜੇਤੂ ਆਦਿ ਸ਼ਾਮਲ ਹਨ। ਇਹ ਵਿਸ਼ੇਸ਼ ਮਹਿਮਾਨ ਡਿਊਟੀ ਦੇ ਰਸਤੇ 'ਤੇ ਰਾਸ਼ਟਰਪਤੀ-ਪ੍ਰਧਾਨ ਮੰਤਰੀ ਦੇ ਬਿਲਕੁੱਲ ਸਾਹਮਣੇ ਵਾਲੇ ਬਕਸੇ 'ਚ ਪ੍ਰਮੁੱਖਤਾ ਨਾਲ ਬਿਰਾਜਮਾਨ ਹੋਣਗੇ।
ਇਹ ਵੀ ਪੜ੍ਹੋ: ਰਾਮ ਮੰਦਰ ਦੇ ਉਦਘਾਟਨ ਤੋਂ ਪਹਿਲਾਂ ਕਰੋ ਰਾਮਲਲਾ ਦੇ ਦਰਸ਼ਨ, ਪਹਿਲੀ ਤਸਵੀਰ ਆਈ ਸਾਹਮਣੇ
ਵਿਸ਼ੇਸ਼ ਮਹਿਮਾਨਾਂ ਦੀ ਸੂਚੀ 'ਚ ਵਾਈਬ੍ਰੈਂਟ ਵਿਲੇਜ ਦੇ ਜਨਤਕ ਨੁਮਾਇੰਦਿਆਂ ਨੂੰ ਸ਼ਾਮਲ ਕਰਨ 'ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ ਹੈ। ਨਾਲ ਹੀ ਰੱਖਿਆ ਸਕੱਤਰ ਨੇ ਕਿਹਾ ਕਿ 75ਵੇਂ ਗਣਤੰਤਰ ਦਿਵਸ ਦੇ ਮੌਕੇ 'ਤੇ ਇਕ ਵਿਸ਼ੇਸ਼ ਡਾਕ ਟਿਕਟ ਅਤੇ ਯਾਦਗਾਰੀ ਸਿੱਕਾ ਵੀ ਜਾਰੀ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ਸੱਭਿਆਚਾਰਕ ਮੰਤਰਾਲਾ ਰਾਜਪਥ 'ਤੇ ਦੇਸ਼ ਭਰ ਦੇ ਵੱਖ-ਵੱਖ ਰਾਜਾਂ ਦੀਆਂ ਸਾੜੀਆਂ ਦੀ ਇੱਕ ਵਿਸ਼ੇਸ਼ ਝਲਕ ਪ੍ਰਦਰਸ਼ਨੀ ਅਨੰਤ ਸੂਤਰ ਦਾ ਵੀ ਆਯੋਜਨ ਕਰੇਗਾ। ਪਰੇਡ ਦੌਰਾਨ ਕੁੱਲ 25 ਝਾਕੀਆਂ 'ਚੋ 16 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ ਹਨ ਅਤੇ ਬਾਕੀ ਨੌਂ ਕੇਂਦਰੀ ਮੰਤਰਾਲਿਆਂ ਦੀਆਂ ਹਨ।
ਇਸ 'ਚ ਚੋਣ ਕਮਿਸ਼ਨ ਦੀ ਝਾਂਕੀ ਵੀ ਸ਼ਾਮਲ ਹੈ। ਜਿਵੇ - ਅਰੁਣਾਚਲ ਪ੍ਰਦੇਸ਼, ਹਰਿਆਣਾ, ਮਨੀਪੁਰ, ਮੱਧ ਪ੍ਰਦੇਸ਼, ਉੜੀਸਾ, ਛੱਤੀਸਗੜ੍ਹ, ਰਾਜਸਥਾਨ, ਮਹਾਰਾਸ਼ਟਰ, ਆਂਧਰਾ ਪ੍ਰਦੇਸ਼, ਲੱਦਾਖ, ਤਾਮਿਲਨਾਡੂ, ਗੁਜਰਾਤ, ਮੇਘਾਲਿਆ, ਝਾਰਖੰਡ, ਉੱਤਰ ਪ੍ਰਦੇਸ਼ ਅਤੇ ਤੇਲੰਗਾਨਾ ਸ਼ਾਮਲ ਕੀਤੇ ਗਏ ਰਾਜ ਹਨ।
ਇਹ ਵੀ ਪੜ੍ਹੋ: ਮੇਅਰ ਚੋਣਾਂ ਨੂੰ ਲੈ ਕੇ HC ਨੇ ਚੰਡੀਗੜ੍ਹ ਪ੍ਰਸ਼ਾਸਨ ਨੂੰ ਪਾਈ ਝਾੜ, ਕਿਹਾ - 23 ਫਰਵਰੀ ਤੱਕ ਦਿਓ ਜਵਾਬ
ਸਕੁਐਡਰਨ ਰਸ਼ਮੀ ਠਾਕੁਰ ਗਣਤੰਤਰ ਦਿਵਸ ਪਰੇਡ 'ਚ ਡਿਊਟੀ 'ਤੇ ਤਾਇਨਾਤ ਭਾਰਤੀ ਹਵਾਈ ਸੈਨਾ ਦੀ ਟੁਕੜੀ ਦੀ ਅਗਵਾਈ ਕਰੇਗੀ। ਜੋ ਕੀ ਇਕ ਲੜਾਕੂ ਕੰਟਰੋਲਰ ਹੈ। ਅਧਿਕਾਰੀਆਂ ਵਲੋਂ ਦੱਸਿਆ ਜਾ ਰਿਹਾ ਹੈ ਕੀ ਹਵਾਈ ਸੈਨਾ ਦੀਆਂ 15 ਮਹਿਲਾ ਪਾਇਲਟਾਂ ਵੀ ਏਰੀਅਲ ਫਲਾਈਪਾਸਟ ਦੌਰਾਨ ਵੱਖ-ਵੱਖ ਪਲੇਟਫਾਰਮਾਂ ਦਾ ਸੰਚਾਲਨ ਕਰਨਗੀਆਂ ਅਤੇ ਅਧਿਕਾਰੀਆਂ ਨੇ ਇਹ ਵੀ ਦੱਸਿਆ ਹੈ ਕਿ ਹਵਾਈ ਸੈਨਾ ਦੀ ਮਾਰਚਿੰਗ ਟੁਕੜੀ ਦੀ ਅਗਵਾਈ ਰਸ਼ਮੀ ਠਾਕੁਰ ਕਰੇਗੀ, ਜਿਸ ਵਿੱਚ ਸਕੁਐਡਰਨ ਲੀਡਰ ਸੁਮਿਤਾ ਯਾਦਵ, ਸਕੁਐਡਰਨ ਲੀਡਰ ਪ੍ਰਤਿਥੀ ਅਤੇ ਫਲਾਈਟ ਲੈਫਟੀਨੈਂਟ ਕੀਰਤੀ ਰੋਹਿਲ ਮੌਜੂਦ ਰਹਿਣਗੇ।
ਭਾਰਤੀ ਹਵਾਈ ਸੈਨਾ ਦੀ ਮਾਰਚਿੰਗ ਟੁੱਕੜੀ ਤੋਂ ਇਲਾਵਾ ਮਹਿਲਾ ਅਗਨੀਵੀਰ ਦੀ ਇੱਕ ਤਿਕੋਣੀ ਟੁਕੜੀ ਪਰੇਡ 'ਚ ਹਿੱਸਾ ਲਵੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ 'ਚ ਕੁੱਲ 48 ਮਹਿਲਾ ਅਗਨੀਵੀਰ ਇਸ ਟੀਮ ਦਾ ਹਿੱਸਾ ਹੋਣਗੀਆਂ। ਫਲਾਈਟ ਲੈਫਟੀਨੈਂਟ ਸ੍ਰਿਸ਼ਟੀ ਵਰਮਾ ਤਿੰਨ-ਸੇਵਾ ਦਲ ਦੇ ਸੁਪਰਨਿਊਮਰਰੀ ਅਫਸਰ ਵਜੋਂ ਮਾਰਚ ਕਰੇਗੀ। ਭਾਰਤੀ ਹਵਾਈ ਸੈਨਾ ਦੀ ਗਣਤੰਤਰ ਦਿਵਸ ਦੀ ਝਾਂਕੀ ਦਾ ਵਿਸ਼ਾ ਭਾਰਤੀ ਹਵਾਈ ਸੈਨਾ ਹੋਵੇਗਾ : ਸਮਰੱਥ, ਸਸ਼ਕਤ, ਸਵੈ-ਨਿਰਭਰ। ਫਲਾਈਟ ਲੈਫਟੀਨੈਂਟ ਅਨੰਨਿਆ ਸ਼ਰਮਾ ਅਤੇ ਫਲਾਇੰਗ ਅਫਸਰ ਅਸਮਾ ਸ਼ੇਖ ਝਾਂਕੀ ਵਿੱਚ ਮੌਜੂਦ ਰਹਿਣਗੇ।
ਇਹ ਵੀ ਪੜ੍ਹੋ: ਚੰਡੀਗੜ੍ਹ ਮੇਅਰ ਚੋਣਾਂ: ਬਿਮਾਰ ਪ੍ਰੀਜ਼ਾਈਡਿੰਗ ਅਫ਼ਸਰ GMSH16 'ਚ ਦਾਖਲ, ਖਾ ਰਹੇ ਸਿਰਫ਼ ਇਕ ਗੋਲੀ
-
