Credit Card ਦੀ ਸੀਮਾ ਵਧਾਉਣ ਦੇ ਕੀ ਫਾਇਦੇ ਹੁੰਦੇ ਹਨ, ਜਾਣੋ ਇੱਥੇ
Credit Card Limit: ਕ੍ਰੈਡਿਟ ਕਾਰਡ ਦੀ ਸੀਮਾ ਕ੍ਰੈਡਿਟ ਕਾਰਡ ਕੰਪਨੀ ਜਾਂ ਬੈਂਕ ਦੁਆਰਾ ਕਿਸੇ ਖਾਸ ਕ੍ਰੈਡਿਟ ਕਾਰਡ 'ਤੇ ਨਿਰਧਾਰਤ ਕੀਤੀ ਖਰੀਦ ਸੀਮਾ ਹੈ। ਦੱਸ ਦਈਏ ਕਿ ਇਹ ਵੱਧ ਤੋਂ ਵੱਧ ਰਕਮ ਹੈ, ਜੋ ਇੱਕ ਉਪਭੋਗਤਾ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਕੇ ਖਰਚ ਕਰ ਸਕਦਾ ਹੈ। ਸਮਝੋ ਕਿ ਜੇਕਰ ਤੁਹਾਡਾ ਬੈਂਕ ਤੁਹਾਨੂੰ 50,000 ਰੁਪਏ ਦੀ ਸੀਮਾ ਵਾਲਾ ਕ੍ਰੈਡਿਟ ਕਾਰਡ ਪ੍ਰਦਾਨ ਕਰਦਾ ਹੈ, ਤਾਂ ਤੁਸੀਂ ਆਪਣੇ ਕਾਰਡ 'ਤੇ ਇਸ ਤੋਂ ਵੱਧ ਰਕਮ ਖਰਚ ਨਹੀਂ ਕਰ ਸਕਦੇ। ਕ੍ਰੈਡਿਟ ਸੀਮਾ ਕ੍ਰੈਡਿਟ ਕਾਰਡ ਦੀ ਕਿਸਮ 'ਤੇ ਨਿਰਭਰ ਕਰਦੀ ਹੈ ਅਤੇ ਗਾਹਕ ਦੀ ਯੋਗਤਾ ਦੇ ਆਧਾਰ 'ਤੇ ਤੈਅ ਕੀਤੀ ਜਾਂਦੀ ਹੈ। ਵੈਸੇ ਤਾਂ ਬੈਂਕ ਤੁਹਾਡੀ ਕ੍ਰੈਡਿਟ ਸੀਮਾ ਵਧਾ ਸਕਦੇ ਹਨ। ਇਸ ਦੇ ਲਈ ਉਹ ਕੁਝ ਗੱਲਾਂ ਨੂੰ ਧਿਆਨ 'ਚ ਰੱਖ ਕੇ ਹੀ ਫੈਸਲੇ ਲੈਂਦਾ ਹੈ।
ਬੈਂਕ ਕਿਹੜੀਆਂ ਗਲਾਂ ਤੇ ਧਿਆਨ ਰੱਖਦਾ ਹੈ?
ਜਦੋਂ ਤੁਸੀਂ ਕ੍ਰੈਡਿਟ ਕਾਰਡ ਲਈ ਅਰਜ਼ੀ ਦਿੰਦੇ ਹੋ, ਤਾਂ ਤੁਹਾਡਾ ਬੈਂਕ ਤੁਹਾਡੀ ਕ੍ਰੈਡਿਟ ਸੀਮਾ ਨਿਰਧਾਰਤ ਕਰਦਾ ਹੈ। ਦੱਸ ਦਈਏ ਕਿ ਬਹੁਤ ਸਾਰੀਆਂ ਗੱਲਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਇਹ ਫੈਸਲਾ ਲਿਆ ਜਾਂਦਾ ਹੈ। ਇਨ੍ਹਾਂ 'ਚ ਤੁਹਾਡੀ ਸਾਲਾਨਾ ਆਮਦਨ, ਤੁਹਾਡੀ ਉਮਰ, ਤੁਹਾਡੇ ਕੋਲ ਮੌਜੂਦਾ ਕਰਜ਼ੇ ਦੀ ਮਾਤਰਾ, ਤੁਹਾਡੇ ਨਾਮ 'ਤੇ ਕ੍ਰੈਡਿਟ ਦੀ ਮਾਤਰਾ, ਤੁਹਾਡੀ ਰੁਜ਼ਗਾਰ ਸਥਿਤੀ ਅਤੇ ਸਭ ਤੋਂ ਮਹੱਤਵਪੂਰਨ, ਤੁਹਾਡੀ ਕ੍ਰੈਡਿਟ ਹਿਸਟਰੀ ਅਤੇ ਤੁਹਾਡਾ ਕ੍ਰੈਡਿਟ ਸਕੋਰ ਸ਼ਾਮਲ ਹੈ। ਅਜਿਹੇ 'ਚ ਜੇਕਰ ਬੈਂਕ ਨੂੰ ਲੱਗਦਾ ਹੈ ਕਿ ਤੁਸੀਂ ਇਨ੍ਹਾਂ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹੋ ਤਾਂ ਉਹ ਤੁਹਾਡੇ ਕ੍ਰੈਡਿਟ ਕਾਰਡ ਦੀ ਸੀਮਾ ਵਧਾ ਦਿੰਦਾ ਹੈ। ਨਾਲ ਹੀ ਜੇਕਰ ਬੈਂਕ ਨੂੰ ਲੱਗਦਾ ਹੈ ਕਿ ਜ਼ਰੂਰੀ ਚੀਜ਼ਾਂ ਮੇਲ ਨਹੀਂ ਖਾਂਦੀਆਂ ਤਾਂ ਉਹ ਕਾਰਡ ਦੀ ਸੀਮਾ ਨਹੀਂ ਵਧਾਏਗਾ।
ਬੈਂਕ ਬਾਜ਼ਾਰ ਮੁਤਾਬਕ ਜੇਕਰ ਤੁਸੀਂ ਜਿਸ ਕਾਰਡ ਲਈ ਅਰਜ਼ੀ ਦੇ ਰਹੇ ਹੋ, ਉਹ ਤੁਹਾਡਾ ਪਹਿਲਾ ਕ੍ਰੈਡਿਟ ਕਾਰਡ ਹੈ ਜਾਂ ਤੁਹਾਡੇ ਨਾਮ 'ਤੇ ਕੋਈ ਕ੍ਰੈਡਿਟ ਨਹੀਂ ਹੈ, ਤਾਂ ਤੁਹਾਡੇ ਕ੍ਰੈਡਿਟ ਕਾਰਡ ਦੀ ਕ੍ਰੈਡਿਟ ਸੀਮਾ ਘੱਟ ਹੋਵੇਗੀ। ਦੱਸ ਦਈਏ ਕਿ ਅਜਿਹੇ ਇਸ ਲਈ ਹੁੰਦਾ ਹੈ ਕਿਉਂਕਿ ਬੈਂਕ ਨੂੰ ਬਿਲਕੁਲ ਨਹੀਂ ਪਤਾ ਹੁੰਦਾ ਕਿ ਉਨ੍ਹਾਂ ਨੂੰ ਤੁਹਾਡੇ 'ਤੇ ਜੋਖਮ ਲੈਣਾ ਚਾਹੀਦਾ ਹੈ ਜਾਂ ਨਹੀਂ। ਵੈਸੇ ਤਾਂ ਘੱਟ ਕ੍ਰੈਡਿਟ ਸੀਮਾ ਲੰਬੇ ਸਮੇਂ ਲਈ ਘੱਟ ਨਹੀਂ ਰਹਿੰਦੀ ਹੈ। ਜੇਕਰ ਤੁਸੀਂ ਆਪਣੇ ਕਾਰਡ ਦੀ ਸਹੀ ਵਰਤੋਂ ਕਰਦੇ ਹੋ ਅਤੇ ਆਪਣੇ ਭੁਗਤਾਨ ਪੂਰੇ ਅਤੇ ਸਮੇਂ 'ਤੇ ਕਰਦੇ ਹੋ, ਤਾਂ ਬੈਂਕ ਤੁਹਾਨੂੰ ਤੁਹਾਡੇ ਕਾਰਡ 'ਤੇ ਕ੍ਰੈਡਿਟ ਸੀਮਾ ਵਧਾਉਣ ਦਾ ਵਿਕਲਪ ਦੇਵੇਗਾ।
ਕ੍ਰੈਡਿਟ ਕਾਰਡ ਦੀ ਸੀਮਾ ਵਧਾਉਣ ਦੇ ਫਾਇਦੇ:
ਇੱਕ ਵਾਰ ਜਦੋਂ ਕ੍ਰੈਡਿਟ ਕਾਰਡ ਦੀ ਸੀਮਾ ਵੱਧ ਜਾਂਦੀ ਹੈ, ਤਾਂ ਇਹ ਕੁਝ ਲਾਭ ਵੀ ਲਿਆਉਂਦਾ ਹੈ। ਸਭ ਤੋਂ ਪਹਿਲਾਂ, ਤੁਹਾਡੀ ਖਰੀਦਦਾਰੀ ਸੀਮਾ ਵਧਦੀ ਹੈ। ਜੇਕਰ ਤੁਸੀਂ ਚਾਹੋ, ਤਾਂ ਤੁਸੀਂ ਉਸ ਨਵੀਂ ਸੀਮਾ ਤੱਕ ਖਰੀਦ ਸਕਦੇ ਹੋ। ਨਾਲ ਹੀ ਤੁਹਾਨੂੰ ਐਮਰਜੈਂਸੀ ਦੌਰਾਨ ਮਦਦ ਮਿਲਦੀ ਹੈ। ਇੱਕ ਉੱਚ ਕ੍ਰੈਡਿਟ ਸੀਮਾ ਹਮੇਸ਼ਾ ਵਿੱਤੀ ਜਾਂ ਡਾਕਟਰੀ ਸੰਕਟਕਾਲਾਂ ਦੌਰਾਨ ਕੰਮ ਆਉਂਦੀ ਹੈ।
ਇੱਕ ਉੱਚ ਕ੍ਰੈਡਿਟ ਸੀਮਾ ਜਿਸਦੀ ਤੁਸੀਂ ਵਰਤੋਂ ਨਹੀਂ ਕਰਦੇ, ਤਾਂ ਬੈਂਕ ਤੁਹਾਨੂੰ ਵਧੇਰੇ ਅਨੁਕੂਲਤਾ ਨਾਲ ਦੇਖਦੇ ਹਨ। ਦੱਸ ਦਈਏ ਕਿ ਅਜਿਹੇ 'ਚ ਲੋਨ ਮਨਜ਼ੂਰ ਕਰਵਾਉਣਾ ਬਹੁਤ ਆਸਾਨ ਹੋ ਜਾਂਦਾ ਹੈ। ਕਿਉਂਕਿ ਬਹੁਤੇ ਕ੍ਰੈਡਿਟ ਕਾਰਡ ਉੱਚ ਕ੍ਰੈਡਿਟ ਸੀਮਾਵਾਂ ਦੇ ਨਾਲ ਆਉਂਦੇ ਹਨ ਉਹ ਬਹੁਤ ਸਾਰੇ ਫ਼ਾਇਦਿਆਂ ਦੇ ਨਾਲ ਵੀ ਆਉਂਦੇ ਹਨ ਜਿਨ੍ਹਾਂ ਦਾ ਤੁਸੀਂ ਲਾਭ ਲੈ ਸਕਦੇ ਹੋ ਜਿਵੇਂ ਕਿ ਏਅਰਪੋਰਟ ਲੌਂਜ, ਹੋਟਲ ਮੈਂਬਰਸ਼ਿਪ ਆਦਿ ਤੱਕ ਪਹੁੰਚ।
-
