Advertisment

ਦੂਜੀ ਔਰਤ ਨੂੰ ਲੈ ਕੇ ਪਤੀ-ਪਤਨੀ ਵਿਚਾਲੇ ਚੱਲੇ ਘਸੁੰਨ-ਮੁੱਕੇ, ਵੇਖੋ ਵੀਡੀਓ

author-image
Ravinder Singh
Updated On
New Update
ਦੂਜੀ ਔਰਤ ਨੂੰ ਲੈ ਕੇ ਪਤੀ-ਪਤਨੀ ਵਿਚਾਲੇ ਚੱਲੇ ਘਸੁੰਨ-ਮੁੱਕੇ
Advertisment

ਗੁਰਦਾਸਪੁਰ: ਨਣਦ ਦੇ ਘਰ ਦੂਜੀ ਔਰਤ ਨਾਲ ਰਹਿ ਰਹੇ ਪਤੀ ਨਾਲ ਵਿਵਾਦ ਮਗਰੋਂ ਪਤੀ-ਪਤਨੀ ਵਿਚਕਾਰ ਜ਼ਬਰਦਸਤ ਝਗੜਾ ਹੋਇਆ। ਸਮਾਜਸੇਵੀ ਸੰਸਥਾ ਨਾਲ ਪੁੱਜੀ ਪਤਨੀ ਨੇ ਆਪਣੇ ਪਤੀ ਦੀ ਚੰਗੀ ਤਰ੍ਹਾਂ ਭੁਗਤ ਸਵਾਰੀ। ਦੋਵਾਂ ਵਿਚਕਾਰ ਰੱਜ ਕੇ ਲੱਤਾਂ ਤੇ ਘਸੁੰਨ-ਮੁੱਕੇ ਚੱਲੇ। 

Advertisment





ਬਟਾਲਾ ਦੇ ਨਜ਼ਦੀਕੀ ਕਸਬਾ ਘੁਮਾਣ ਦੇ ਪਿੰਡ ਮੋਮਨਵਾਲ ਦੀ ਬਲਜੀਤ ਕੌਰ ਜਿਸਦਾ ਦੂਜਾ ਵਿਆਹ ਘਰਦਿਆਂ ਦੀ ਰਜ਼ਾਮੰਦੀ ਨਾਲ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਸੁਖਦਿਆਲ ਸਿੰਘ ਨਾਲ ਹੋਇਆ ਸੀ ਜੋ ਕਿ ਆਪਣੇ ਸਹੁਰੇ ਘਰ ਰਹਿੰਦਾ ਸੀ ਪਰ ਹੁਣ ਕੁਝ ਦਿਨਾਂ ਤੋਂ ਉਸਦਾ ਪਤੀ ਆਪਣੀ ਭੈਣ ਦੇ ਘਰ ਪਿੰਡ ਤਲਵੰਡੀ ਮੁਮਣ ਵਿਖੇ ਕਿਸੇ ਦੂਜੀ ਔਰਤ ਨਾਲ ਰਹਿ ਰਿਹਾ ਸੀ ਜਿਸਦਾ ਪਤਾ ਲੱਗਦੇ ਬਲਜੀਤ ਕੌਰ ਆਪਣੀ ਨਣਦ ਘਰ ਪੁੱਜੀ ਤੇ ਉਥੇ ਖ਼ੂਬ ਹੰਗਾਮਾ ਹੁੰਦਾ ਹੈ। ਦੋਵਾਂ ਵਿਚਕਾਰ ਚਪੇੜਾਂ, ਘਸੁੰਨਬਾਜ਼ੀ ਤੇ ਜ਼ਬਰਦਸਤ ਹੱਥੋਪਾਈ ਹੋਈ। ਪੀੜਤ ਮਹਿਲਾ ਬਲਜੀਤ ਨੇ ਦੱਸਿਆ ਕਿ ਉਸਦਾ 10 ਮਹੀਨੇ ਪਹਿਲਾਂ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਸੁਖਦਿਆਲ ਸਿੰਘ ਨਾਲ ਵਿਆਹ ਹੋਇਆ ਸੀ ਅਤੇ ਉਸਦੇ ਪਤੀ ਦੇ ਪਹਿਲਾਂ ਵੀ 3 ਵਿਆਹ ਹੋ ਚੁੱਕੇ ਹਨ। ਉਸ (ਬਲਜੀਤ ਕੌਰ) ਦਾ ਬਾਪ ਪਾਗਲ ਹੈ ਤੇ ਭਰਾ ਦੀ ਮੌਤ ਹੋ ਚੁੱਕੀ। ਇਸ ਕਾਰਨ ਉਸ ਦਾ ਪਤੀ ਉਸ ਨਾਲ ਉਸ ਦੇ ਪੇਕੇ ਘਰ ਰਹਿੰਦਾ ਹੈ ਪਰ ਸੁਖਦਿਆਲ ਸਿੰਘ ਕਈ ਵਾਰ ਉਸ ਦੇ ਪਾਗਲ ਪਿਓ ਦੀ ਕੁੱਟਮਾਰ ਕਰਦਾ ਸੀ। 

Advertisment

ਬਲਜੀਤ ਕੌਰ ਨੇ ਅੱਗੇ ਦੱਸਿਆ ਹੁਣ ਪਤਾ ਲੱਗਾ ਸੀ ਕਿ ਉਹ ਆਪਣੀ ਭੈਣ ਦੇ ਘਰ ਕਿਸੇ ਹੋਰ ਔਰਤ ਨਾਲ ਰਹਿ ਰਿਹਾ ਹੈ ਜੋ ਜੰਮੂ ਦੀ ਰਹਿਣ ਵਾਲੀ ਹੈ ਜਿਸ ਕਾਰਨ ਉਹ ਸਮਾਜਸੇਵੀ ਸੰਸਥਾ ਨੂੰ ਨਾਲ ਲੈਕੇ ਆਪਣੀ ਨਨਾਣ ਦੇ ਘਰ ਆਈ। ਜਦ ਉਹ ਉਸ ਨੂੰ ਸਮਝਾਉਣ ਲਈ ਆਈ ਤਾਂ ਉਸ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ ਗਈ। ਉਸ ਨੇ ਕਿਹਾ ਕਿ ਉਸ ਨੂੰ ਇਨਸਾਫ਼਼ ਦਿੱਤਾ ਜਾਵੇ। ਸੁਖਦਿਆਲ ਤੇ ਉਸਦੀ ਭੈਣ ਗੁਰਪਿੰਦਰ ਕੌਰ ਨੇ ਦੱਸਿਆ ਕੇ ਬਲਜੀਤ ਕੌਰ ਗ਼ਲਤ ਦੋਸ਼ ਲਗਾ ਰਹੀ ਹੈ ਜਿਸ ਔਰਤ ਦੀ ਗੱਲ ਕਰ ਰਹੀ ਹੈ ਉਸਦੀ ਰਜ਼ਾਮੰਦੀ ਨਾਲ ਰਹਿ ਰਹੀ ਹੈ। ਪਹਿਲਾਂ ਇਹੋ ਔਰਤ ਬਲਜੀਤ ਕੌਰ ਦੇ ਘਰ ਰਹਿੰਦੀ ਸੀ। ਇਸ ਔਰਤ ਦਾ ਬਾਪ ਉਸ ਨਾਲ ਗਲਤ ਹਰਕਤਾਂ ਕਰਦਾ ਸੀ ਜਿਸ ਕਰਕੇ ਉਹ ਉਨ੍ਹਾਂ ਕੋਲ ਆਕੇ ਰਹਿਣ ਲੱਗ ਪਈ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਕੋਈ ਵੀ ਗਲਤ ਕੰਮ ਨਹੀਂ ਕਰਵਾਇਆ।

ਇਹ ਵੀ ਪੜ੍ਹੋ : ਨਾਇਬ ਤਹਿਸੀਲਦਾਰ ਭਰਤੀ ਘੁਟਾਲਾ: ਦੂਜੀ ਪੁਜੀਸ਼ਨ ਹਾਸਲ ਕਰਨ ਵਾਲੇ ਨੌਜਵਾਨ ਸਮੇਤ ਦੋ ਗ੍ਰਿਫ਼ਤਾਰ

ਦੂਜੇ ਪਾਸੇ ਜਿਸ ਦੂਸਰੀ ਔਰਤ ਜਯੋਤੀ ਜੋ ਕਿ ਸੁਖਦਿਆਲ ਸਿੰਘ ਨਾਲ ਰਹਿ ਰਹੀ ਨੇ ਦੱਸਿਆ ਕਿ ਉਸ ਦਾ ਘਰਵਾਲਾ ਅਕਸਰ ਕੁੱਟਮਾਰ ਕਰਦਾ ਸੀ ਤੇ ਉਹ ਕੰਮ ਦੀ ਤਲਾਸ਼ ਵਿਚ ਇਥੇ ਆਈ ਹੋਈ ਹੈ | ਇਸ ਕਰਕੇ ਗੁਰਪਿੰਦਰ ਕੌਰ ਦੇ ਘਰ ਰਹਿ ਰਹੀ ਹਾਂ।

- PTC NEWS
latestnews crimenewsnews husbandwifeclash
Advertisment

Stay updated with the latest news headlines.

Follow us:
Advertisment