ਪੰਜਾਬ ਦੀ ਇਸ ਧੀ ਨੇ ਅਮਰੀਕਾ 'ਚ ਕੀਤੀ ਮਿਸਾਲ ਪੇਸ਼,ਹਾਸਿਲ ਕੀਤੀ ਇਹ ਉਪਲੱਬਧੀ!
ਪੰਜਾਬੀ ਜਿੱਥੇ ਵੀ ਹੋਣ ਉੱਥੇ ਉਨ੍ਹਾਂ ਦੀਆਂ ਉਪਲੱਬਧੀਆਂ ਦੀ ਧੁੰਮ ਨਾ ਪਵੇ ਇਹ ਕਦੇ ਹੋ ਹੀ ਨਹੀਂ ਸਕਦਾ। ਇਸ ਸੰਸਾਰ ਵਿੱਚ ਪੰਜਾਬੀਆਂ ਨੇ ਹਰ ਜਗ੍ਹਾ ਹੀ ਆਪਣੀ ਛਾਪ ਛੱਡੀ ਹੈ।
ਅਸੀਂ ਗੱਲ ਕਰ ਰਹੇ ਹਾਂ ਪੰਜਾਬ ਦੇ ਪਿੰਡ ਲੁਹਾਰਾ ਦੀ ਧੀ ਗੁਰਦੀਪ ਕੌਰ ਦੀ ਜਿਸਨੇ ਆਪਣੀ ਮਿਹਨਤ ਦੀ ਬਦੌਲਤ ਅਮਰੀਕਾ ਵਿੱਚ ਇੱਕ ਮਿਸਾਲ ਪੇਸ਼ ਕੀਤੀ ਹੈ ।
ਤੁਹਾਨੂੰ ਦੱਸ ਦੇਈਏ ਕਿ ਪੰਜਾਬ ਦੀ ਇਸ ਧੀ ਨੇ ਕੈਲੀਫੋਰਨੀਆ ਵਿੱਚ ਆਪਣੀ ਵਕਾਲਤ ਪੂਰੀ ਕਰਨ ਉਪਰੰਤ ਅਮਰੀਕਾ ਦੀ ਜੱਜ ਬਣਨ ਦਾ ਮਾਣ ਹਾਸਿਲ ਕੀਤਾ ਹੈ। ਪੜ੍ਹਾਈ ਵਿੱਚ ਆਪਣੀਆਂ ਸ਼ਾਨਦਾਰ ਉਪਲੱਬਧੀਆਂ ਹਾਸਲ ਕਰਨ ਵਾਲੀ ਗੁਰਦੀਪ ਕੌਰ ਨੇ ਅਖਬਾਰਾਂ ਵੰਡਣ ਤੱਕ ਦਾ ਕੰਮ ਕੀਤਾ ।
ਇੱਥੇ ਜ਼ਿਕਰਯੋਗ ਹੈ ਕਿ ਆਪਣੇ ਮਨ ਵਿੱਚ ਇਮਾਨਦਾਰੀ ਨੂੰ ਵਸਾ ਕੇ ਰੱਖਣ ਵਾਲੀ ਗੁਰਦੀਪ ਕੌਰ ਨੇ ਆਪਣੇ ਮਾਂ-ਬਾਪ ਦਾ ਨਾਮ ਤਾਂ ਰੌਸ਼ਨ ਕੀਤਾ ਹੀ ਹੈ ਬਲਕਿ ਸਮੁੱਚੇ ਭਾਰਤ ਦੇਸ਼ ਨੂੰ ਮਾਣ ਮਹਿਸੂਸ ਕਰਾਇਆ ਹੈ।
ਇਸ ਤੋਂ ਅਸੀਂ ਇਹ ਅੰਦਾਜ਼ਾ ਲਗਾ ਸਕਦੇ ਹਾਂ ਕਿ ਬੇਇੰਤਾਹ ਅਤੇ ਸ਼ਿੱਦਤ ਨਾਲ ਕੀਤੀ ਮਿਹਨਤ ਕਦੇ ਵੀ ਜਾਇਆ ਨਹੀਂ ਜਾਂਦੀ ਬਲਕਿ ਉੱਚ ਪੱਧਰ ਤੇ ਉਭਰ ਕੇ ਸਾਰਿਆਂ ਦੇ ਸਾਹਮਣੇ ਆਉਂਦੀ ਹੈ।
—PTC News
