ਬਾਲੀਵੁੱਡ ਸੁਪਰ ਸਟਾਰ ਅਮਿਤਾਭ ਬੱਚਨ ਦਾ ਇਹ ਰੂਪ ਪਛਾਣਨਾ ਹੋਇਆ ਮੁਸ਼ਕਿਲ
ਬਾਲੀਵੁੱਡ ਸੁਪਰ ਸਟਾਰ ਅਮਿਤਾਭ ਬੱਚਨ ਦਾ ਇਹ ਰੂਪ ਪਛਾਣਨਾ ਹੋਇਆ ਮੁਸ਼ਕਿਲ:ਬਾਲੀਵੁੱਡ ਸੁਪਰ ਸਟਾਰ ਅਮਿਤਾਭ ਬੱਚਨ ਅੱਜ ਆਪਣਾ 76ਵਾਂ ਜਨਮ ਦਿਨ ਮਨਾ ਰਹੇ ਹਨ।ਇਸ ਖਾਸ ਮੌਕੇ 'ਤੇ ਜਿੱਥੇ ਅਮਿਤਾਭ ਨੂੰ ਉਨ੍ਹਾਂ ਦੇ ਫੈਨਜ਼ ਜਨਮ ਦਿਨ ਦੀਆਂ ਵਧਾਈਆਂ ਦੇ ਰਹੇ ਹਨ, ਉਥੇ ਹੀ ਅਮਿਤਾਭ ਨੇ ਇਸ ਖਾਸ ਦਿਨ ਨੂੰ ਫੈਨਜ਼ ਲਈ ਯਾਦਗਾਰ ਬਣਾਉਣ ਲਈ ਆਪਣੀ ਨਵੀਂ ਦਿੱਖ ਨੂੰ ਜਨਤਕ ਕੀਤਾ ਹੈ।ਫਿਲਮ ਜਗਤ 'ਚ ਆਪਣੀ ਖਾਸ ਪਛਾਣ ਬਣਾ ਚੁੱਕੇ ਅਮਿਤਾਭ ਨੂੰ ਇੱਕ ਨਹੀਂ ਬਲਕਿ ਕਈ ਨਾਵਾਂ ਨਾਲ ਜਾਣਿਆ ਜਾਂਦਾ ਹੈ।ਸ਼ਹਿਨਸ਼ਾਹ ਤੋਂ ਲੈ ਕੇ ਬਿੱਗ ਬੀ ਅਮਿਤਾਭ ਦੀ ਖਾਸ ਪਛਾਣ ਬਣ ਚੁੱਕੇ ਹਨ।
ਦੱਸਣਯੋਗ ਹੈ ਕਿ ਦੱਖਣੀ ਫਿਲਮ ਇੰਡਸਟਰੀ ਦੇ ਸੁਪਰਸਟਾਰ ਚਿਰੰਜੀਵੀ ਦੀ ਅਗਲੀ ਤੇਲੁਗੁ ਫਿਲਮ 'ਸਈ ਰਾ ਨਰਸਿਮਹਾ ਰੈੱਡੀ' 'ਚ ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਵੀ ਨਜ਼ਰ ਆਉਣਗੇ।ਇਸ ਫਿਲਮ 'ਚ ਅਮਿਤਾਭ ਨਵੇਂ ਅੰਦਾਜ਼ 'ਚ ਨਜ਼ਰ ਆਉਣਗੇ।
ਉਨ੍ਹਾਂ ਨੇ ਇਸ ਫਿਲਮ ਲਈ ਆਪਣਾ ਲੁੱਕ ਇਸ ਕਦਰ ਬਦਲ ਲਿਆ ਹੈ,ਜਿਸ ਦੇਖ ਕੇ ਪਛਾਣਨਾ ਥੋੜਾ ਮੁਸ਼ਕਿਲ ਹੋ ਰਿਹਾ ਹੈ।ਇਸ 'ਚ ਅਮਿਤਾਭ ਚਿੱਟੀ ਦਾੜ੍ਹੀ, ਮੱਥੇ 'ਤੇ ਲਾਲ ਟਿੱਕਾ ਲਗਾਏ ਹੋਏ ਨਜ਼ਰ ਆ ਰਹੇ ਹਨ।
ਦੱਸ ਦੇਈਏ ਕਿ ਚਿੱਟੀ ਦਾੜ੍ਹੀ ਤੇ ਲੰਬੇ ਚਿੱਟੇ ਵਾਲਾਂ 'ਚ ਉਹ ਕਾਫੀ ਬੁੱਢੇ ਨਜ਼ਰ ਆ ਰਹੇ ਹਨ।ਅਮਿਤਾਭ ਬੱਚਨ ਨੇ ਇਸ ਲੁੱਕ ਦੀਆਂ ਕਈ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਤੁਸੀਂ ਵੀ ਉਨ੍ਹਾਂ ਦੇ ਨਵੇਂ ਲੁੱਕ ਨੂੰ ਦੇਖ ਸਕਦੇ ਹੋ।ਇੰਨਾਂ ਹੀ ਨਹੀਂ ਫਿਲਮ ਦੀ ਸ਼ੂਟਿੰਗ ਦੌਰਾਨ ਦੀ ਵੀ ਇਕ ਤਸਵੀਰ ਉਨ੍ਹਾਂ ਨੇ ਸ਼ੇਅਰ ਕੀਤੀ ਹੈ, ਜਿਸ 'ਚ ਐਕਟਰ ਚਿਰੰਜੀਵੀ ਤੇ ਅਦਾਕਾਰਾ ਨਾਲ ਯੱਗ/ਹਵਨ ਲਈ ਬੈਠੇ ਹੋਏ ਹਨ।
ਦੱਸਣਯੋਗ ਹੈ ਕਿ ਇਸ ਫਿਲਮ ਦੀ ਸ਼ੂਟਿੰਗ ਲਈ ਹੈਦਰਾਬਾਦ ਨਿਕਲਣ ਤੋਂ ਪਹਿਲਾਂ ਅਮਿਤਾਭ ਬੱਚਨ ਨੇ ਇਸ ਬਾਰੇ ਆਪਣੇ ਬਲਾਗ 'ਚ ਜਾਣਕਾਰੀ ਦਿੱਤੀ ਸੀ।ਇਹ ਫਿਲਮ ਰਾਇਲਸੀਮਾ ਦੀ ਸਵਤੰਤਰਤਾ ਸੇਨਾਨੀ ਯੂ ਨਰਸਿਮਹਾ ਰੈੱਡੀ ਦੇ ਜੀਵਨ 'ਤੇ ਆਧਾਰਿਤ ਹੈ।
-PTCNews
