Budget 2024 : ਸ਼ੇਅਰ ਮਾਰਕੀਟ ਦੇ ਇਨ੍ਹਾਂ ਸੈਕਸ਼ਨਾਂ 'ਚ ਸਰਕਾਰ ਨੇ ਵਧਾਇਆ ਟੈਕਸ, F&O ਦੇ STT 'ਚ ਵੀ ਹੋਇਆ ਵਾਧਾ
Budget Tax on Share Market : ਮੋਦੀ 3.0 ਸਰਕਾਰ ਦਾ ਬਜਟ 2024 ਸ਼ੇਅਰ ਮਾਰਕੀਟ ਲਈ ਚੰਗਾ ਨਹੀਂ ਰਿਹਾ। ਵਿੱਤ ਮੰਤਰੀ ਵੱਲੋਂ ਭਾਵੇਂ ਕਈ ਲੁਭਾਵਣੇ ਐਲਾਨ ਕੀਤੇ ਗਏ, ਪਰ ਸ਼ੇਅਰ ਮਾਰਕੀਟ ਦੇ 3 ਸੈਕਸ਼ਨਾਂ 'ਚ ਟੈਕਸ ਵਾਧੇ ਨੇ ਨਿਵੇਸ਼ਕਾਂ ਨੂੰ ਨਿਰਾਸ਼ ਕਰ ਦਿੱਤਾ। ਨਤੀਜੇ ਵੱਜੋਂ ਮਾਰਕੀਟ ਬੁਰੀ ਤਰ੍ਹਾਂ ਹੇਠਾਂ ਡਿੱਗੀ। ਸਭ ਤੋਂ ਜ਼ਿਆਦਾ ਗਿਰਾਵਟ PSU ਸ਼ੇਅਰਾਂ 'ਚ ਰਹੀ। IRCON, NBCC, HUDCO, IRFC, ਰੇਲਵੇ ਵਿਕਾਸ ਨਿਗਮ ਵਰਗੇ PSU ਸ਼ੇਅਰਾਂ 'ਚ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਅਤੇ 10 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ।
ਸ਼ੇਅਰਾਂ 'ਤੇ ਕਿੰਨਾ ਵਧਾਇਆ ਗਿਆ ਟੈਕਸ
ਬਜਟ 'ਚ ਸਰਕਾਰ ਵੱਲੋਂ ਲੰਬੇ ਸਮੇਂ ਅਤੇ ਛੋਟੀ ਮਿਆਦ ਦੇ ਲਾਭ ਟੈਕਸ (gain tax) ਵਿੱਚ ਵਾਧੇ ਦਾ ਐਲਾਨ ਪ੍ਰਮੁੱਖ ਸੀ, ਜਿਸ ਨੂੰ ਸ਼ੇਅਰ ਬਾਜ਼ਾਰ ਨੇ ਪਸੰਦ ਨਹੀਂ ਕੀਤਾ ਅਤੇ ਬਾਜ਼ਾਰ ਡਿੱਗ ਗਏ। ਬਜਟ 'ਚ ਲੰਬੇ ਸਮੇਂ ਦੇ ਲਾਭ ਟੈਕਸ 'ਚ 12.5 ਫੀਸਦੀ, ਜਦਕਿ ਸ਼ਾਰਟ ਟਰਮ ਲਾਭ ਟੈਕਸ 'ਚ 20 ਫੀਸਦੀ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਭਵਿੱਖ ਅਤੇ ਵਿਕਲਪ ਵਿੱਚ ਐਸ.ਟੀ.ਟੀ. ਨੂੰ ਵੀ ਵਧਾਇਆ ਗਿਆ ਹੈ।
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਲੰਬੇ ਸਮੇਂ ਦੇ ਪੂੰਜੀ ਲਾਭ ਟੈਕਸ ਨੂੰ ਸਰਲ ਬਣਾਉਣ ਦੇ ਪ੍ਰਸਤਾਵ ਦਾ ਐਲਾਨ ਕੀਤਾ। ਉਸ ਨੇ ਸ਼ਾਰਟ ਟਰਮ ਕੈਪੀਟਲ ਗੇਨ ਟੈਕਸ 'ਚ 5 ਫੀਸਦੀ ਦਾ ਵਾਧਾ ਕੀਤਾ ਹੈ, ਜਦੋਂ ਕਿ ਲੰਬੀ ਮਿਆਦ ਦੇ ਕੈਪੀਟਲ ਗੇਨ ਟੈਕਸ 'ਚ 2.5 ਫੀਸਦੀ ਦਾ ਵਾਧਾ ਕੀਤਾ ਹੈ। ਵਿੱਤ ਮੰਤਰੀ ਨੇ ਕਿਹਾ, ''ਹੁਣ ਤੋਂ ਕੁਝ ਵਿੱਤੀ ਸੰਪਤੀਆਂ 'ਤੇ ਥੋੜ੍ਹੇ ਸਮੇਂ ਦੇ ਲਾਭਾਂ 'ਤੇ 20 ਫੀਸਦੀ ਦੀ ਟੈਕਸ ਦਰ ਲਾਗੂ ਹੋਵੇਗੀ, ਜਦੋਂ ਕਿ ਬਾਕੀ ਸਾਰੀਆਂ ਵਿੱਤੀ ਸੰਪਤੀਆਂ ਅਤੇ ਸਾਰੀਆਂ ਗੈਰ-ਵਿੱਤੀ ਸੰਪਤੀਆਂ 'ਤੇ ਲਾਗੂ ਟੈਕਸ ਦਰ ਲਾਗੂ ਰਹੇਗੀ।
ਬਜਟ 'ਚ ਫਿਊਚਰ ਐਂਡ ਆਪਸ਼ਨ ਟਰੇਡ 'ਚ ਐਸਟੀਟੀ ਵਧਾਉਣ ਦਾ ਐਲਾਨ ਮੁੱਖ ਰਿਹਾ। ਇੱਕ ਪਾਸੇ ਜਿੱਥੇ ਪੂੰਜੀ ਲਾਭ ਟੈਕਸ ਵਧਾ ਕੇ ਨਿਵੇਸ਼ਕਾਂ ਨੂੰ ਝਟਕਾ ਲੱਗਾ ਹੈ, ਉੱਥੇ ਹੀ ਐਸਟੀਟੀ (STT) ਵਧਾ ਕੇ ਵਪਾਰੀਆਂ ਨੂੰ ਵੀ ਝਟਕਾ ਲੱਗਾ ਹੈ।
- PTC NEWS
