ਜ਼ਰਾ ਸੰਭਾਲ ਕੇ...Swiggy ਵਾਲਾ ਆ ਰਿਹੈ, ਵੇਖੋ ਵਾਇਰਲ ਵੀਡੀਓ ਤੇ ਜਾਣੋ ਪੂਰਾ ਮਾਮਲਾ
Swiggy Delivery Agent video: ਜੇਕਰ ਤੁਸੀ ਵੀ ਆਨਲਾਈਨ ਚੀਜ਼ਾਂ ਮੰਗਵਾਉਣ ਨੂੰ ਪਹਿਲ ਦਿੰਦੇ ਹੋ ਤਾਂ ਸਾਵਧਾਨ ਹੋ ਜਾਓ, ਕਿਉਂਕਿ ਆਨਲਾਈਨ ਡਿਲੀਵਰੀ ਦੇਣ ਆਉਣ ਵਾਲੇ ਕੁੱਝ ਵਿਅਕਤੀ ਘਟੀਆ ਸ਼ਰਾਰਤ ਵੀ ਕਰ ਸਕਦੇ ਹਨ। ਅਜਿਹੀ ਇੱਕ ਵੀਡੀਓ ਆਨਲਾਈਨ ਵੀਡੀਓ ਕੰਪਨੀ Swiggy ਦੀ ਵਾਇਰਲ ਹੋਈ ਹੈ। ਇੱਕ ਸਵਿਗੀ ਇੰਸਟਾਮਾਰਟ ਡਿਲੀਵਰੀ ਏਜੰਟ ਦੀ ਇੱਕ ਅਪਾਰਟਮੈਂਟ ਦੇ ਬਾਹਰੋਂ ਕਥਿਤ ਤੌਰ 'ਤੇ ਜੁੱਤੀਆਂ ਚੋਰੀ ਕਰਦੇ ਹੋਏ ਦੀ ਇੱਕ ਵਾਇਰਲ ਵੀਡੀਓ ਕੈਮਰੇ 'ਚ ਕੈਦ ਹੋਈ ਹੈ। ਸੀਸੀਟੀਵੀ ਫੁਟੇਜ 'ਚ ਵਿਖਾਈ ਦੇ ਰਿਹਾ ਹੈ ਕਿ ਇਹ ਸਵਿਗੀ ਡਿਲੀਵਰੀ ਬੁਆਏ ਇਸ ਘਰ 'ਚੋਂ ਆਰਡਰ 'ਤੇ ਕੋਈ ਪੈਕੇਜ ਡਿਲੀਵਰ ਕਰਨ ਆਇਆ ਸੀ। ਉਪਰੰਤ ਉਹ ਘਰ ਦੇ ਬਾਹਰ ਪਈਆਂ ਜੁੱਤੀਆਂ ਦੀ ਇੱਕ ਜੋੜੀ ਲੈ ਕੇ ਚਲਾ ਜਾਂਦਾ ਹੈ।
ਟਵਿੱਟਰ X 'ਤੇ ਸਾਂਝੀ ਕੀਤੀ ਗਈ ਸੀਸੀਟੀਵੀ ਫੁਟੇਜ 'ਚ ਵੇਖਿਆ ਜਾ ਸਕਦਾ ਹੈ ਕਿ ਡਿਲੀਵਰੀ ਏਜੰਟ ਪੈਕੇਜ ਦੇ ਨਾਲ ਦਰਵਾਜ਼ੇ 'ਤੇ ਪਹੁੰਚਦਾ ਹੈ ਅਤੇ ਗਾਹਕ ਦੇ ਜਵਾਬ ਦੀ ਉਡੀਕ ਕਰ ਰਿਹਾ ਹੈ। ਇਸ ਦੌਰਾਨ ਧਿਆਨ ਦਿੰਦਾ ਹੈ ਕਿ ਫਲੈਟ ਦੇ ਬਾਹਰ ਤਿੰਨ ਜੋੜੇ ਜੁੱਤੇ ਰੱਖੇ ਹੋਏ ਹਨ। ਕੁਝ ਪਲਾਂ ਬਾਅਦ ਗਾਹਕ ਪੈਕੇਜ ਨੂੰ ਪ੍ਰਾਪਤ ਕਰਦਾ ਹੈ ਅਤੇ ਏਜੰਟ ਚਲਾ ਜਾਂਦਾ ਜਾਪਦਾ ਹੈ।
ਹਾਲਾਂਕਿ, ਉਹ ਜਾਂਦਾ ਹੋਇਆ ਫਿਰ ਰੁਕ ਜਾਂਦਾ ਹੈ। ਆਪਣੇ ਸਿਰ ਤੋਂ ਕੱਪੜਾ ਹਟਾ ਕੇ ਪਹਿਲਾਂ ਚਿਹਰਾ ਪੂੰਝਦਾ ਹੈ ਅਤੇ ਫਿਰ ਜੁੱਤੀਆਂ ਵੱਲ ਮੁੜਦਾ ਹੈ। ਇਸ ਦੌਰਾਨ ਉਹ ਜੁੱਤੀਆਂ ਦਾ ਇੱਕ ਜੋੜਾ ਤੇਜ਼ੀ ਨਾਲ ਚੁੱਕਦਾ ਹੈ ਅਤੇ ਇਸਨੂੰ ਕੱਪੜੇ ਨਾਲ ਲੁਕਾਉਂਦਾ ਹੈ ਅਤੇ ਫਰਾਰ ਹੋ ਜਾਂਦਾ ਹੈ।
Swiggy's drop and PICK up service. A delivery boy just took my friend's shoes (@Nike) and they won't even share his contact. @Swiggy @SwiggyCares @SwiggyInstamart pic.twitter.com/NaGvrOiKcx — Rohit Arora (@_arorarohit_) April 11, 2024
ਵੀਡੀਓ ਨੂੰ X 'ਤੇ ਪੋਸਟ ਕਰਨ ਵਾਲੇ ਉਪਭੋਗਤਾ ਨੇ ਇਸ ਨੂੰ ਇੱਕ ਵਿਅੰਗਾਤਮਕ ਟਿੱਪਣੀ ਦੇ ਨਾਲ ਕੈਪਸ਼ਨ ਦਿੰਦੇ ਹੋਏ ਸਪੱਸ਼ਟ ਚੋਰੀ ਨੂੰ ਉਜਾਗਰ ਕੀਤਾ ਅਤੇ ਮੁੱਦੇ ਨੂੰ ਹੱਲ ਕਰਨ ਲਈ ਕੋਈ ਰਾਹ ਨਾ ਮਿਲਣ 'ਤੇ ਨਿਰਾਸ਼ਾ ਜ਼ਾਹਰ ਕੀਤੀ। 11 ਅਪ੍ਰੈਲ, 2024 ਨੂੰ ਇਸ ਦੇ ਅੱਪਲੋਡ ਹੋਣ ਤੋਂ ਬਾਅਦ, ਵੀਡੀਓ ਨੇ 716K ਵਿਯੂਜ਼ ਇਕੱਠੇ ਕੀਤੇ ਹਨ। ਘਟਨਾ ਗੁਰੂਗ੍ਰਾਮ ਦੀ ਦੱਸੀ ਜਾ ਰਹੀ ਹੈ।
ਵਾਇਰਲ ਵੀਡੀਓ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ Swiggy ਦੇ ਅਧਿਕਾਰਤ ਕਸਟਮਰ ਕੇਅਰ ਹੈਂਡਲ, Swiggy Cares ਨੇ ਇਸ ਘਟਨਾ ਨੂੰ ਸਵੀਕਾਰ ਕੀਤਾ ਅਤੇ ਆਪਣੇ ਡਿਲੀਵਰੀ ਪਾਰਟਨਰ ਦੇ ਵਿਵਹਾਰ 'ਤੇ ਨਿਰਾਸ਼ਾ ਜ਼ਾਹਰ ਕੀਤੀ। ਉਨ੍ਹਾਂ ਨੇ ਪੀੜਤ ਵਿਅਕਤੀ ਨੂੰ ਅਪੀਲ ਕੀਤੀ ਕਿ ਉਹ ਇਸ ਮੁੱਦੇ ਨੂੰ ਤੁਰੰਤ ਹੱਲ ਕਰਨ ਲਈ ਕੰਪਨੀ ਦੀ ਵਚਨਬੱਧਤਾ ਨੂੰ ਦਰਸਾਉਂਦੇ ਹੋਏ, ਹੋਰ ਸਹਾਇਤਾ ਲਈ ਸਿੱਧੇ ਸੰਦੇਸ਼ ਰਾਹੀਂ ਉਨ੍ਹਾਂ ਨਾਲ ਸੰਪਰਕ ਕਰਨ।
- PTC NEWS