Tue, Jun 25, 2024
Whatsapp

ਅੱਤ ਦੀ ਗਰਮੀ ਨੇ ਮਾਰੀ ਮੱਤ, ਚੋਰੀ ਕਰਨ ਗਏ ਚੋਰ ਨੂੰ ਮਿਲੀ AC ਦੀ ਠੰਢਕ ਤਾਂ ਸੁੱਤਾ ਹੀ ਰਹਿ ਗਿਆ ਚੋਰ

ਇਹ ਘਟਨਾ ਐਤਵਾਰ ਤੜਕੇ ਉਸ ਸਮੇਂ ਵਾਪਰੀ ਜਦੋਂ ਵਿਅਕਤੀ ਲਖਨਊ ਦੇ ਇੰਦਰਾਨਗਰ ਇਲਾਕੇ 'ਚ ਸਥਿਤ ਘਰ 'ਚ ਦਾਖਲ ਹੋਇਆ। ਮਿਲੀ ਜਾਣਕਾਰੀ ਮੁਤਾਬਿਕ ਇਹ ਘਰ ਡਾਕਟਰ ਸੁਨੀਲ ਪਾਂਡੇ ਦਾ ਹੈ, ਜੋ ਵਾਰਾਣਸੀ ਵਿੱਚ ਤਾਇਨਾਤ ਹਨ ਅਤੇ ਘਟਨਾ ਦੇ ਸਮੇਂ ਬਾਹਰ ਸਨ।

Written by  Aarti -- June 03rd 2024 02:37 PM
ਅੱਤ ਦੀ ਗਰਮੀ ਨੇ ਮਾਰੀ ਮੱਤ, ਚੋਰੀ ਕਰਨ ਗਏ ਚੋਰ ਨੂੰ ਮਿਲੀ AC ਦੀ ਠੰਢਕ ਤਾਂ ਸੁੱਤਾ ਹੀ ਰਹਿ ਗਿਆ ਚੋਰ

ਅੱਤ ਦੀ ਗਰਮੀ ਨੇ ਮਾਰੀ ਮੱਤ, ਚੋਰੀ ਕਰਨ ਗਏ ਚੋਰ ਨੂੰ ਮਿਲੀ AC ਦੀ ਠੰਢਕ ਤਾਂ ਸੁੱਤਾ ਹੀ ਰਹਿ ਗਿਆ ਚੋਰ

Thief Falls Asleep During Robbery: ਉੱਤਰ ਪ੍ਰਦੇਸ਼ ਦੇ ਲਖਨਊ 'ਚ ਬੀਤੇ ਦਿ ਇਕ ਵਿਅਕਤੀ ਨੂੰ ਉਸ ਘਰ ਦੇ ਫਰਸ਼ 'ਤੇ ਸ਼ਾਂਤੀ ਨਾਲ ਸੌਂਦਾ ਪਾਇਆ ਗਿਆ, ਜਿੱਥੇ ਉਹ ਲੁੱਟ-ਖੋਹ ਕਰਨ ਲਈ ਦਾਖਲ ਹੋਇਆ ਸੀ। ਪੁਲਿਸ ਦੇ ਅਨੁਸਾਰ ਵਿਅਕਤੀ ਕਾਫ਼ੀ ਸ਼ਰਾਬੀ ਸੀ ਅਤੇ ਘਰ ਵਿੱਚ ਏਅਰ ਕੰਡੀਸ਼ਨਰ ਲੱਭਣ ਅਤੇ ਇਸਨੂੰ ਚਾਲੂ ਕਰਨ ਤੋਂ ਬਾਅਦ ਸੌਂ ਗਿਆ। 

ਇਹ ਘਟਨਾ ਐਤਵਾਰ ਤੜਕੇ ਉਸ ਸਮੇਂ ਵਾਪਰੀ ਜਦੋਂ ਵਿਅਕਤੀ ਲਖਨਊ ਦੇ ਇੰਦਰਾਨਗਰ ਇਲਾਕੇ 'ਚ ਸਥਿਤ ਘਰ 'ਚ ਦਾਖਲ ਹੋਇਆ। ਮਿਲੀ ਜਾਣਕਾਰੀ ਮੁਤਾਬਿਕ ਇਹ ਘਰ ਡਾਕਟਰ ਸੁਨੀਲ ਪਾਂਡੇ ਦਾ ਹੈ, ਜੋ ਵਾਰਾਣਸੀ ਵਿੱਚ ਤਾਇਨਾਤ ਹਨ ਅਤੇ ਘਟਨਾ ਦੇ ਸਮੇਂ ਬਾਹਰ ਸਨ। ਘਰ ਖਾਲੀ ਦੇਖ ਕੇ ਵਿਅਕਤੀ ਨੇ ਘਰ ਦਾ ਦਰਵਾਜ਼ਾ ਖੋਲ੍ਹਿਆ ਅਤੇ ਅੰਦਰ ਦਾਖਲ ਹੋ ਗਿਆ।


ਘਰ ਦੇ ਡਰਾਇੰਗ ਏਰੀਏ ਵਿੱਚ ਜਾਣ ਤੋਂ ਬਾਅਦ ਆਦਮੀ ਨੇ ਏਅਰ ਕੰਡੀਸ਼ਨਰ ਨੂੰ ਦੇਖਿਆ ਅਤੇ ਇਸਨੂੰ ਚਾਲੂ ਕਰ ਦਿੱਤਾ। ਫਿਰ ਉਹ ਸਿਰਹਾਣੇੇ 'ਤੇ ਸਿਰ ਰੱਖ ਕੇ ਆਰਾਮ ਨਾਲ ਫਰਸ਼ 'ਤੇ ਲੇਟ ਗਿਆ ਅਤੇ ਜਲਦੀ ਹੀ ਸੌਂ ਗਿਆ।

ਘਰ ਦਾ ਮੇਨ ਗੇਟ ਖੁੱਲ੍ਹਾ ਦੇਖ ਕੇ ਡਾਕਟਰ ਪਾਂਡੇ ਦੇ ਗੁਆਂਢੀਆਂ ਨੇ ਉਸ ਨੂੰ ਬੁਲਾਇਆ। ਹਾਲਾਂਕਿ, ਉਹ ਉਸ ਸਮੇਂ ਲਖਨਊ ਵਿੱਚ ਨਹੀਂ ਸੀ, ਇਸ ਲਈ ਉਸਨੇ ਪੁਲਿਸ ਨੂੰ ਸੂਚਿਤ ਕੀਤਾ।

ਜਦੋਂ ਪੁਲਿਸ ਮੌਕੇ 'ਤੇ ਪਹੁੰਚੀ ਤਾਂ ਦੇਖਿਆ ਕਿ ਵਿਅਕਤੀ ਏਅਰ ਕੰਡੀਸ਼ਨਰ ’ਚ ਆਰਾਮ ਨਾਲ ਸੌਂ ਰਿਹਾ ਸੀ। ਚੋਰ ਦੀ ਇਕ ਤਸਵੀਰ ਵਿਚ ਉਸ ਨੇ ਸੱਜੇ ਹੱਥ ਵਿਚ ਮੋਬਾਈਲ ਫੜਿਆ ਹੋਇਆ ਹੈ ਅਤੇ ਗੂੜ੍ਹੀ ਨੀਂਦ ਵਿਚ ਹੈ।

ਡੀਸੀਪੀ ਉੱਤਰੀ ਜ਼ੋਨ ਆਰ ਵਿਜੇ ਸ਼ੰਕਰ ਨੇ ਦੱਸਿਆ ਕਿ ਵਿਅਕਤੀ ਚੋਰੀ ਦੀ ਨੀਅਤ ਨਾਲ ਘਰ ਵਿੱਚ ਦਾਖਲ ਹੋਇਆ ਸੀ, ਪਰ ਸੌਂ ਗਿਆ।ਅਧਿਕਾਰੀ ਨੇ ਦੱਸਿਆ ਕਿ ਉਹ ਬਹੁਤ ਸ਼ਰਾਬੀ ਸੀ ਜਿਸ ਕਾਰਨ ਉਹ ਸੌਂ ਗਿਆ ਅਤੇ ਉੱਠ ਨਹੀਂ ਸਕਿਆ।" ਗੁਆਂਢੀਆਂ ਨੇ ਇਸ ਦੀ ਸੂਚਨਾ ਦਿੱਤੀ, ਜਿਸ ਤੋਂ ਬਾਅਦ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

ਇਹ ਵੀ ਪੜ੍ਹੋ: Raveena Tandon News: ਰਵੀਨਾ ਟੰਡਨ ਨਾਲ ਕੁੱਟਮਾਰ ਦਾ ਮਾਮਲਾ, ਹੰਗਾਮੇ ਦੀ ਵੀਡੀਓ ਹੋਈ ਵਾਇਰਲ, ਜਾਣੋ ਕੀ ਹੈ ਪੂਰਾ ਸੱਚ?

- PTC NEWS

Top News view more...

Latest News view more...

PTC NETWORK