ਪਤਨੀ ਨੇ ਵਿਆਹ ਦੇ ਪਹਿਲੇ ਹਫਤੇ ਹੀ ਕੀਤਾ ਆਪਣੇ ਪਤੀ ਦਾ ਕਤਲ
ਪਤਨੀ ਨੇ ਵਿਆਹ ਦੇ ਪਹਿਲੇ ਹਫਤੇ ਹੀ ਕੀਤਾ ਆਪਣੇ ਪਤੀ ਦਾ ਕਤਲ:ਬਿਹਾਰ ਦੇ ਸਾਰਣ ਜਿਲ੍ਹੇ ਦੇ ਗੜਖਾ ਥਾਣਾ ਖੇਤਰ ਵਿੱਚ ਇੱਕ ਪਤਨੀ ਨੇ ਆਪਣੇ ਪਤੀ ਦੀ ਤੇਜ਼ਧਾਰ ਹਥਿਆਰ ਨਾਲ ਗਲਾ ਕੱਟਕੇ ਹੱਤਿਆ ਕਰ ਦਿੱਤੀ।ਇਨ੍ਹਾਂ ਦੋਨਾਂ ਦਾ ਵਿਆਹ ਚਾਰ ਦਿਨ ਪਹਿਲਾਂ ਹੀ ਹੋਇਆ ਸੀ।ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਮੌਕੇ ਉੱਤੇ ਪਹੁੰਚੀ ਪੁਲਿਸ ਨੇ ਆਰੋਪੀ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।ਪੁਲਿਸ ਦੇ ਅਨੁਸਾਰ ਜਿਲ੍ਹੇ ਦੇ ਮੁਕੀਮਪੁਰ ਪਿੰਡ ਨਿਵਾਸੀ ਰਵਿੰਦਰ ਸਿੰਘ ਨੇ 29 ਜੂਨ ਨੂੰ ਸਿੰਕੀ ਦੇਵੀ ਦੇ ਪਿੰਡ ਦੇ ਹੀ ਇੱਕ ਮੰਦਿਰ ਵਿੱਚ ਵਿਆਹ ਕੀਤਾ ਸੀ।ਰਵਿੰਦਰ ਦਾ ਇਹ ਦੂਜਾ ਵਿਆਹ ਸੀ,ਜਦੋਂ ਕਿ ਆਰੋਪੀ ਔਰਤ ਦਾ ਇਹ ਤੀਜਾ ਵਿਆਹ ਸੀ। ਵਿਆਹ ਦੇ ਬਾਅਦ ਦੋਨੋਂ ਤਿੰਨ ਦਿਨ ਤੱਕ ਇਕ ਦੂਜੇ ਨਾਲ ਠੀਕ ਰਹੇ ਸਨ।ਚੌਥੀ ਰਾਤ ਦੋਨੋਂ ਆਪਣੇ ਹੀ ਘਰ ‘ਚ ਸੁੱਤੇ ਸਨ।ਗੜਖਾ ਦੇ ਥਾਣਾ ਇੰਚਾਰਜ ਗੌਰੀ ਸ਼ੰਕਰ ਨੇ ਦੱਸਿਆ ਕਿ ਮੰਗਲਵਾਰ ਦੀ ਰਾਤ ਦੋਨੋਂ ਪਤੀ ਪਤਨੀ ਇਕੱਠੇ ਸੁੱਤੇ ਸਨ ਪਰ ਰਾਤ ਨੂੰ ਪਤਨੀ ਨੇ ਸੁਤੇ ਪਏ ਆਪਣੇ ਪਤੀ ਦੀ ਗੰਡਾਸੇ ਨਾਲ ਗਰਦਨ ਕੱਟਕੇ ਹੱਤਿਆ ਕਰ ਦਿੱਤੀ।ਹੱਤਿਆ ਦੇ ਕਾਰਨਾ ਦਾ ਹੁਣ ਤੱਕ ਪਤਾ ਨਹੀਂ ਚੱਲ ਸਕਿਆ ਹੈ।ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਦੀ ਟੀਮ ਮੌਕੇ ਉੱਤੇ ਪਹੁੰਚ ਗਈ। ਮ੍ਰਿਤਕ ਦਾ ਮ੍ਰਿਤਕ ਸਰੀਰ ਆਪਣੇ ਕਬਜੇ ਵਿੱਚ ਲੈਂਦੇ ਹੋਏ ਆਰੋਪੀ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।ਮ੍ਰਿਤਕ ਰਵਿੰਦਰ ਨੂੰ ਪੋਸਟਮਾਰਟਮ ਲਈ ਛਪਰਾ ਸਦਰ ਹਸਪਤਾਲ ਭੇਜ ਦਿੱਤਾ ਗਿਆ ਹੈ।ਪੁਲਿਸ ਵੱਲੋਂ ਆਰੋਪੀ ਔਰਤ ਕੋਲੋਂ ਪੁੱਛਗਿਛ ਕੀਤੀ ਜਾ ਰਹੀ ਹੈ। -PTCNews