US Deportee Punjabi List : ਅਮਰੀਕਾ ਤੋਂ ਡਿਪੋਰਟ ਗ਼ੈਰ-ਕਾਨੂੰਨੀ ਪੰਜਾਬੀਆਂ ਦੀ ਸੂਚੀ ਆਈ ਸਾਹਮਣੇ, ਵੇਖੋ
67 US Deportee Punjabi List : ਅਮਰੀਕਾ ਤੋਂ ਅੱਜ ਡਿਪੋਰਟ ਕੀਤੇ ਗਏ 119 ਗੈਰ-ਕਾਨੂੰਨੀ ਭਾਰਤੀਆਂ ਨੂੰ ਲੈ ਕੇ ਜਹਾਜ਼ ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਪਹੁੰਚੇਗਾ। ਦੱਸਿਆ ਜਾ ਰਿਹਾ ਹੈ ਕਿ ਅਮਰੀਕੀ ਫੌਜੀ ਜਹਾਜ਼ C-17 ਗਲੋਬਮਾਸਟਰ III ਵਿੱਚ ਆ ਰਹੇ 119 ਭਾਰਤੀਆਂ ਵਿਚੋਂ 67 ਪੰਜਾਬੀ ਹਨ, ਜਦਕਿ ਹਰਿਆਣਾ ਤੋਂ 33, ਗੁਜਰਾਤ ਤੋਂ ਅੱਠ, ਉੱਤਰ ਪ੍ਰਦੇਸ਼ ਤੋਂ ਤਿੰਨ, ਰਾਜਸਥਾਨ ਅਤੇ ਮਹਾਰਾਸ਼ਟਰ ਤੋਂ ਦੋ-ਦੋ ਅਤੇ ਜੰਮੂ-ਕਸ਼ਮੀਰ ਅਤੇ ਹਿਮਾਚਲ ਪ੍ਰਦੇਸ਼ ਤੋਂ ਇੱਕ-ਇੱਕ ਵਿਅਕਤੀ ਸ਼ਾਮਲ ਹੈ।
ਡਿਪੋਰਟ ਗੈਰ-ਕਾਨੂੰਨੀ ਪੰਜਾਬੀਆਂ ਦੀ ਸੂਚੀ ਵੇਖਣ ਲਈ ਕਰੋ ਕਲਿੱਕ....
ਹੁਣ ਇਨ੍ਹਾਂ ਡਿਪੋਰਟ ਕੀਤੇ ਲੋਕਾਂ ਦੀ ਸੂਚੀਆਂ ਵੀ ਸਾਹਮਣੇ ਆ ਗਈਆਂ ਹਨ। ਪੰਜਾਬ ਦੇ 15 ਜ਼ਿਲ੍ਹਿਆਂ ਨਾਲ ਸਬੰਧਤ ਪੰਜਾਬੀਆਂ ਦੇ ਨਾਮ ਵੀ ਸਾਹਮਣੇ ਆ ਗਏ ਹਨ, ਜਿਨ੍ਹਾਂ ਵਿੱਚ ਇਸ ਵਾਰ ਸਭ ਤੋਂ ਵੱਧ 11 ਗੁਰਦਾਸਪੁਰ ਜ਼ਿਲ੍ਹੇ ਨਾਲ ਸਬੰਧਤ ਹਨ। ਜਦਕਿ ਰੋਪੜ, ਮੋਗਾ, ਫਤਹਿਗੜ੍ਹ ਸਾਹਿਬ, ਫਰੀਦਕੋਟ ਅਤੇ ਲੁਧਿਆਣਾ ਜ਼ਿਲ੍ਹੇ ਤੋਂ 1-1 ਵਿਅਕਤੀ ਹੈ।
ਇਸਤੋਂ ਇਲਾਵਾ ਤਰਨਤਾਰਨ, ਮੋਹਾਲੀ ਅਤੇ ਸੰਗਰੂਰ ਤੋਂ 3-3, ਫਿਰੋਜ਼ਪੁਰ ਤੋਂ 4, ਜਲੰਧਰ ਤੋਂ 5, ਅੰਮ੍ਰਿਤਸਰ ਤੋਂ 6, ਪਟਿਆਲਾ ਤੋਂ 7 ਅਤੇ ਹੁਸ਼ਿਆਰਪੁਰ ਤੇ ਕਪੂਰਥਲਾ ਤੋਂ 10-10 ਵਿਅਕਤੀ ਸ਼ਾਮਲ ਹਨ।
ਡਿਪੋਰਟ ਗੈਰ-ਕਾਨੂੰਨੀ ਪੰਜਾਬੀਆਂ ਦੀ ਸੂਚੀ ਵੇਖਣ ਲਈ ਕਰੋ ਕਲਿੱਕ....
- PTC NEWS
