Smriti Irani Returns In KSBKBT : ਰਾਜਨੀਤੀ ਤੋਂ ਮੁੜ ਛੋਟੇ ਪਰਦੇ ’ਤੇ ਪਰਤੀ ਸਮ੍ਰਿਤੀ ਈਰਾਨੀ, ਪਹਿਲੀ ਝਲਕ ਹੋਈ ਵਾਇਰਲ
Kyunki Saas Bhi Kabhi Bahu Thi Reboot News : ਅਦਾਕਾਰਾ-ਰਾਜਨੇਤਾ ਸਮ੍ਰਿਤੀ ਈਰਾਨੀ ਏਕਤਾ ਕਪੂਰ ਦੇ ਸ਼ੋਅ "ਕਿਓਂਕੀ ਸਾਸ ਭੀ ਕਭੀ ਬਹੂ ਥੀ" ਦੇ ਰੀਬੂਟ ਨਾਲ ਆਪਣੀ ਸ਼ਾਨਦਾਰ ਵਾਪਸੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਇਹ ਸ਼ੋਅ ਜੀਓ ਹੌਟਸਟਾਰ 'ਤੇ ਪ੍ਰਸਾਰਿਤ ਹੋਵੇਗਾ। ਇਸ ਵਿੱਚ 2000 ਦੇ ਦਹਾਕੇ ਦੇ ਡੇਲੀ ਸੋਪ ਦੇ ਜ਼ਿਆਦਾਤਰ ਅਸਲੀ ਕਲਾਕਾਰ ਦਿਖਾਈ ਦੇਣਗੇ। ਇਸ ਦੌਰਾਨ, ਸਮ੍ਰਿਤੀ ਦਾ ਪਹਿਲਾ ਲੁੱਕ ਸਾਹਮਣੇ ਆਇਆ ਹੈ, ਜਿਸ ਨਾਲ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧ ਗਿਆ ਹੈ। ਸ਼ੋਅ ਦੇ ਸੈੱਟ 'ਤੇ ਤੁਲਸੀ ਵਿਰਾਨੀ ਦੇ ਰੂਪ ਵਿੱਚ ਸਜੀ ਅਦਾਕਾਰਾ ਦੀ ਇੱਕ ਤਸਵੀਰ ਇੰਟਰਨੈੱਟ 'ਤੇ ਵਾਇਰਲ ਹੋ ਗਈ ਹੈ।
ਦੱਸ ਦਈਏ ਕਿ ਵਾਇਰਲ ਤਸਵੀਰ ’ਚ ਸਮ੍ਰਿਤੀ ਈਰਾਨੀ ਨੇ ਸੁਨਹਿਰੀ ਅਤੇ ਚਾਂਦੀ ਦੀ ਕਢਾਈ ਵਾਲੀ ਮੈਜੈਂਟਾ ਰੰਗ ਦੀ ਸਾੜੀ ਪਾਈ ਹੋਈ ਹੈ। ਉਸਦੀ ਸਾੜੀ ਦਾ ਡ੍ਰੈਪ ਤੁਹਾਨੂੰ 2000 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਵਾਪਸ ਲੈ ਜਾਵੇਗਾ। ਉਸਦੇ ਚਿਹਰੇ 'ਤੇ ਮੁਸਕਰਾਹਟ ਅਤੇ ਮੱਥੇ 'ਤੇ ਚਮਕਦੇ ਸਿੰਦੂਰ ਦੇ ਨਾਲ, ਉਨ੍ਹਾਂ ਲਾਲ ਬਿੰਦੀ, ਰਵਾਇਤੀ ਮੰਦਰ ਦੇ ਗਹਿਣੇ ਅਤੇ ਕਾਲੇ ਮਣਕਿਆਂ ਵਾਲਾ ਮੰਗਲਸੂਤਰ ਪਾਇਆ ਹੋਇਆ ਹੈ।
'ਕਿਓਂਕੀ ਸਾਸ ਭੀ ਕਭੀ ਬਹੂ ਥੀ' ਦੇ ਰੀਬੂਟ ਬਾਰੇ ਗੱਲ ਕਰਦਿਆਂ ਨਿਰਮਾਤਾ ਏਕਤਾ ਕਪੂਰ ਨੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਅਤੇ ਕਿਹਾ ਕਿ ਜਦੋਂ ਅਸੀਂ ਦੋ ਦਹਾਕੇ ਪਹਿਲਾਂ 'ਕਿਓਂਕੀ ਸਾਸ ਭੀ ਕਭੀ ਬਹੂ ਥੀ' ਬਣਾਈ ਸੀ, ਤਾਂ ਅਸੀਂ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਇਹ ਭਾਰਤ ਦੀ ਟੈਲੀਵਿਜ਼ਨ ਵਿਰਾਸਤ ਦਾ ਇੰਨਾ ਮਹੱਤਵਪੂਰਨ ਹਿੱਸਾ ਬਣ ਜਾਵੇਗਾ।
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਇਹ ਤੁਲਸੀ ਦੀ ਯਾਤਰਾ ਨੂੰ ਇੱਕ ਅਜਿਹੇ ਫਾਰਮੈਟ ਵਿੱਚ ਪੇਸ਼ ਕਰਨ ਬਾਰੇ ਹੈ ਜਿਸਨੂੰ ਅੱਜ ਦੇ ਦਰਸ਼ਕ ਤਾਜ਼ੀਆਂ ਅੱਖਾਂ ਨਾਲ ਦੇਖ ਸਕਦੇ ਹਨ। ਅਸੀਂ ਇਸ ਪੁਰਾਣੀ ਯਾਤਰਾ ਨੂੰ ਜੀਓਹੌਟਸਟਾਰ ਵਿੱਚ ਲਿਆਉਣ ਲਈ ਉਤਸ਼ਾਹਿਤ ਹਾਂ। 'ਕਿਓਂਕੀ ਸਾਸ ਭੀ ਕਭੀ ਬਹੂ ਥੀ' ਦਾ ਪਹਿਲਾ ਪ੍ਰੀਮੀਅਰ 2000 ਵਿੱਚ ਹੋਇਆ ਸੀ ਅਤੇ ਇਸਦਾ ਆਖਰੀ ਐਪੀਸੋਡ 2008 ਵਿੱਚ ਪ੍ਰਸਾਰਿਤ ਹੋਇਆ ਸੀ। ਇਹ ਅੱਜ ਵੀ ਸਭ ਤੋਂ ਵੱਧ ਪਸੰਦ ਕੀਤੇ ਜਾਣ ਵਾਲੇ ਟੈਲੀਵਿਜ਼ਨ ਸ਼ੋਅ ਵਿੱਚੋਂ ਇੱਕ ਹੈ।
- PTC NEWS
